Alavesek ligako bigarren porrota jaso du Granadan (3-1)
Granadak irabazi egin dio Alaves liderrari (3-1) ostiral honetan, eta Arabako taldeak denboraldiko bigarren porrota jaso du SmartBank Ligako 18. jardunaldian. Irabazten hasi dira Garcia Plazak zuzentzen dituen mutilak, baina Andaluziako taldeak jasotako lehen golari buelta eman dio.
Alavesek lidergoan jarraitzen du, jarraitzaileekiko hiru puntuko abantailarekin, aurkariek asteburu honetan lortuko dituzten emaitzen zain.
Lehen zatian, partida emozioz eta alternatibaz beteta egon da. Alaves aurretik jarri denean, Granadak hortzak atera ditu berdinketa lortzeko, eta, ondoren, buelta eman dio markagailuari ordu erdia pasa baino lehen.
Xeber Alkain gipuzkoarrak 12. minutuan aurreratu ditu bisitariak.
Baina Myrto Uzuni albaniarrak berdinketa lortu du (22. min) etxekoen erantzun azkar baten ostean.
Jokalari berak jarri ditu aurretik granadarrak, neurketako ordu erdiaren atarian; Antonio Sivera atezainak penalti jaurtiketa desbideratu du, baina aldaratzea jaso du albaniarrak, eta ez du barkatu Aalvesen ate aurrean.
Lehen zatia amaitu baino lehentxeago partida maldan behera jarri zaie etxekoei Alkainek txartel gorria ikusi baitu. Ondorioz, jokalari bat gutxiagorekin geratu da Gasteizko taldea.
Atsedenaldiaren ostean, Granadak ez du denbora asko behar izan abantaila handitzeko: Jorge Molina Alacanteko golegile beteranoak 2-1ekoa jarri du markagailuan (51. min).
Luis Garcia Plazaren mutilek ahaleginak egin dituzte bigarren porrota ez jasotzeko, baina Paco Lopezen taldeak aldeko emaitzari eutsi dio.
Fitxa teknikoa
3 - Granada: Lopez; Ricard, Rubio, Ignasi Miquel, Neva; Meseguer, Petrovic (Víctor Díaz, 46. min), Uzuni, Melendo (Rochina, 64. min) (Silva, m.85); Callejon (Perea, 85. min) eta Molina (Zaragoza, 64. min).
1 - Alaves: Sivera; Tenaglia, Abqar (Laguardia, 46. min), Maras, Duarte; Benavidez, Salva Sevilla (Moya, 46. min), Alkain, Rioja (Javi, 85. min), Guridi (Taichi, 56. min); eta Miguel (Jason, 44. min).
Golak: 0-1, 12. min: Alkain. 1-1, 22. min. Uzuni. 2-1, 30. min. Uzuni. 3-1, 51. min. Molina.
Epailea: Lopez Toca. Alkain kanporatu du txartel gorriarekin. Txartel horia atera die Melendo, Rochina eta Paco Lopez entrenatzaileari Granadaren aldetik, eta Tenaglia, Rioja eta Taichi jokalariei Alavesen aldetik.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.