Bilbao Athleticek puntu bat urratu du Mirandesen aurka
Bilbao Athleticek bana berdindu (1-1) du Mirandesen aurka San Mamesen. Azken unean urratu du puntua talde zuri-gorriak, nahiz eta ez dion askorako balio, ez behintzat salbazioara gerturatzeko hurrats handia emateko.
Lehen zatia oso parekatua izan da, baina abagune gutxikoa. Mirandesek gola sartzeko izan duen aukera bakarra 23. minutuan iritsi da; kornerra zuzenean jaurti, eta baloiak zutoina jo du. Bilbao Athleticen erantzuna 30. minutuan heldu da, baina Raul Fernandez atezainak ondo desbideratu du Guarrotxenaren jaurtiketa. Lehen zatia amaitu orduko, gainera, zuri-gorriek beste abagune bat izan dute, eta oraingoan ere Raul Fernandez atezainak etxeko taldearen gola eragotzi du.
Bigarren zatia hasi bezain laster maldan gora jarri zaio partida Bilbao Athletici. Atzealdean kale egin, eta Aridanek bigarren zutoinean sare barrura bidali du errematea (0-1). Golaren ondoren, Bilbao Athletic saiatu da berdinketa lortzen, baina ez da bigarren zati osoan abagune argirik sortzeko gai izan. Mirandesek ere ezer gutxi egin du erasoan, baina defentsan sendo ibili da. Partida Mirandesen garaipenarekin amaituko dela ematen izan duenean, epaileak Bilbao Athleticen aldeko penaltia adierazi du. Aketxek egin du jaurtiketa eta banakoa (1-1) ezarri du markagailuan. Zuri-gorrien golaren ostean ez da ezertarako denboarrik egon eta puntu bana eskuratu dute bi taldeek.
Fitxa teknikoa:
1 - Bilbao Athletic: Remiro; Etxeberria, Ramalho, Yeray, Saborit; Guarrotxena (Cordoba, 67. min), Unai Lopez (Gorka Iturraspe, 82. min), Vesga, Seguin (Jurgi, 82. min); Aketxe eta Santamaria.
1 - CD Mirandes: Raul; Moreno, Gaffoor, Kijera; Eguaras, Rúper, Provencio; Sangalli (Alex Garcia, 58. min), Aridane (Nestor Salinas, 69. min), Alain (Andon Prats, 75. min); eta Ion Velez.
Golak: 0-1, 48. min: Aridane. 1-1, 91. min: Aketxe, penaltiz.
Epailea: Eiriz Mata (Galizia).
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.