Alavesek garaipena bereganatu du, Almeria mendean hartuta (1-0)
Alavesek garaipena bereganatu du Almeriaren aurka (1-0) igande honetan, azaroak 5, Mendizorrotzan jokatutako EA Sports Ligako 12. jardunaldiko partidan. Horrenbestez, Arabako taldeak hiru puntuak eskuratu ditu salbazioa lortzeko aurkari zuzen baten kontra, eta handitu egin du jaitsiera postuekiko errenta.
Azkar egin da baloiaren jabe Arabako taldea, eta 3. minutuan eman du lehen abisua Kike Garciak kanpora botatako errematearen bidez. Almeria, berriz, atzean sartuta egon da, aurkariak noiz huts egingo zain, kontraerasora irteteko prest.
Gero, abagunerik gabeko minutu batzuk egon dira, baina Alavesek gola sartzeko aukera izan du 19. minutuan; hala ere, Antonio Blancok area barrutik egindako jaurtiketa kanpora joan da. Sei minutu geroago iritsi da Almeriaren erantzuna, baina Ramazanik ez du Siverak babestutako atea zulatzea lortu. Ia jarraian, Kike Garciaren saiakerak ez du saririk eduki.
Etxeko taldeak lehen zatiaren amaieran eduki du markagailuan abantaila hartzeko aukera, epaileak penaltia adierazi baitu Alavesen alde Chumik Kike Garciari area barruan falta egin ondoren. Arbitroak VAR sistema erabilita adierazi du penaltia. Ianis Hagik, ordea, ez du asmatu hamaika metroetatik, baloia langa gainetik gora bidali baitu.
Bigarren zatiaren hasieran, bi taldeek izan dituzte abaguneak. Lehenengoan, Sedlarrek ezin izan du gol egin, eta, ia jarraian, Sivera atezainak gelditu egin du Embarbaren jaurtiketa. 58. minutuan, Emabrabaren falta jaurtiketa kanpora joan da oso gutxigatik. Zazpi minutu geroago, Guridik barkatu egin du Almeriak babestutako atearen aurrean.
Hala, neurketa golik gabe berdinduta heldu da azken ordu-laurdenera, eta 79. minutuan, Alavesek gola sartu du. Sedlarrek jokaldi nahasi bat baliatu du, area barrutik jaurtiketa egin eta Maximiano atezaina gainditzeko (1-0).
Golak lasaitasuna eman die Luis Garcia Plazak zuzentzen dituen mutilei. Alavesek kontrolpean izan du aurkaria partidaren azken minutuetan. Luzapenean, Sedlarrek zelaia utzi behar izan du, min hartuta. Beste golen bat sartzeko aukerak ere izan dituzte babazorroek, baina neurketa 1-0eko emaitzarekin bukatu da.
Fitxa teknikoa:
1 - Alaves: Sivera; Gorosabel (Tenaglia, 83. min), Abqar, Sedlar (Rafa Marin, 93. min), Javi Lopez; Guevara, Antonio Blanco, Guridi; Luis Rioja (Sola, 83. min), Hagi (Abde, 68. min) eta Kike Garcia (Samu, 68. min).
0 - Almeria: Maximiano; Mendez, Edgar, Chumi, Akieme; Puigmal (Arribas, 46. min), Dion Lopy, Lucas Robertone (Baba, 71. min), Ramazani (Marciano, 88. min), Melero (Embarba, 46. min) eta Leo Baptistao (Milovanovic, 71. min).
Gola: 1-0, 79. min: Sedlar.
Epailea: Pulido Santana. Txartel horia atera die Gorosabel (25. min) eta Rioja (81. min) Alaveseko jokalariei, baita Melero (14. min), Maximiano (52. min) eta Robertone (60. min) Almeriako futbolariei ere.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.