Vila-real Alaves baino gehiago izan da (3-0)
Alavesek 3-0 galdu du Vila-realen aurka gaur Ceramica estadioan jokatu duen partida. Luis Garcia Plazaren taldeak ez du maila nahikoa eman garaipena bereganatzeko, markagailuan aurretik jartzeko aukera izan badu ere.
Lehen zatia ez da txarra izan, baina babazorroak 1-0 galtzen joan dira atsedenaldira, eta bigarrenean, asko sufritu dute eta ez dira gai izan Vila-reali erasoan min egiteko.
Norgehiagoka hobeto hasi du Vila-realek, baina Alavesek ondo saihestu ditu etxeko taldearen oldarraldiak, eta, minutuak pasatu ahala, partida orekatzeko eta erasora jotzeko gai izan dira babazorroak.
Hain justu ere, lehendabiziko gol aukera garbia Luis Garcia Plazaren taldeak izan du, baina Kike Garciaren burukadak langa jo du, Diego Condek baloia eskuarekin urrundu eta gero.
Alaves zelaian nagusitzen ari zenean iritsi da Vila-realen gol ederra, Ilias Akhomachen eskutik. Buelta erdia emanda, aurrelari katalanak jaurtiketa bikaina egin du area ertzetik, eta Siverak ezin izan du ezer egin baloia sarean sartzea ekiditeko.
Bigarren zatian, Gasteizko taldea saiatu da urrats bat aurrera egiten, baina Vila-realek ez dio utzi, eta, kontraerasoan azkar aterata, bigarrenaren bila aritu da. Pepek bi gol egin ditu, baina epaileak bi jokaldiak baliogabetu ditu, jokoz kanpo zegoelako.
Hala, Alavesek partidan sartuta jarraitu du, eta berdinketa lortzen ahalegindu da. Alabaina, 78. minutuan, epaileak penaltia adierazi du Vila-realen alde, Manu Sanchezek baloia eskuarekin jo duelako. Erabaki eztabaidagarria izan da, baina VAReko epaileak berretsi egin du, eta Dani Parejok ez du barkatu: 2-0.
Emaitza horrekin, neurketa asko zaildu zaio Gasteizko taldeari, eta handik hamar minutura egin du Vila-realek behin betiko 3-0ekoa. Comesañak sartu du, taldearen jokaldi on bati bukaera ezin hobea emanda. Hortxe amaitu da partida.
FITXA TEKNIKOA
3- Vila-real: Diego Conde; Kiko Femenia (Pau Navarro, 23. min), Albiol, Costa, Sergi Cardona; Ilias Akhomach (Yeremi Pino, 46. min), Gueye (Comesaña, 72. min), Parejo, Alex Baena; Ayoze (Bernat, 84. min) eta Pepe (Barry, 72. min).
0- Alaves: Sivera; Tenaglia, Abqar, Pica, Manu Sanchez; Antonio Blanco, Guevara (Stoichkov, 68. min); Carlos Vicente (Conechny, 76. min), Rebbach (Carlos Martin, 51. min), Guridi (Jordan, 68. min); eta Kike Garcia (Toni Martínez, 76. min).
Golak: 1-0, 38. min: Ilias Akhomach. 2-0, 81. min: Dani Parejo, penaltiz. 3-0, 89. min: Comesaña.
Epailea: Quintero Gonzalez. Txartel horia atera die Sergi Cardonari, Guevarari, Abqarri eta Carlos Martini.
Gertakariak: Partidaren atarikoan, minutu bateko isilunea egin dute joan den asteko goialdeko depresioak Valentzian eragindako hondamendian izandako biktimen oroimenez. Bi taldeetako jokalariak 'Força Valencia' lelodun kamisetekin zelairatu dira, eta Vila-realek beltzez jantzita jokatu du, hildako guztiengatik atsekabea adierazita.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.