Partida irauli du Athleticek, bigarren zati bikaina eginda (3-2)
Athleticek ondo hasi du partida, Marcelinoren taldea atzean sartuta zegoela aprobetxatuz.
Gola egiteko lehen aukera argia Iñaki Williamsek izan du, 9. minutuan. Aurrelari gaztea bakar-bakarrik geratu da Barbosa atezainaren aurrean, Beñatek emandako pase bikainari esker, baina bere errematea kanpora joan da, zutoinaren ondotik.
Bost minutu geroago, gola egiteko bigarren aukera argia izan dute bilbotarre. Beñatek korner bat atera du eta Laportek ez du gutxigatik baloia buruarekin errematatu, Barbosa atetik atera eta huts egin ostean.
Athletic hobeto ari izan denean iritsi da Vila-realen gola. Leo Baptistaok egin du, valentziarren jokaldi on baten ondorioz.
Lekuek eta Iturraspek berdinketa egiteko aukerak izan dituzte, baina partidako bigarren gola ere Marcelinoren mutilek egin dute. Samuk sartu du, kontraerasoan.
Athleticen susperraldia
Bigarren zatiaren hasieran, Vila-real oso ondo aritu da defentsan, zuri-gorrien bultzadari eutsi nahian.
Bilbotarrak Iñaki Williamsen golarekin suspertu dira. Beñatek pase bikaina eman dio, enegarrena, eta Williamsek ez du barkatu. Bibotarrak neurketan sartu dira berriro.
Talde horia hautsia geratu da, eta lehoiek etekina atera diote horri. Adurizek eta Laportek beste bi gol egin dituzte eta neurketa irauli dute. Laporte ere laugarrena sartzear izan da luzapenean.
Fitxa teknikoa:
3 - Athletic: Herrerín; De Marcos, Etxeita, Laporte, Lekue (Balenziaga, 87. min); Iturraspe (San José, 81. min), Beñat; Susaeta, Raúl García, Muniain (Aduriz, 55. min); eta Williams.
2 - Vila-real: Barbosa; Rukavina, Bailly, Víctor Ruiz, Adrián Marín; Pina, Rodri (Bruno, 80. min), Nahuel (Mario, 73. min), Samu Castillejo; Leo Baptistao (Bakambu, 66. min) eta Samu García.
Golak: 0-1, 16. min: Leo Baptistao. 0-2, 38. min: Samuel García. 1-2, 54. min: Williams. 2-2, 68. min: Aduriz. 3-2, 81. min: Laporte.
. min: Laporte.Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.