Alavesek Mendilibarren Sevillari irabazi dio, partida zoro batean (4-3)
Alavesek denboraldiko lehen garaipena lortu du Sevillaren aurka LaLiga EA Sportseko bigarren jardunaldian jokatutako partidan. Luis Rioja, Abdel Abqar, Erik Lamela, Rubén Duarte, Kike García (2) eta Rafa Mir izan dira, ordena horretan, Mendizorrotzako golegileak.
Alaves-Sevilla partidaren laburpena
Luis Garcia Plazaren taldeak partida oso ona jokatu du Superkopan maila ona eman zuen Sevillaren aurka. Lehen jardunaldian Valentziaren aurka galdu ostean, Andaluziako taldeak garaipena behar zuen, baina babazorroak gehiago izan dira gaurkoan.
Sevillak ondo erantzun dio Alavesen lehen golari, baina ondorengo kolpeek eragindako zauria handiegia izan da.
Lehen gola Luis Riojak egin du, partidako 7. minutuan, ezkerrarekin egindako jaurtiketa baten bidez.
Sevilla berdinketaren bila joan da, eta zenbait aukera izan ditu, Abdel Aqbar Alaveseko jokalariak bere atean banakoa egin duen arte.
Luis Garcia Plazaren taldea ez da kikildu, eta Kike Garciak, Guridik eta Riojak abaguneak izan dituzte, baina Mendilibarren taldeak egin du gola. Erik Lamela izan da golegilea, 41. minutuan.
Pozak hiru minutu iraun die sevillarrei, Duartek binakoa ezarri baitu markagailuan atsedenaldiaren atarian.
Mendilibarrek aldaketak egin ditu bigarren zatiari begira, Fernando eta Pedrosa zelairatu ditu, baina Riojak eta Kike Garciak min handia egin diote Sevillari.
Eibar eta Osasuna taldeetako aurrelari ohiak bi gol egin ditu bost minutuan, eta Alaves 4-2 jarri du aurretik.
Andaluziarrek, berriz, huts ugari egin dituzte defentsan, eta arabarrei eutsi ezinda ibili dira. Hala ere, neurketako azken gola eurek egin dute. Rafa Mir izan da golegilea, 97. minutuan.
Fitxa teknikoa:
4 - Alaves: Sivera; Gorosabel, Abqar, Sedlar, Duarte (Marin, 87. min); Benavídez (Blanco, 79. min), Guevara, Rioja (Miguel, 87. min), Alkain (Javi Lopez, 67. min); Guridi eta Kike García (Sylla, 79. min).
3 - Sevilla: Dmitrovic; Jesus Navas; Kike Salas, Gudelj, Acuña (Pedrosa, 46. min); Jordan, Rakitic (Fernando, 46. min); Lamela, Suso (Tecatito, 75. min), Ocampos (Torres, 60. min); eta En-Nesyri (Rafa Mir, 75. min).
Golak: 1-0, 7. min: Rioja. 1-1, 16. min: Abqar, bere atean. 2-1, 41. min: Lamela. 2-2, 44. min: Duarte. 3-2, 54. min: Kike Garcia. 4-2, 59. min: Kike Garcia. 4-3, 97. min: Rafa Mir.
Epailea: Cuadra Fernandez (Balear Uharteetako Batzordekoa). Txartel horia atera die Alaveseko Gorosabeli (91. min) eta Sevillako Gudelji (62. min) eta Torresi (100. min).
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.