Porrot zaporeko berdinketa Alavesen eta Las Palmasen artean, bi goleko aldea alferrik galduta (2-2)
Alavesek 2-2 egin du Las Palmas aurkazi zuzenaren aurka, ostiral honetan Kanaria Handian jokatu den EA Sports Ligako 28. jardunaldiko partidan. Toni Martinezek eta Guridik sartu dituzte babazorroak aurretik jartzeko golak, baina Silvak, penaltiz, eta Moneirok berdinketa jarri dute.
Babazorroak azkar jarri dira aurretik markagailuan. 7. minutuan, Mouriñok baloia jaso du, bere taldekidearen jaurtiketak defentsa bat jo ondoren, pase altu bat eman dio Toni Martinezi, eta honek boleaz ireki du markagailua. Epaileak jokoz kanpokoa adierazi du hasieran, baina jokaldia berrikusi ondoren, gola markagailura igo da (0-1).
Murtziako aurrelaria bigarrena egiteko zorian egon da kontraeraso azkar batean, defentsari ihes eginez eta jaurtiketa gurutzatuz, baina zutoina jo du. Geroago bai, sarera bidali du baloia, baina jokoz kanpo zegoen.
Kanarietako taldeak gora egin du aurkako emaitzarekin, eta Fabio Silvak berdinketa izan du bere botetan. Bere jaurtiketa zutoina urratuz joan da kanpora, etxekoek penaltia eskatu duten jokaldi batean.
Bigarren zatia beste kolore batekin hasi da. Las Palmas nagusitzen hasi da, eta Alaves presioa sentitzen. Coudetek aldaketa bikoitza egin du, Villalibre eta Guridi Toni Martinezen eta Carlos Vicenteren ordez sartuz. Jokalari horiek jokoaren norabidea aldatu dute.
Villalibrek baloia lapurtu du, eta, pazientziaz, Guridiren desmarkearen zain egon da pase oso zehatza emateko. Guridik erraz egin dio iskin atezainari, eta abantaila handitu du (0-2).
Adrian Rodriguez atezainaren huts batek etxekoen gola ekarri du ia, baina bisitariek abagunea ezerezean utzi dute azkenean. Gainerakoan, atezain gazteak partida ona egin du, eta funtsezkoa izan da etxekoen hainbat aukera mozteko.
Alavesek erritmoa jaitsi du azken minutuetan, eta Las Palmasen erasoaldia jasan du. Garcesek eskuarekin ukitu du baloia area barruan, eta epaileak penaltia adierazi du. Fabio Silvak egin du gola, hamaika metroko puntutik (1-2).
Luzapenean, Moleirok berdinketaren gola sartu du (2-2).
Fitxa teknikoa:
2.- Las Palmas: Cillessen; Alex Suarez (Marvin Park, 60. min), Herzog, McKenna, Alex Muñoz (Mika Mármol, 46. min); Campaña (Manu Fuster, 80. min), Bajcetic (McBurnie, 46. min); Sandro (Januzaj, 70. min), Javi Muñoz, Moleiro; eta Fabio Silva.
2.- Alaves: Adrian Rodriguez; Tenaglia, Mouriño, Abqar, Manu Sanchez; Carlos Vicente (Guridi, 61. min), Guevara, Jordan (Protesoni, 77. min), Aleña; Carlos Martin (Garces, 77. min) eta Toni Martinez (Villalibre, 61. min).
Golak: 0-1, 7. min: Toni Martinez. 0-2, 63. min: Guridi. 1-2, 90. min: Fabio Silva, penaltiz. 2-2, 90+5. min: Moleiro.
Epailea: Mario Melero Lopez. Txartel horia atera die Alex Muñoz (5), Sandro (49), Januzaj (90+3), Manu Fuster (90+10), Jordan (4), Toni Martinez (45+1), Tenaglia (80) eta Villalibre (90+9) jokalariei, baita bi entrenatzaileei ere.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.