Lyonen eta Spartaren arteko berdinketak Athletic Europatik at utzi du
Olympique Lyonek eta Sparta Pragak bana egin ditu Txekiar Errepublikako hiriburuan. Berdinketak Athletic aukerarik gabe uzten du. Horrela, talde zuri-gorria Europa Ligatik kanpo geratu da.
Frantziako taldearen aurka San Mamesen galdu ostean, bilbotarrek miraria behar zuten Europako lehiaketan aurrera egiteko. Bizkaitarrek Hapoel Kyriat eta Sparta mendean hartu behar zituzten, baina aldi berean txekiarrek ez zuten punturik bildu behar azken bi neurketetan.
Horrela, azken edizioko txapeldunordeak Europatik at utzi du berdinketak. Athleticek kaskar hasi eta oker bukatu du. Gauzak ez ziren ondo joan hasieratik; lehen jardunaldian Israelgo taldearen aurka berdinketa baino ez zuten lortu zuri-gorriek San Mamesen. Pragako eta Lyongo porrotek egoera gehiago okertu zuten eta etxeko azken hanka-sartzeak edozein aukera zapuztu zuen.
Stadion Letnako emaitzak atzeratutako partida garrantzirik gabe utzi du. Olympique eta Sparta multzoko bi sailkatuak izango dira eta lehiaketan aurrera egingo dute.
Azken jardunaldian, Lyonek Hapoel Kyriat hartuko du eta Athleticek Sparta San Mamesen.
Lyonek 13 puntu ditu dagoeneko eta multzoko txapelduna izango da, eta Spartak zortzi punturekin bigarren postua ziurtatu du.
Athleticek puntu bakarra bildu du eta zazpi lortzeko aukera baino ez du. Hapoelek bi puntu ditu eta zortzi biltzeko aukera du, baina Spartarekin average-a galduta du.
Zure interesekoa izan daiteke
Valverde: “Hiru puntu nola edo hala lortzeko premia dugu"
Ernesto Valverdek ohartarazi du egun Athleticek “lasai egoteko puntuak” falta dituela, eta orain helburua “nola edo hala” irabaztea dela, Europarako txartel ematen duten postuetara begira egon beharrean.
Maroan: “Hurrengo partidetan dena emango dugu”
Maroan Sannadi Athleticeko jokalariaren adierazpenak, EA Sports Ligako 30. jardunaldiko partidan Getaferen aurka 2-0 galdu ondoren.
Athleticek porrota jaso du Getaferen aurka, eta Europako postuetatik urrundu da (2-0)
Zirkulazioan argitasunik gabe eta azken metroetan asmatu gabe, zuri-gorriek ia ez dute aurkariaren atea urduritu, eta amore eman dute Getaferen aurrean.
Athleticek azken hatsean irabazi dio Levanteri (0-1)
Athleticek asko kostata irabazi dio Levanteri, F Moeve Ligako azken sailkatuari, hain justu ere. Partida oso parekatua izan da. Talde zuri-gorriak, baina, ez du amore eman, eta Ane Camposek 92. minutuan sartu du garaipenaren gola.
Valverde: “Nico Williams oso ondo dago, minik gabe eta jokatzeko aukerekin"
Nico Williamsen itzulera da nobedade nagusietako bat Ernesto Valverde Athletic Clubeko entrenatzaileak Getaferen aurka igande honetan jokatuko duen partidarako deitutako 24 futbolarien zerrendan.
Clara Pinedo Athleticeko jokalaria, berritasun nagusia Espainiako selekzioaren deialdian
Irene Paredes legazpiarra berriro sartu da zerrendan, eta Adriana Nanclares Athleticeko atezaina eta Aiara Agirrezabala Realeko atzelaria ere ageri dira bertan.
Yerayk jokatzeko baimena du, hamar hilabeteko zigorra beteta
Athleticeko erdiko atzelariak positibo eman zuen, 2025eko maiatzean, doping-kontrol batean. Otsailaren 2an hasi zen Lezaman entrenatzen, eta orain, Ernesto Valverdek hala erabakiz gero, baimena du berdegunera bueltatzeko.
Jon Uriartek bi egunetan lortu ditu Athleticeko presidentetzarako bere hautagaitza balioztatzeko gutxieneko 2.070 abalak
Momentuz, talde bilbotarraren hauteskundeetara aurkeztuko dela iragarri duen bazkide bakarra da; hauteskundeak maiatzaren 8rako deituta daude.
Jon Uriartek bere hautagaitza ofizial egin du: “Athletic askoz handiagoa egitera gatoz"
Bilboko taldearen bulegoetan aurkeztutako hautagaitzak oraingoz beste zortzi kide ditu: Jon Salinas, Xabi Alvarez, Ibon Naberan, Nacho Uriguen, Roque Echaniz, Jon Ruigomez, Laura Ruiz de Azua eta Josetxu Urrutia.
Athleticek ezin izan du Atletico menderatu, nahiz eta koltxoneroak bat gutxiago izan (1-2)
Athleticek 1-2 galdu du Atletico Madrilen aurka San Mamesen jokatu dute F Moeve Ligako 24. Jardunaldiko partida. Atletico jokalari bat gutxiagorekin geratu da 35. minutuan eta Nerea Nevadok gola sartu du ia jarraian. Hala ere, Penalvo eta Oterminen golek garaipena eman diete Atleticori.