Gameirok eta epailearen erabaki txarrek Athleticen porrota eragin dute
Athleticek 2-0 galdu du Sevillaren aurka Sanchez Pizjuanen. Zuri-gorriek aurkariak baino hobeto jokatu dute, baina Gurpegiren huts batek eta epaileak asmatutako penalti batek, garaipena eman diote Sevillari.
Lehen minututik Athletic nagusi izan da. Laugarren minutuan etorri da zuri-gorrien lehen abagunea, baina Raul Garciaren errematea kanpora joan da, defentsa baten jo ostean. Jarraian, Sergio Rico atezainak gola eragotzi du San Joseren erremateari erantzun bikaina emanda. Seigarren minutuan, Lekueren jaurtiketa kanpora joan da, langa jo ostean. Sevilla ezinean ibili da, baina 25. minutuan gola sartu du Unai Emeryk zuzentzen duen taldeak. Gurpegik huts egin eta zulo handia utzi du Athleticeko defentsako lerroan; Vitolok zuloa ikusi, Gameirori pasea eman eta honek ez du kale egin Iraizozen aurrean (1-0).
Gola jaso ostean, dena txarto atera zaio Athletici. Raul Garciak min hartu du, eta ezin izan du jokatzen jarraitu; Erasok ordezkatu du. Athleticeko zerbitzu medikuek jakitera eman dutenez, Raul Garciak "zartadura du ezker belaunean, medial aldean eragina duena". Atsedenaldira iritsi baino lehen, Adurizek berdinketa sartzeko abagunea izan du, baina ez du asmatu Sergio Ricoren aurrean.
Bigarren zatia parekatua izan da. Bi taldeetako bat ere ez da nagusi izan eta epaileak hartutako erabaki batek guztiz apurtu du lehia. 58. minutuan Krychowiakek bere burua lurrera bota du area barruan eta epaileak penaltia adierazi du. Gameirok jaurti du epaileak asmatutako penaltia eta 2-0ekoa sartu du.
Partidako azken 20 minutuetan Athletic golaren bila joan da, baina Sergio Ricoren geldituek eta punteria faltak, zuri-gorriek golik ez lortzea eragin dute. Gainera, 77. minutuan, epaileak ez du Athleticen aldeko penalti argi bat adierazi; Konoplyankak bultz egin dio Adurizi area barruan, baina epaileak ez du ikusi nahi izan. Amaieran, Sevillarentzat garaipena (2-0).
Fitxa teknikoa:
2 - Sevilla FC: Sergio Rico; Coke, Carriço, Kolodziejczak, Tremoulinas; Krychowiak, Cristoforo (Iborra, 88. min); Vitolo, Ever Banega (Konoplyanka, 70. min), Krohn-Dehli; eta Gameiro (Llorente, 83. min).
0 - Athletic: Iraizoz; De Marcos, Gurpegi, Laporte, Balenziaga; San José, Beñat; Williams (Sabin Merino, 85. min), Raul Garcia (Eraso, 31. min), Lekue (Muniain, 59. min); eta Aduriz.
Golk: 1-0, 24. min: Gameiro. 2-0, 59. min: Gameiro, penaltiz.
Epailea: Eduardo Prieto Iglesias.
as.Zure interesekoa izan daiteke
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Athleticek Elx menderatu du, Guruzetak bi gol sartuta, eta hiru garaipen jarraian lortu ditu Ligan (2-1)
Aurrelari donostiarrak 64. minutuan egin du 1-0ekoa, Andre Da Silvak jarri du 1-1ekoa, penaltiz, eta 89.ean egin du Guruzetak Athleticen bigarrena, penaltiz. Valverderen taldeak, horrela, Ligako azken 4 partidetan jokoan izan dituen 12 puntuetatik 10 poltsikoratu ditu.
Ane Campos, berriro Ipuruan, Eibar-Athletic derbian: “Partida gogorra izango da, xehetasunek erabakiko dute”
Aurrelari gipuzkoarrak, lehen itzulian, gol bat egin zion bere talde ohiari; orain, aurrenekoz jokatuko du aurkari gisa Eibarren estadioan. Camposek EITBrekin hitz egin du, derbia aztergai; igandean izango da, 12:00etan, eta kirolakeitb.eus-ek eta ETB2k zuzenean emango dute.
Valverde: "Ez dugu sailkapenean ez gora ez behera begiratzen, gure buruari begira gaude"
Entrenatzaile zuri-gorriak baieztatu duenez, Dani Vivian jokatzeko prest izango da, giharretako arazo batengatik azken sei neurketa galdu ostean. Mikel Jauregizar, ordea, ezin izango du zelairatu, igandean Carlos Tartieren min hartu ondoren.
Unai Egiluz, Athleticeko jokalaria: "Taldearekin itzultzeko prest nago"
Unai Egiluz Athleticeko jokalaria gaur itzuli da entrenamenduetara, lesio luze baten ostean. Oso pozik agertu da prentsaurrekoan, lanerako gogoz.
Nico Williams baja izango da datozen jardunaldietan; Jauregizarren lesioa, berriz, ez da larria
Talde zuri-gorriak argitaratutako mediku-txostenaren arabera, Williamsek kanpoko espezialista batekin landuko du pubalgia. Jauregizarren kasuan, berriz, egindako probekin ikusi dute ez duela lesio larririk, ez belauneko lotailuan, ezta meniskoan ere.
Valverde: "Nico ez dago % 100ean, eta hori arazo bat da berarentzat eta guretzat"
Athleticeko entrenatzaileak Williams anai txikiak dituen arazo fisikoei buruz hitz egin du.
Oihan Sancet: "Badakigu hiru puntuak lortzea zein zaila den eta oso pozik gaude"
Valverderen taldeak Oviedoren etxean lortutako garaipen garrantzitsua izan du hizpide Athleticeko jokalariak (1-2).
Athleticek markagailua irauli du Oviedoren aurka, eta Ligan gora begira jarri da (1-2)
Ilyas Chairak Asturiasko taldea aurreratu du lehenengo zatian; bigarrenean, Athleticek hobera egin du, Mikel Jauregizarrek gol ederra sartu du 1-1ekoa jartzeko, eta Oihan Sancetek, penaltiz, 1-2koa egin du. Jauregizar lesionatu egin da gola sartu duen jokaldian.
Oguiza: "Astean zehar partida asko izan ditugu, eta hori azkenean igarri egiten da"
Irene Oguiza Athleticeko jokalariaren adierazpenak, F Ligako 20. jardunaldiko Realaren aurkako derbia 0-2 galdu ondoren.