Alavesek eta Athleticek golik gabe berdindu dute Mendizorrotzako euripean
Athleticek eta Alavesek hutsean amaitu den derbia jokatu dute Mendizorrotzan, Santander Ligari dagokion 20. jardunaldian.
Zuri-gorriek ez diote ondo ekin neurketari, Unai Vencedorrek zelaia utzi behar izan baitu hirugarren minuturako, giharretako lesio baten ondorioz. Oier Zarragak hartu du haren lekua. Hasierako nahasmen uneak gainditu ostean, Marcelinoren taldeak bereganatu du baloiaren jabetza eta neurketako agintea, gasteiztarrak atzean sendo zeudela, kontraeraso on bat noiz aurkituko.
Alabaina, defentsak nagusi ziren erasoko jokalarien aurrean. Ondorioz, euripean jokatu den derbiko lehen ordu erdian, geldikako jokaldietan baino ez dute arriskua sortzeko gaitasunik izan bi taldeek.
Gerora, ordea, partidaren 33. minutuan, Alavesek abagune arriskutsu bat sortu du, babazorroekin debuta egin duen Jasonek eskuinaldetik erdiratu eta area barruan Miguel de la Fuentek buruz errematatuta. Alabaina, horren saiakera desbideratuta joan da hondoko marratik.
Zuri-gorriek ia berehala erantzun dute kontraeraso baten bitartez. Muniainek sakon bidali dio baloia Williamsi, baina aurrelariaren ahalegina Pachecoren ateko sarea jo du, baina kanpoaldetik.
Lehen zatia amaitu orduko, 40. minutuan, Mendilibarrek lehen aldaketa egin du, Gonzalo Escalante zelairatuta Jasonen ordez, azken horrek inongo lesiorik izan ez arren.
Atsedenalditik bueltan, 55. minutuan, etxekoak gola egitetik oso gertu egon dira, batez ere Ruben Duarteren aukera eder batean. Izan ere, Athleticek kontraeraso bat antolatu nahi izan du atzeko lerrotik baloia aterata, baina Duartek moztu egin du Williamsek taldekide bati zuzendu nahi zion pasea, eta, bi aldiz pentsatu gabe, areaz kanpotik jaurti du. Unai Simonek, aurreko astean Osasunaren aurkako neurketan egin zuen legez, ozta-ozta desbideratu du Alaveseko jokalari andaluziarraren saiakera, eta langaren kontra amaitu du jaurtiketak.
Bilbotarrei 25 minutu kostatu zaie neurketari erritmoa hartzea bigarren zatian, baina bi minuturen bueltan bi aukera garbi kateatu dituzte markagailuan aurrea hartzeko. Lehendabizikoan, Muniainek maisutasunez antolatu du kontraeraso bizi bat. Raul Garciari eman dio, erdilari nafarrak ezker hegaletik erdira zezan, baina Alex Berenguer ez da hark area barruan jarritako baloia errematatzera iritsi. Jarraian, 71. minutuan, Pachecok gelditu ederra egin dio Berenguerrek berak jotako zartako gurutzatuari.
Hortik eta amaierara arte, ez da ia jokaldi aipagarririk izan, eta, hartara, puntu banaketarekin amaitu da euskal derbia. Beraz, Alavesek 18 puntu batu ditu gaurkoarekin, eta berdinketa horrek jaitsiera postuetatik atera du, behin-behinean, Jose Luis Mendilibarren taldea. Athleticek, ostera, 28 puntu dauzka, eta Europarako sailkapena ematen duten tokietara jauzi egin ezinda jarraitzen du.
Fitxa teknikoa:
0 - Alaves: Pacheco, Martín, Lejeune, Miazga, Duarte; Manu García, Moya, Luis Rioja (Édgar Méndez, 65. min), Jason (Escalante, 40. min), Miguel (Pellistri, 85. min) eta Joselu.
0 – Athletic Club: Unai Simón; De Marcos, Yeray, Íñigo Martínez, Balenziaga; Berenguer (Serrano, 83. min), Dani García (Vesga, 83. min), Vencedor (Zarraga, 4. min), Muniain, Sancet (Raúl García, 60. min), Iñaki Williams (Nico Williams, 60. min).
Epailea: Jaime Latre. Txartel horia atera die Lejeune (26. min) eta Duarte (61. min) Alaveseko jokalariei.
Zure interesekoa izan daiteke
Turrientes: “Neurketa zaila eta oso berezia izango da, baina guztien bultzadarekin helburutik gertu egongo gara"
"Zubietara sartzen zaren momentu hauekin amets egiten duzu; zaila da, lan asko egin behar da, baina bide onetik noa", azaldu du Realaren erdilariak. "Familia eta lagunak finala iristeko deseatzen daude, gu ere bai, partida oso berezia delako denontzat", onartu du beasaindarrak.
Jokin Aperribay: “Nik beti uste izaten dut Reala faborito dela, baina aurkari oso zaila izango dugu aurrean”
EITBk Realaren presidentea elkarrizketatu du, larunbatean talde txuri-urdinak jokatuko duen Errege Kopako final handiaren harira. Aperribay baikor azaldu da, eta, halaber, mezu bat luzatu die zale guztiei: “Jendeak gozatzea espero dut”.
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Sevillan bizi diren realzaleak pozik, flamenko txuri-urdin eta guzti
Asier Aranguren lankidea Sevillan da jada larunbateko finalaren harira. Peña Nazarenarekin, Sevillan bizi diren realzaleekin, bildu da gaur.
Sergio Alvarezek kontratua berritu du 2028ra arte
Erdilari asturiarrak 30 partida baino gehiago jokatu ditu denboraldi honetan, 250 partida ofizialetara iritsiz.
Donostia eta Gipuzkoa osoa, Cartujako festaren parte izateko prest
15:00etatik 01:00etara, Alderdi Eder Cartujako jai giroaren parte izango da. Donostian bi pantaila erraldoi jarriko dira partida ikusteko, Sevillarekin konektatzeko, eta ekitaldi eta ezustekoz beteriko programazioa izango da gozagai.
Jon Martin: “Final parekatua izango da, bi talde oso osoren arteko partida”
Jon Martinek “amets bat” biziko du larunbateko Errege Kopako finala jokatzean, hala azaldu du gaur emandako prentsaurrekoan. Lasartearrak badaki jokalari oso onez osatutako taldea izango duela aurkari, baina argi esan du beraiek irabaztera doazela.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
Realaren 405 bazkide gehiagok izango dute aukera Kopako finalean izateko
Klub txuri-urdinak astearte gauean iragarri duenez, eta Espainiako Futbol Federazioko sarrerak saltzeko plataforma kudeatzeaz arduratzen den konpainiak egin duen prozesuaren ondorioz, 318 eserleku gehiago sortu dira Cartujako hainbat sektoretan; gainera, erosketa prozesuaren bigarren fasean 87 sarrera sobera gelditu dira.
Jon Gorrotxategi: “Harrobiko jokalari batentzat finalera iristea… ezin duzu amestu ere egin”
Jon Gorrotxategirentzat, Realeko harrobiko jokalariarentzat, bere taldearekin jokatuko duen lehen finala izango da. Txiki-txikitatik Realean hazia, bere ametsa beteko du larunbatean.