Alavesek, hamar jokalarirekin, ezin izan du punturik lortu Oviedon (1-0)
Alavesek, hamar jokalarirekin, ezin izan du punturik lortu Carlos Tartiere zelaian, ostiral gauean, Real Oviedoren aurka, eta 1-0 galdu du Asturiasko hiriburuan. Abdel Abqarrek, 71. minutuan, txartel gorria ikusi du, azken atzelaria zela arerio bati falta egiteagatik, eta Luis Garcia Plazaren taldeak zazpi minutu geroago jaso du neurketa erabaki duen gola. Bigarren zatian, Oviedo Alaves baino hobeto ibili da, eta talde gasteiztarrak, horrela, ezin izan du burua sartu zuzeneko igoerako postuetan.
Lehen zatia oso parekatua izan da. Indartsu ibili dira bi taldeak, elkar menderatu nahian, baina kemen horrek ez du ekarri, salbuespenak salbuespen, argitasunik baloiarekin ezta gol aukera askorik ere.
Azken minutuetan, aldiz, bizitu egin da jokoa, eta Real Oviedo eta Alaves gehiago gerturatu dira ateetara. 36. minutuan, Vitik, eskuinaldetik, jokaldi polita egin du, eta baloia, erdiraketan, gutxigatik irten da Siveraren atearen gainetik. Jarraian, Alavesek erakutsi du hobeto iritsi dela lehen zatiko amaierara: Salva Sevillak, desbideratuta irten zaion jaurtiketa batekin, Jon Guridik, pase arriskutsua area txikian sartuz, eta Luis Riojak, areaz kanpotik egindako beste jaurtiketa batean, ez dute urrun izan gola.
Bigarren zatian, baina, Oviedo biziago zelairatu da, presio handiagoa egin du, eta Alaves baino gehiago izan da. Lehen ordu laurdenean, etxeko taldea hainbat aldiz izan da gasteiztar taldearen arean. Nolanahi ere, 66. minutuan, Alavesek aukera ona izan du, Marasi esker; serbiarrak ezin izan du errematea ondo bideratu, baina jokaldia nahiko argia izan da.
Neurketako lehen jokaldi gakoa 90.erarako 20 minutu falta zirela iritsi da. Orduan, Abqarrek (txartel horia zuen, lehen zatitik) falta egin dio arean sartu aurretik Real Oviedoko jokalari bati, azken atzelaria izanda; epaileak, VARekin kontsulta eginda, Alaveseko jokalaria kanporatu du. Luis Garcia Plazaren gizonek, ondorioz, ahalegina egin dute Real Oviedoren erasoak kontrolpean izateko, baina 78. minutuan, falta batean erdiratutako baloi bat baliatuta, gol polita sartu du, buruz, Tarinek.
Alaves amaierara arte saiatu da berdinketaren gola sartzen, baina ezin izan du, eta punturik gabe itzuli da Gasteizera, azkenean.
Fitxa teknikoa:
1 – Real Oviedo: Braat; Lucas, Tarin, Dani Calvo, Abel Bretones; Viti (Koba, 73. min.), Luismi, Jimmy (Mangel, 46. min.), Hugo Rama (Montoro, 25. min.); Obeng eta Borja Baston.
0 – Alaves: Sivera; Tenaglia, Abqar, Maras, Duarte (Javi Lopez, 84. min.); Benavidez (Sedlar, 58. min), Salva Sevilla (Taichi Hara, 84. min.); Luis Rioja, Guridi, Alkain (Laguardia, 73. min.); Miguel de la Fuente (Sylla, 58. min.).
Gola: 1-0, 79. min.: Rodri Tarin.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.