Riojaren golak garaipena eman dio Alavesi Andorraren aurka (0-1)
Alavesek garaipena lortu du Andorraren aurka (0-1) Luis Riojak 75. minutuan erdietsitako golari esker. Bigarren zatian babazorroek zelaian erakutsitako nagusitasuna baliatu dute garaipenaren bidera bueltatzeko.
Alavesek baloiaren jabetza izan du lehenengo minutuetan, baina Arabako taldeak arazoak izan ditu sakon jokatzeko eta aukerak sortzeko. Lehenengo zatiko abagune argiena 19. minutuan iritsi da; Ruben Duartek pasea egin du ezker hegaletik eta Miguel De la Fuente Lizoain Andorrako atezainaren aurrean bakarrik geratu da eta etxeko taldeko atezainak hankarekin Alaveseko aurrelariaren gola saihestu du.
Hortik aurrera, Eder Sarabiak zuzentzen duen taldeak partida orekatu du eta parekotasuna izan da nagusi. 38. minutuan Andorrak aukera izan du markagailuan banakoa jartzeko, baina Ruben Boverren falta jaurtiketa kanpora joan da langaren gainetik. Abagunerik gabeko azken mintuekin iritsi da partida atsedenaldira.
Aldagelatatik ondo atera da Alaves eta partidaren aginte makila hartu du, batez ere, Luis Riojaren jokaldiei esker. 58. minutuan Miguel de la Fuentek baloia berreskuratu du Andorraren area ertzean Alavesek egin duen presio onaren ondorioz; aurrelariak jaurtiketa bortitza atera du, baina gora joan zaio.
Luis Garcia Plazak zuzendutako taldeak gola bilatzen jarraitu du, baina azken metroetan ez du argitasunik eduki. 70. minutuan Anderson Arroyok pase sakona jaso du eskuin hegaletik, atzelari kolonbiarraren erdiraketa Guridik kontrolatu du, baina haren jaurtiketak Andorrako defentsa baten gorputzean jo du.
Lau minutu beranduago norgehiagokako gol bakarra iritsi da: Duartek ezker hegaletik jokaldia egin du, Luis Riojari eman dio pasea eta honek atera duen ezkerkada bikainarekin Lizoain atezaina gainditu du (0-1).
Azken minutuetan etxeko taldea berdinketaren golaren bila joan da. 84. minutuan Andorrak gol aukera garbia izan du. Eskuinetik ateratako kornerra Vilanovak buruz errematatu du, Siverak erantzun bikaina eman dio burukadari eta eskuin eskuarekin kornerrera bidali du baloia. Andorrak estutzen jarraitu du, baina babazorroen defentsak ondo eutsi eta hiru puntuak eskuratu ditu.
Fitxa Teknikoa:
0 - FC Andorra: Raul Lizoain; Adria Altimira, Diego Alende, Adria Vilanova, Marti Vila (Diego Pampin, 46. min); Marc Aguado, Sergio Molina (Jacobo Gonzalez, m. 82), Ruben Bover (Hector Hevel, 57.min); Marc Fernandez (Bundu, 67.min), German Valera y Bakis (Carlos Martinez, 67.min).
1 - Alaves: Sivera; Arroyo, Abqar, Maras, Ruben Duarte (Javi Lopez, 81.min); Carlos Benavidez, Toni Moya, Guridi (Alex Balboa, 91.min); 'Jason' Remeseiro (Alkain, 68.min), Rebbach (Luis Rioja, 46.min) y Miguel (Taichi, 91.min).
Gola: 0-1: 74. min Luis Rioja.
Epailea: David Galvez Rascón (Komite Madrildarra). Txrtel horiak: Sergio Molina (57.min), Andorra; eta Ruben Duarte (28.min) eta Carlos Benavidez (63.min), Alaves.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.