Athleticek hiru puntuak galdu ditu azkenengo bi minutuetan
Athleticek 3-2 galdu du Valentziaren aurka Mestallan, eta sailkapenaren behealdeko postuetan jarraituko du beste jardunaldi batez. 87. minutura arte, 1-2 irabazten ari zen talde zuri-gorria, baina bi minututan (88. minutuan eta 90. minutuan), Valentziak emaitza iraultzea lortu du.
Athleticek eta Valentziak partida ikusgarria jokatu dute. Talde bakoitzak gol aukera bana izan ditu lehen minutuetan, baina ez dute asmatu. Athleticek sartu du partidako lehen gola, 18. minutuan (0-1). De Marcosek galduta zegoen baloi bat azkeneraino borrokatu du, eta Adurizek gol ikusgarria sartu du area kanpotik egindako jaurtiketaren ondorioz.
Pozak, ordea, ez dio asko iraun talde zuri-gorriari. Valentziak berdinketa lortu du 25. minuturako. Undiano Mallenco epaileak Valentziaren aldeko penaltia adierazi du, baloiak Ekizaren eskuan jo duelako. Soldadok ez du barkatu, eta penaltiz 1-1ekoa sartu du.
Gola jasota Athleticek ez du etsi, eta aurrera jarraitu du. Bielsak zuzentzen duen taldeak oso ondo jokatu du lehenengo zatian. Undiano Mallencok ez du Athleticen aldeko penalti argia adierazi 28. minutuan. Baloiak Victor Ruizen eskuan jo du, baina epaile nafarrak ez du ezer adierazi. Bi minutu geroago, Adurizek 1-2koa sartu du. Emaitza horrekin (1-2) iritsi da partida atsedenaldira.
Bigarren zatia parekatua izan da, baina 69. minutuan Ander Herrerak txartel gorria ikusi du, eta Athletic hamar jokalarirekin geratu da. Herrerak umekeria egin du ostikoa jo baitio Tino Costari.
Jokalari bat gutxiagorekin, Athletic atzean sartu da. Bielsak Aurtenetxe sartu du Aduriz ordezkatzeko, eta geroago, San Jose sartu da Iñigo Perezen ordez. Valentzia erasokor ibili da berdinketa lortzeko asmoz, baina Athleticek nahiko ondo eutsi dio defentsan, 88. minutura arte. Orduan lortu du Valentziak berdinketaren gola, 2-2koa. Tino Costak egin du azken errematea, eta bera izan da golegilea. San Josek baloia aldentzeko aukera izan du atepean, baina lokartu egin da eta Valentziak berdinketa lortu du.
Berdinketari eusteko beharra izan du Athleticek bigarren gola hartuta, baina falta bat ondo ez defendatzeagatik etorri da Valentziaren hirugarren gola. Valdezek egin du errematea, eta ondorioz, Valentziak lortu du garaipena 3-2ko emaitzarekin.
Zure interesekoa izan daiteke
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.
Athleticek porrot mingarria jaso du Sevillaren aurka San Mamesen, Edin Terzicen debutean (1-3)
Osok, Ejukek eta Isaacek sartu dituzte Sevillaren golak, eta Paredesek lortu du etxekoena. Athletic hamar futbolarirekin aritu da hamargarren minututik, Yuriri txartel gorria atera baitiote, eta lehenengo eta hirugarren goletan huts egin du. Gerenabarrena hasierako hamaikakoan izan da, eta aurreneko aldiz jokatu du talde zuri-gorriarekin, baita Rinconek ere.
Edin Terzic: “Uste dut prest gaudela, entrenamenduetan eta lagunartekoetan erakutsi dugu”
Athleticek bihar hasiko du denboraldia Sevillaren aurka San Mamesen (17:00etan). Edin Terzic enrenatzeileak Nico Williams minik gabe ari dela entrenatzen esan du, baina Vivian ez dagoela jokatzeko prest. Taldea ondo dagoela uste du lehiaketa hasteko.
Athleticek porrot batekin itxi du denboraldiaurrea Atalantaren aurka
Athletic Clubek 1-0 galdu du Bergamon, talde zuri-gorriak 2026-27 denboraldia ofizialki hasi aurretik Sevillaren aurka Bilbon jokatu duen zortzi partiduen azken prestaketa partidan. Nicola Zalewski internazional poloniarrak bigarren zatia hasi eta berehala sartutako golari esker irabazi du partida Italiako taldeak, Athleticek ezin izan du aurreko denboraldiko Txapeldunen Ligan lortutako garaipena errepikatu.
Edin Terzic: “Zaleen zirrara eta babesa antzematen ditut, klubarekiko duten lotura; lanerako jarrera oso ona da”
Athleticek abuztuaren 22an ekingo dio lehiari 2026-2027 denboraldian, EA Sports Ligan, San Mamesen, Sevilla aurkari; horretarako bederatzi egun gelditzen direla, EITBk Edin Terzic zuri-gorrien entrenatzaile berria elkarrizketatu du. “Guk, Ligako beste hainbat taldek bezala, Europan jokatzea dugu helburu”, adierazi du, “eta hitzeman ahal dut gogor lan egingo dugula horretarako”.
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.