Ander Herrera lau neurketarekin zigor dezakete
Ander Herrerari zigor gogorra ezar diezaioke Lehiaketa Batzordeak, Tino Costa Valentziako jokalariari emandako ostikadagatik. Erdilari zuri-gorria egotzi egin zuen epaileak eta orain lau partidako zigorra ezar diezaiokete.
Undiano Mallenco idatzitako aktaren arabera, Athleticeko erdilariak txartel gorria ikusi zuen, "jokoa geldirik zegoenean aurkari bati ostikada emateagatik".
Ekintza hauek eraso bat bezala ulertzen ditu Lehiaketa Batzordeak, eta arautegiaren 98. artikuluarekin epaitzen ditu. "Jokoa geldirik dagoela" aurkari bat lesiorik sortu gabe kolpatzeagatik "4-12 neurketako zigorra" ezar diezaiokete, artikulu horren arabera.
Batzorde zorrotzagoa
Denboraldi honetan Lehiaketa Batzorde berria osatu dute. Francisco Rubio Batzordeko presidentea da, Alfredo Florez presidente ohia baino asko zorrotzagoa orain arte. Florezek iragan udan erretiroa hartu zuen 85 urte zituela. Aurrekariek itxaropen handirik ez dute ematen Herreraren kasuan.
Medel Sevillako jokalariari bi partidako zigorra ezarri zioten. Escassi Herculeseko jokalariari lau norgehiagoka sartu zizkioten Almeriako jokalari bati eskukada bat emateagatik, jokoa geldirik zegoenean. Horrela, San Mamesen jokatuko diren Getaferen eta Sevillaren aurkako partidak gal ditzake Herrerak, eta baita Granada eta Real Madrilen kontrakoak ere, etxetik kanpo.
Zure interesekoa izan daiteke
Nico Serranok gihar-lesio arina du, eta ez da taldekideekin aritu, Athleticen
Jokalari nafarrak, hain zuzen, ezker hankako zuzen femorala du minduta.
Josean Lekuek Nico “ondo" dagoela ziurtatu du, eta iragan denboraldia esparru medikoan aspaldiko “txarrena" izan zela onartu du
Hala ere, "antzeko metodologiarekin", 2024-2025 denboraldian Athleticek laugarren amaitu eta Europa Ligako finalerdiak jokatu zituela, eta azken hamarkadako "onena" izan zela gaineratu du buruzagi mediko zuri-gorriak.
Urko Izetak Athletic utzi eta Cadizen jokatuko du
27 urteko jokalariak 16 partida ofizial jokatu zituen aurreko denboraldian Ernesto Valverderen aginduetara, horietatik hiru bakarrik titular gisa, eta gol bat sartu zuen.
Maddi Torrek Athleticekin berritu du, 2027ra arte
30 urteko erdiko atzelaria, Donostian jaioa eta Sopelan hazia bera, Athleticetik irten zen 2016an, 2015-2016 denboraldiko Liga irabazita, eta 2023an klub zuri-gorrira bueltatu zen: “18 urte nituen adina energia daukat, anbizio bera”, nabarmendu du, berritu eta gero.
Senideek, lagunek eta Athleticeko jokalari ohiek azken agurra eman diote Carmelo Cedrun atezain zuri-gorriari
Bertaratutakoen artean talde bilbotarreko zuzendariak zeuden, Jon Uriarte presidentea buru zutela, eta Athleticeko jokalari ohi ugari, hala nola Dani, Andoni Goikoetxea edo Jose Angel Iribar, Carmelo Cedruni zuri-gorrien atean lekukoa hartu ziona.
Edin Terzicek aurreneko aldiz zuzendu du entrenamendua Lezaman
Asteartean aurkeztu zuten entrenatzaile alemaniarraren esanetan, Athleticeko 29 jokalari aritu dira, denboraldiaurrean lehenengoz, klub zuri-gorriaren instalazioetan.
Unai Gomezek Udinesekin sinatu du, Athleticek salduta
Erdilari bermeotarrak, 23 urtekoa bera, Athleticeko lehen taldean 117 partida ofizial jokatuta utzi du klub zuri-gorria; 2023an egin zuen debuta Lehen Mailan. Athleticek zehaztu du kopuru finko bat eskuratuko duela transferentziagatik, eta aldagai ekonomikoak gordetzen dituela helburuen, etorkizuneko salmentaren ehunekoaren eta lehentasunez erosteko eskubidearen arabera.
Edin Terzic Athleticen entrenatzaile berria, bere aurkezpenean: “Lehenengo erantzuna Lezama da”
Alemaniarrak, asteartean, aurrenekoz egin du agerraldia talde zuri-gorriaren entrenatzaile bezala, Bilbon. Terzicek nabarmendu du ez duela fitxaketarik eskatu, uste baitu jokalari onak dituela bere esanetara, eta azpimarratu du ilusio handia duela Athleticen lan egiteagatik eta taldea San Mamesen zuzendu ahal izateagatik.
Andoni Gorosabel, denboraldiaurreko lehen lesionatua Athleticen
Hegaleko zuri-gorriak "lesio moderatua du eskuin aduktore luzean", eta "bilakaeraren zain" dago, klubak argitaratutako oharraren arabera.
Athleticek denboraldiaurreari ekin dio, jokalariei lehenengo mediku azterketak eginda
Edin Terzic entrenatzaile berriaren esanetara, talde zuri-gorriko futbolariei, Lezaman, denboraldi hasierako azterketa mediku ohikoak egiten hasi zaizkie.