Alavesek nagusitasunez irabazi dio Granadari (3-1)
Alavesek 3-1 menderatu du Granada ostiral honetan Mendizorrotzan jokatu den EA Sports Ligako 14. jardunaldiko partidan. Babazorroak aurkaria baino gehiago izan dira hasieratik, eta hiru puntuak bereganatu dituzte Granadak bere atean sartutako golari eta Abdek eta Omorodionek egindako bi golei esker.
Partida erritmo biziarekin hasi da, eta berehala heldu dira atera egindako lehen jaurtiketak. Babazorroen artean, Omorodion saiatu da lehengo, eta Abde, gero, baina ez dute golik egin.
11. minutuan, Alavesek aurrea hartu du markagailuan, Omorodionen golari esker. Etxekoek jokaldi ona egin dute, euren arean hasita, eta eraso azkarra eginez, partida alde jartzea lortu dute (1-0).
Lehen zatiko gainerako minutuak parekatuagoak izan dira eta erritmo baxuagoa izan dute, baina etxekoak gehiagotan heldu dira aurkariaren atera. Eraso horietako batean iritsi da Alavesen bigarren gola. Abdek baloi sakona jaso du area barruan, bere denbora hartu du eta bikain jarri du baloia bigarren zutoinean (2-0).
Bigarren zatiak Alavesen nagusitasunarekin jarraitu du, eta babazorroek denbora gutxi behar izan dute hirugarrena egiteko. Omorodion izan da berriro protagonista. Luis Riojaren erdiraketa jaso du, eta, inolako oztoporik gabe, buruz errematatu du sarera (3-0).
Luis Riojak ere bilatu du gola areaz kanpotik, baina horren jaurtiketa atezainak desbideratu du.
Hortik aurrera, etxekoek lasaiago hartu dute partida eta baloiaren jabetzari eutsi diote. Erasoan jarraitu dute, baina hasieran baino gutxiago presionatuz.
Azken minutuetan, epaileak bisitarien aldeko penaltia adierazi du, eta Uzunik ez du kale egin 11 metroko puntutik (3-1).
Fitxa teknikoa:
3 - Alaves: Sivera; Gorosabel, Abqar, Marín, Javi Lopez; Guevara (Benavidez, 69. min), Guridi (Hagi, 74. min), Blanco; Luis Rioja (Tenaglia, 90. min), Abde Rebbach (Sola, 69. min) eta Samu Omorodion (Kike Garcia, 74. min).
1 - Granada: Andre; Manafa (Ricard, 79. min), Ignasi Miquel, Torrente, Carlos Neva; Gumbau, Gonzalo Villar (Ruiz, 62. min), Melendo (Weissman, 79. min), Carreras (Puertas, 62. min); Uzuni eta Lucas Boye (Diedhiou, 62. min)
Golak: 1-0, 11. min: Torrente (bere atean). 2-0, 38. min: Abde. 3-0, 55. min: Omorodion. 3-1, 86. min: Uzuni, penaltiz.
Epailea: Alberola Rojas. Txartel horia atera die Guevara (9. min), Villar (16. min) eta Boye (59. min) jokalariei.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.