San Emeterioren golak ozpindu egin du Alavesen itzulera Lehen Mailara (1-0)
Alaves galtzaile atera da Nueva Mirandilla estadioan Cadizen aurka jokatutako partidan, LaLiga EA Sportseko lehenengo jardunaldian. Gasteiztarrek 1 eta 0 galdu dute San Emeteriok 7. minutuan egindako golaren ondorioz. Cadiz 10 jokalarirekin geratu da azken minutuetan, epaileak txartel gorria atera diolako Gonzalo Escalanteri, Kike Garciari egindako sarrera beldurgarriagatik. Arabarrak berdinketa lortzen saiatu dira, eta zenbait aukera izan dituzte, baina emaitza ez da aldatu.
Cadiz-Alaves partidaren laburpena
Lehen zatian, jokoak ez du erritmorik izan, denboraldiaren hasiera delako eta tenperatura altua izan dutelako.
Cadizek jokoaren kontrola hartu du lehen ordu erdian, partidako 7. minutuan San Emeteriok egindako golari esker. Andaluziarrek bigarrena bilatu dute, partida bideratuta uzteko.
Ondoren, Alavesek aurrerapausoa eman du, baina erasoan arrisku gutxi sortu dute eta Cadizen defentsak ondo erantzun die Luis Garcia Plazaren taldearen saiakerei.
Aukerarik argienetarikoa Ruben Duartek izan du 41. minutuan, baina Jeremias Ledesma atezainak ondo erantzun dio bere jaurtiketari.
Bigarren zatian, arabarrek Cadiz mendean hartu dute eta andaluziarrak euren zelaian sartu dituzte. Hala ere, Sergio Gonzalen taldea ondo aritu da defentsan, espazio guztiak itxiz.
88.minutuan, Cadiz jokalari bat gutxiagorekin geratu da Gonzalo Escalante argentinarrak Kike Garciari egindako sarrera beldurgarriaren ondorioz. Epaileak txartel gorria atera dio zuzenean.
Epaileak 10 minutuz luzatu du partida, baina hala ere, markagailua ez da aldatu, eta hiru puntuak etxean geratu dira.
Fitxa teknikoa:
1 - Cadiz: Ledesma, Carcelen, Luis Hernandez, Fali, Javi Hernandez (Pires, 64. min), San Emeterio, Alcaraz, Alejo (Sobrino, 64. min), Machis (Alex FernAndez, 86. min), Roger (MerE, 86. min) eta Ramos.
0 - Alaves: Sivera, Gorosábel, Marín, Duarte (LOpez, 63. min), Abqar, Sedlar (Rebbach, 63. min), Guevara (Sylla, 84. min), Blanco (Benavidez, 63. min), Guridi, Rioja eta Miguel (Kike García, 58. min.)
Gola: 1-0, 7. min: San Emeterio.
Epailea: Díaz de Mera (Gaztela Mantxako batzordekoa). Txartel gorria atera dio Escalanteri (87. min). Txartel horia atera die Cadiz taldeko Luis Hernandezi eta Sobrinori, eta Alaveseko Sedlari eta Duarteri.
Zure interesekoa izan daiteke
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Coudet: "Aurkariari begiratu arren, fokua gugan jarrita eduki behar dugu"
Alavesek Girona hartuko du astelehen honetan, 21:00etan, Mendizorrotzan. Babazorroen entrenatzailearen esanetan, oso partida zaila izango da, eta oso garrantzitsua izango da gauzak ondo egitea.
Tenaglia: "Guk astelehenean etxean hiru puntuak bildu behar ditugu, final bat da"
"Ezin dugu aukera gehiago alferrik galdu, aurkaria Girona izan arren", ohartarazi du atzelari argentinarrak. "Hiru partida oso garrantzitsu datozkigu; lehenengoa, astelehenean", gaineratu du.
Guevara: "Etxera burumakur goaz, gaur aukera oso garbia genuen irabazteko"
Ander Guevara Alaveseko jokalariaren adierazpenak, EA Sports Ligako 24. jardunaldiko partida, Sevillaren aurka, 1-1 amaitu ondoren.
Alavesek bi puntu utzi ditu Sevillan (1-1)
Coudeten taldeak ez du aprobetxatu 15. minututik jokalari bat gehiagorekin jokatu izana. Epaileak, gainera, baliorik gabe utzi du Boyek sartutako gola, jokoz kanpoko polemikoa adierazita.
Chacho Coudet: "Partida zuzena dugu, eta gogorra izango da"
Alavesek Sevillaren aurka jokatuko du larunbat honetan, EA Sports Ligako 24. jardunaldiko partidan. Coudetek adierazi du lehia zaila izango dela, baina bere taldea gogor lehiatuko dela.
Sergio Fernandez, Alavesen kirol zuzendaria: "Joan diren eta fitxatu ditugun jokalariak ikusita, taldea hobea dela uste dugu"
Sergio Fernandez Alavesen kirol zuzendariak neguko merkatuaz ez ezik, taldearen egungo egoeraz hitz egin du hedabideen aurrean.
Ibrahim Diabatek "taldean lan asko" egingo duela agindu du
Alavesen jokalari berriak aurkezpen prentsaurrekoan azaldu duenez, "oso erraza" izan zen akordio batera iristea, "ametsa" baitzuen Espainiako ligara itzultzea. Aldagelak oso harrera ona egin diola azpimarratu du bolikostarrak.