Bilbao Athleticek jipoia jaso du San Mamesen
Bilbao Athleticek 0-4 galdu du Gimnasticen aurka San Mamesen, eta Zigandak zuzentzen duen taldeak burua altxatu ezinda jarraitzen du. Talde bizkaitarra Adelante Ligako azken sailkatua da, eta gero eta zailago du salbazioa lortzea.
Talde zuri-gorriak erritmo bizia ezarri nahi izan dio partidari hasieratik, baina norgehiagokako lehen abagunea Nasticek izan du; Naranjoren jaurtiketari, erantzun bikaina eman dio Remiro atezainak. Ondoren, Iriondok izan du lehen abagunea zuri-gorrientzat, baina atezainaren aurrean baloia loratu, eta Marik atera du atepetik. Minutu horietan, Bilbao Athletic nagusitzen hasi da, baina Tarragonako taldeak 0-1ekoa sartu du partidan izan duen bigarren abagunean. Naranjo izan da golegilea. Lehen zatia amaitu baino lehen, Zigandak zuzentzen duen taldeak lehia berdintzeko bi abagune izan ditu, biak Villalibrenak; lehena Nasticeko atezainak gelditu du, eta bigarrena, gutxigatik joan da kanpora.
Bigarren zatia hasi eta hamar minutura, zuri-gorriek gola sartzeko aukera izan dute, baina Santamariaren errematea kanpora joan da, ozta-ozta. Bilbao Athleticek barkatu egin du, baina Nasticek ez, hurrengo jokaldian Kataluniako taldeak 0-2koa sartu baitu. Aburjaniak sartu du gola, area kanpotik egindako jaurtiketa baten bitartez.
Nasticen bigarren golak jota utzi du Bilbao Athletic, eta Kataluniako taldeak aldeak handitu ditu partidako azken txanpan. Emanak bi gol egin ditu 68. eta 78. minutuetan, 0-3koa eta 0-4koa jarrita. Azken gol horien ostean, bisitariak jaun eta jabe izan dira, eta gol gehiago sartzeko aukera gehiago ere izan ditu. Partida amaitutakoan, beraz, Tarragonako taldeak eskuratu ditu hiru puntuak.
Fitxa teknikoa:
0 - Bilbao Athletic: Remiro; Ramalho, Gil, Saborit; Etxeberria, Jon Iru (Santamaria, 46. min), Iriondo (Seguin, 65. min); Aketxe, Olaetxea, Vesga; eta Villalibre (Guarrotxena, 77. min).
4 - Gimnastic: Reina; Suzuki, Bouzón, Marí, Mossa; Madinda, Aburjania; Jean Luc Assoubre, Muñiz (Lobato, 63. min), Naranjo (Xisco, 78. min); eta Emana (Ferran, 84. min).
Golak: 0-1, 25. min: Naranjo. 0-2, 56. min: Aburjania. 0-3, 69. min: Emana. 0-4, 79. min: Emana.
Epailea: Cordero Vega.
Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.