Bartzelonak mendean hartu du Alaves, Lewandowskiren hat-trick batekin (0-3)
Alavesek 0-3 galdu du Bartzelonaren aurka, igande honetan, urriak 6, Mendizorrotzan jokatutako EA Sports Ligako 9. jardunaldiko partida.
Robert Lewandoswki Kataluniako aurrelaria izan da nagusi igande honetan Gasteizen, lehen zatian hiru gol sartuta. Alavesek ez du amore eman, bi gol baliogabetu dizkiote jokoz kanpo egoteagatik eta zutoinak beste bat eragotzi du, baina onena Antonio Sivera izan da, eta etxekoen porrota are handiagoa izatea saihestu du.
Neurketaren lehen minutuetan, Barça izan da nagusi, eta Alavesek ez du presio aurreratua egin, nahiago izan baitu bere zelaian aurre egitea. Partidako 3. minutuan iritsi da bisitarien lehen gola, Raphinak sartutakoa, baina baliorik gabe geratu da, jokoz kanpo zegoelako.
Lehen gola baliogatuta geratu ondoren, handik gutxira iritsi da balekoa. Raphingak falta bat jaurti du albotik, eta Lewandowskik burukada bikaina emanda gainditu du Sivera, 0-1ekoa egiteko.
Bisitarien liderrak aldea handitu du 21. minutuan. Pedrik lapurtu du bere arean, Raphingari eman dio baloia, hegaletik atera da, eta ia nahi bezala hasi du lasterketa aurkariaren arearaino. Denborak bikain neurtu ditu, eta bigarrena oparitu dio Lewandowskiri. Poloniarrak sareetara bultzatu besterik ez du egin behar izan (0-2) .
Ordu erdian iritsi da Lewandowskiren hat-tricka. Eric Garciak pasea eman dio poloniarrari desmarkatzeko, eta jaurtiketa gurutzatu estu bat atera du Sivera berriro gainditzeko, hat-tricka lortuta (0-3).
Lehen zatiko luzapenean, Toni Martinezen golak aldea murriztu du, baina VARetik jokoz kanpo zegoela adierazi eta gero, ez da markagailura igo.
Aldageletatik igaro ondoren, Luis Garcia Plazak bere defentsa birmoldatu du, eta izan duen lehen kornerrean, Toni Martinezek Iñaki Peñaren zutoinera bidali du baloia. 85. minutuan, berriz, Joan Jordanek jaurtitako falta baten ondoren Mouriñok buruz sartutako gola baliogabetu egin dute, aurreratuta zegoelako.
Alaves saiatu da, eta Barçak neurketaren intentsitatea jaitsi du, partida gehiago kontrolatuta eta joko zuzen gutxiago eginda, baina aukerak iritsi dira. Antonio Sivera berriro agertu da Lewandowskiren laugarrena saihesteko, eta Ansu Fatik zutoinera jaurti du baloia.
Babazorroak historiaren aurka borrokatu dira partida honetan, Bartzelonak 2001etik ez baitu galdu Mendizorrotzan, baina etxekoek ez dute garaipena lortzerik izan.
Fitxa teknikoa:
0 - Alaves: Sivera; Tenaglia (Diarra, 46. min), Mouriño, Abqar (Pica, 67. min), Manu Sanchez; Guevara, Blanco (Jordan, 78. min); Carlos Vicente, Stoichkov (Conechny, 57. min), Abde; eta Toni Martinez (Kike, 57. min).
3 - Bartzelona: Iñaki Peña; Fort (Kounde, 67. min), Cubarsi, Martinez, Balde; Casado, Pedri, Raphina; Ferran Torres (Eric Garcia, 6. min), Yamal (Fati, 67. min) eta Lewandowski.
Golak: 0-1, 7. min: Lewandowski. 0-2, 22. min: Lewandowski. 0-3, 32. min: Lewandowski.
Epailea: Ortiz Arias. Txartel horia atera die Alaveseko Tengalia (31. min) eta Mouriño (54. min) jokalariei, eta Bartzelonako Iñigo Martinezi (54. min).
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.