Athleticek Partizan jipoitu du San Mamesen (5-1)
Athleticek sendo jarraitzen du Europa Ligan, eta gero eta gertuago du final-hamaseirenetarako sailkatzea, Partizani San Mamesen 5-1 irabazi ostean.
Valverdek hiru aldaketa egin ditu hasierako hamaikakoan, Herrerin, Boveda eta Susaeta hasieratik jarri baititu.
Lehen zati arraroa jokatu dute bi taldeek. Lehen minutuetan, erritmoa mantsoa izan da, sakontasunik gabe aritu dira, baina ondoren, eta bat-batean, hiru gol igo dira markagailura, hiru minutu eta erdian.
Lehenengoa Iñaki Williamsek egin du, 15. minutuan. Jokalari gazteak aurkariek galdutako baloi bat hartu, eta serbiarren atean sartu du. Williamsek San Mamesen egiten duen lehenengo gola izan da.
Bilbotarrek, baina, ez dute golaz disfrutatzeko denborarik izan, hurrengo jokaldian Partizanek gola egin duelako. Oumaruk egin du, jokaldia zalantzazko posizioan hasita.
Handik lau minutura, Athletic berriro jarri da aurretik, Williamsek bigarrena eginda. Beñatek pase bikaina eman dio Adurizi, donostiarrak ezkerraldetik aurrera egin, eta baloia erdiratu, eta Williamsek sareetara errematatu du.
Williamsek berak hirugarrena egiteko aukera argia izan du handik gutxira, baina ez du azken errematean asmatu.
Beñatek, ordea, ez du barkatu, eta zuri-gorriak 3 eta 1 jarri ditu aurretik, falta jaurtiketa baten bidez gola eginda.
Bigarren zatian, lasaiago
Atsedenaldiaren ostean, serbiarrak hobeto kokatu dira zelaian, eta presioa gorago egiten hasi dira. Athleticen unerik eskasenak izan dira. Balenziaga, gainera, hanka sartzeko zorian izan da, Herrerini emandako baloi bat bere atean sartzetik gertu egon baita, baina atezainak azker erantzun du, eta baloia aldentzea lortu du, ia-ia barruan zegoenean.
Minutuak igaro ahala, lehoiek gero eta erosoago jokatu dute. Aritz Adurizek laugarrena egin du 71. minutuan; gol bikaina, Athleticekin egin duen 100. gola.
10 minutu geroago, Elustondok bosgarrena egin du, Athleticen gaua biribiltzeko.
Fitxa teknikoa
5 - Athletic: Herrerín; Bóveda, Etxeita, Laporte, Balenziaga; San José, Beñat (Elustondo, 73. min); Williams (De Marcos, 63. min), Raúl García (Eraso, 67. min), Susaeta; eta Aduriz.
1 - Partizan: Kljajic; Vulicevic, Fabricio, Balazic (Cirkovic, 26. min), Subic; Jevtovic; Grbic, Babovic, Lukic, Stevanovic; eta Abubakar (Saponjic, 46. min).
Golak: 1-0, 15. min: Williams. 1-1, 17. min: Abubakar. 2-1, 19. min: Williams. 3-1, 40. min: Beñat. 4-1, 71. min: Aduriz. 5-1, 81. min: Elustondo.
Zure interesekoa izan daiteke
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.