Alaves Kopatik kanpo geratu da azken hasperenean
Alaves Kopatik kanporatu du Granadak Los Carmenesen. Etxeko taldeak 85. minutuan sartu du norgehiagokako gol bakarra eta babazorroak txapelketatik kanpo geratu dira final-zortzirenetan.
Lehen zatia parekatua izan da, bi taldeen aukerak tartekatzen joan dira. Hala ere, aukera argiena, atsedenaldia heltzear zela (44.min), etxekoek izan dute: Naima Garcia eta Noe Salasek aukera bikoitza izan dute. Baina Patricia Larquek lehenengo eta Camila Saezek ondoren, nazarien saiakera ezerezean utzi dute.
Bigarren zatian, berriz, zelairatu eta bi minutuetara Alavesi gola kendu dio epaileak. Miriamek kornerra atera eta Aby Manouk baloia sareetara bidali du. Epaileak, baina, erasoan egindako falta adierazi du.
Lehen zatiko dinamika mantendu da. Aukerak bi taldeentzat eta jokoan inor gailendu gabe. 85. Minutuan Granadaren gola heldu den arte. Andaluziarrek motzean atera duten korner batean iritsi da gola, bat-bikoaren ostean erdiraketa egin eta errebote batean baloia babazorroen atean sartu da.
Alavesek ez du amore eman eta luzapenean berdinketa lortzen saiatu da, 93. Minutuan Alba Aznarrek area ertzetik eginiko jaurtiketa kasu. Ezin zian dute berdinketa lortu eta txapelketatik kanpo geratu da Gasteizko taldea.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.