Alavesek kolpe latza jaso du Betisen aurka
Alavesek galdu egin du Betisen aurka (4-0) astearte honetan jokatu duen Santander Ligako 21. jardunaldiko partida. Arabako taldeak jaitsiera postuetan jarraitzen du, 17 punturekin.
Hasieratik amaieraraino nagusitu da Sevillako taldea. Betis erasokor zelairatu da, eta gola sartu du 10. minutuan; Sergio Canalesek hegaletik erdiratu, eta Borja Iglesiasek 1-0ekoa jarri du markagailuan, erremate oso ona eginda.
Etxeko taldearen lehen golaren ostean, Alaves ez da erantzuteko gai izan. Gainera, Betisek izan ditu abagune onenak. Juanmik gola sartzeko aukera argia alferrik galdu du 20. minutuan, baina, zortzi minutu geroago, Canalesek gol ikusgarria sartu du (2-0), area kanpotik jaurtiketa bikaina eginez Pacheco atezaina gaindituta.
Maldan gora jarri zaio neurketa Alavesi, baina Jose Luis Mendilibarrek zuzentzen duen taldeak ezin izan du abagunerik sortu. Gainera, atsedenaldira iritsi aurretik, Betisen hirugarren gola egin du Borja Iglesiasek (3-0), Miazgaren oparia baliatuta.
Bigarren zatiari ekiteko, aldaketak egin ditu Mendilibarrek: Manu Garcia, Tachi eta Tomas Pina zelairatu ditu, Toni Moya, Escalante eta Jason jokalarien ordez. Aldaketek ez dute eraginik izan. Partida kaskarra jokatu du Alavesek, eta berri txarrak ez ditu taldearen jokoak soilik ekarri; izan ere, 47. minutuan, Ruben Duartek min hartu, eta ezin izan du zelaian jarraitu.
Dena gaizki joan da Arabako taldearentzat, eta Juanmik 4-0ekoa jarri du markagailuan, Sevillako taldearen kontraerasoari amaiera ezin hobea emanda. Neurketa guztiz erabakita geratu da 54. minutuan.
Azken 30 minutuetan, Betisek kontrolpean izan du neurketa. Alaves ez da gai izan abagune argirik sortzeko. Etxeko taldeak eroso jokatu du, beste golen bat sortzeko abaguneak izan ditu, baina partida 4-0eko emaitzarekin amaitu da.
Fitxa teknikoa:
4 - Betis: Claudio Bravo; Bellerin, Pezzella, Edgar, Miranda; Guido (William Carvalho, 71. min), Guardado; Canales (Rodri, 71. min), Fekir (Camarasa, 83. min), Juanmi (Lainez, 83. min); Borja Iglesias (Willian Jose, 71. min).
0 - Alaves: Pacheco; Martín, Laguardia, Miazga, Duarte (Javi Lopez, 48. min); Jason (Tachi, 46. min), Toni Moya (Manu Garcia, 46. min), Escalante (Pina, 46. min), Rioja; Joselu (Miguel, 75. min), Edgar.
Golal: 1-0, 10. min: Borja Iglesias. 2-0, 28. min: Canales. 3-0, 41. min: Borja Iglesias. 4-0, 54. min: Juanmi.
Epailea: José Maria Sanchez Martinez. Txartel horia atera die Edgar (72. min) eta Guardado (81. min) Betiseko jokalariei.
Zure interesekoa izan daiteke
Dafne Triviño: “Alavesek prozesuan sinetsi du, eta emakumezkoen taldea lehen mailara igotzea da saria"
Bigarren mailan hiru denboraldi gogor eman ostean, Alaveseko emakumezkoen taldea maila gorenean lehiatuko da datorren denboraldian. Dafne Triviño kirol arduradunak klubaren konpromisoa azpimarratu du. "Alavesek prozesuan sinetsi du", horren arabera, eta konfiantza hori funtsezkoa izan da emakumezkoen futboleko maila gorenera igotzeko helburua lortzeko.
Ander Guevara: “Alavesekin 100 partida betetzea gauza inportantea da niretzat"
28 urteko gasteiztarrak 100. partida jokatu zuen Arabako taldearekin aurreko asteburuan, Osasunaren aurkako derbian. Asteburu honetarako beste erronka bat dauka: Alavesek Realaren aurka jokatuko duen derbia irabaztea.
Sanchez Flores: “Ondo lehiatzeko eta aurkari ona izateko asmoa dugu”
Quique Sanchez Flores Alavesen entrenatzaileak prentsaurrekoa eman du, Realaren aurkako derbiari buruz hitz egiteko. Aurkariaren kalitatea azpimarratu du, eta adierazi du ahalik eta ondoen lehiatzeko gogoz jardungo dutela. (Adierazpenak, gaztelaniaz).
Angel Perez, Realaren aurkako derbiari buruz: “Badakigu ez dela batere erraza izango, baina hiru puntuak nahi ditugu”
Angel Perez Alavesen jokalariak prentsaurrekoa eman du babazorroek asteburu honetan Realaren aurka jokatuko duten derbiari buruz hitz egiteko.
Toni Martinez: “Atzetik hasten zarenean partida bikoitza da"
Toni Martinez Alaveseko jokalariaren adierazpenak, EA Sports Ligako 30. jardunaldiko partidan Osasunaren aurka 2-2 berdindu ondoren.
Elene Errasti: “Egun berezia da, inoiz ahaztuko ez duguna"
Gloriosas Alaveseko jokalariak maila gorenera igo ostean hitz egin du.
Alaves Gloriosas lehen mailara igo da!
Europaren aurkako garaipenari eta Valentziarekiko puntu aldeari esker, Gasteizko taldeak igoera zuzena ziurtatu du.
Sanchez Flores: “Partida bakoitza irabaztera irten beste aukerarik ez dugu ikusten"
Quique Sanchez Flores Alaveseko entrenatzaileak "finala" balitz bezala hartu du igandean Osasunaren aurka jokatuko duten derbia. Geldialdiak Alavesi taktika lantzeko aukera eman diola azpimarratu du, partida horri begira baikor agertu da, eta "arima osoa" eta "energia guztia" jarriko dutela esan du.
Pablo Ibañez, igandeko Alaves-Osasuna derbiaz: “Partida oso berezia izango da niretzat”
Kirol ibilbide osoa Osasunan eman eta gero, Alaveseko erdilariak taldekide ohiak izango ditu aurkari Mendizorrotzan. Derbian, Gasteizko taldea saiatuko da islatzen Sanchez Flores entrenatzaileak jokalariei adierazi diena.
Andrea Esteban: “Asteburu honetan taldea maila gorenera itzuliko dela ziurtatzea espero dut"
Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.