Alavesek galdu egin du Real Madrilen aurka eta Europako postuetatik at da
Alavesek porrota jaso du Real Madrilen aurka (3-0) Santiago Bernabeun. Arabako taldeak 17 jardunaldi jarraian (5. jardunalditik) eman ditu Europako postuetan sartuta, baina posizio horietatik at da, Getaferekin (bosgarren) eta Betisekin (seigarren) 32 punturekin berdinduta. Hirugarren porrota jarraian jaso du Abelardok zuzentzen duen taldeak.
Real Madril indartsu zelairatu da Bernabeun eta hasieratik eraman du arriskua Pacheco atezainak defendatzen zuen ate ingurura. Viniciusen oinetatik pasa dira talde merengearen jokaldi arriskutsuenak. Alaves aurkariaren erasoaldiak gelditzen saiatu da, eta gogotik sufrituta izan bada ere, helburua lortu du lehen ordu erdian. Neurketako 30. minutuan, ordea, Viniciusek pase bikaina eman dio Reguiloni, hau area barruan sartu da, pasea eman, eta Benzemak 1-0ekoa sartu du.
Real Madril jaun eta jabe izan da lehen zatian. Alaves saiatu da kontraerasoan min egiten, baina ez du abagunerik sortu. Hala ere, atsedenaldira iritsi aurretik, Odriozolak pase kaskarra eman dio Courtois atezainari, eta larri desbideratu du baloia atezain belgikarrak.
Bigarren zatiaren hasieran, 49. minutuan, Pachecok bikain harrapatu du Gareth Baleren jaurtiketa. Ondoren, Asensio sartu da galestarraren ordez, eta aukera on baten, zeruetara bidali du jaurtiketa. Alavesek izan duen abagune bakarra Jonyren bitartez etorri da, baina Courtois atezainak desbideratu egin du Alaveseko jokalariaren jaurtiketa. Real Madril nagusi izan da, abagune onenak eduki ditu, baina gol bateko aldea besterik ez du izan 80. minutura arte. Orduan, Alavesek kale egin du jokaldi bat lotzerakoan, Real Madrilek kontraerasoa antolatu du, eta Viniciusek 2-0ekoa sartu du. Brasildarraren golak erabakita utzi du norgehiagoka.
Bigarren gola hartu ostean, Arabako taldea behera etorri da. Real Madrilek hirugarren golaren bila jo du, eta lortu ere egin du; Marianok sartu du 3-0ekoa, Odriozolaren erdiraketa sare barrura errematatuta. Amaieran, beraz, porrota jaso du Alavesek. Abelardok zuzentzen duen taldeak lau partida jarraian daramatza garaipenik lortu gabe, baina Europako postuetan sartzeko lehian mantentzen da.
Fitxa teknikoa:
3 - Real Madril: Courtois; Odriozola, Nacho, Sergio Ramos, Reguilon; Casemiro, Modric, Ceballos; Bale (Marco Asensio, 63. min), Vinicius (Isco, 87. min) eta Benzema (Mariano, 74. min).
0 - Alaves: Pacheco; Vigaray, Laguardia, Maripan, Duarte; Pina, Manu Garcia (Guidetti, 81. min), Wakaso; Jony, Burgui (Diego Rolan, 68. min) eta Calleri (Alex Blanco, 81. min).
Golak: 1-0, 30. min: Benzema. 2-0, 80. min: Vinicius. 3-0, 91. min: Mariano.
Epailea: Santiago Jaime Latre. Txartel horiak atera dizkie Alaveseko Laguardia (32'), Burgui (54') eta Wakaso (74') jokalariei.
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.