Alaves, Kopatik kanpo, penaltietan galdu ostean
Penalti jaurtiketetan primeran aritu den Jaume Domenech Valentziaren atezainak eman dio Kopako finalerdietarako txartela bere taldeari Alavesen aurka. Kanporaketa berdinduta heldu da arauzko denbora bukatu denean (2-1), eta norgehiagoka luzapenera joan behar izan da, eta handik penaltietara sailkapena nork eskuratu behar zuen erabaki ahal izateko.
Alavesekoak bi aldiz aurreratu dira markagailuan 15 minuturen buruan, zeinetan norgehiagokako hiru golak sartu dituzten. Lehendabizi Munirrek etxekoak aurreratu ditu (1-0); ondoren, Santi Minak berdinketa igoarazi du markagailura (1-1). Azkenik, partidaren azken txanpan, Ruben Sobrinok kanporaketa berdindu duen gola egin du (2-1).
Dena den, lehiako lehen abagunea Valentziak izan du, Dani Parejok ateratako korner batean. Baloia atera zihoan, eta Antonio Siverak ukabilak erabili behar izan ditu baloia aldentzeko.
Valentziarrak partidan agintzeko asmoz zelairatu dira, baina ondo kokatuta egon den Alavesek hainbat baloi lapurtu eta aurkariaren bizkarra bilatu du etengabean.
22. minutua bete denean, partida geratu egin da Gabriel Paulista Valentziakoen atzelaria lesionatu eta aldatu egin behar izan baitu Marcelino Toral entrenatzaileak. Ezequiel Garay argentinarra atera du min hartuta zelaitik atera den defentsa brasildarren ordez.
Markagailua hutsean iritsi da atsedenaldira, nahiz eta Alavesek bisitarien atzeko lerroan egonezina sortu duen zenbait aldiz, baina eraginkortasunik gabe.
Aldageletatik bueltan, Abelardoren mutilak Valentziaren atea begitan hartuta bueltatu dira berdegunera, eta horren adierazle izan da Ruben Sobrinok ezkerreko hegaletik korrikaldia egin ostean atera duen jaurtiketa, Valentziaren atetik gora joan dena.
Dani Torres Guedesen barneraldia oztopatu nahian. Argazkia: EFE
Gasteiztarrak euren une gozoa aprobetxatzen saiatu dira, baina Domenechen geldituekin egin dute topo. Gainera, 57. minutuan, epaileak Guidettik sartutako gol bat baliogabetu du, aurretiaz falta egiteagatik.
Haatik, Marcelinorenek etxekoen oldarraldiei eutsi diete, eta erasokorrago jardun dute bigarren zatiak aurrera egin ahala. Modu horretan, 69. minutuan, bi aukera garbi izan dituzte: lehendabizikoa, Guedesen oinetan; bigarrena, are argiagoa, Kondogbiak langaren aurka bota duenean.
Handik gutxira, 72an, Alavesek bere ekinaren saria topatu du zelairatu berria zegoen Munirren burukada baten bidez. Aurrelariak Rodrigo Elyren erdiraketa probestu du etxekoak aurretik jartzeko.
Hala ere, gutxi iraun du pozak Mendizorrotzan; izan ere, Santi Minak ez du barkatu etxekoek atzealdean egin duten huts batean berdinketa egiteko, eta, bide batez, bere taldea berriro ere kanporaketan agintzen jartzeko.
Gasteiztarrek, ordea, ez dute etsi eta kanporaketa berdindu duen gola lortu dute 86. minutuan, Ruben Sobrinoren eskutik.
Valentzia itsu-itsuan joan da erasora luzapena saiheste xedearekin, baina ezin izan dute etxekoen defentsa-lana gainditu. Horrenbestez, kanporaketak beste 30 minutu izan ditu jokatzeko.
Luzapenari ekin aurretiko atsedenalditxoa eta gero, partidako erritmoa jaitsi egin da eta batak zein besteak ez dute arrisku gehiegirik hartu nahi izan.
Hala, norgehiagoka penalti-jaurtiketetara heldu da, eta bertan Valentzia eraginkorrago agertu eta finalerdiak jokatzeko txartela eskuratu du.
Fitxa teknikoa:
Alaves 2: Sivera, Martín, Laguardia, Ely (Demirovic, 84. min), Duarte; Tomás Pina, Dani Torres; Ibai Gómez (Hernán Pérez, 70. min), Sobrino, Pedraza; eta Guidetti (Munir, 70. min).
Valentzia 1: Jaume, Montoya, G. Paulista (Garay, 22. min), Rubén Vezo, Gayà; Kondogbia, Parejo, Maksimovic (Mina, 76. min), Guedes; Zaza eta Vietto (Rodrigo, 58. min).
Golak: 1-0, 72. min: Munir. 1-1, 77. min: Santi Mina. 2-1, 86. min: Sobrino.
Penaltis: 1-0: Pina, gola. 1-1: Rodrigo, gola. 1-1: Pedraza, Jaumek gelditu du. 1-2: Mina, gola. 1-2: Hernán Pérez, Jaumek geratu du. 1-2: Kondogbia, Siverak geratu du. 2-2: Munir, gola. 2-3: Gayá, gola. 2-3: Sobrino, kanpora.
Epailea: Álvarez Izquierdo. Txartel horiak: Torres, Pedraza, Munir, Pina eta Duarte (Alaves); Maksimovic, Vezo, Kondogbia, Parejo, Guedes eta Santi Mina (Valentzia).
na (Valentzia).Zure interesekoa izan daiteke
Andrea Esteban: "Asteburu honetan taldea maila gorenera itzuliko dela ziurtatzea espero dut"
Igandean egun handia izan daiteke Gasteizen Alaves Gloriosasentzat, Arabako taldeak F Ligara igotzea lortu dezakeelako. Lau jardunaldiren faltan bigarren dago sailkapenean, Bartzelonaren bigarren taldearen atzetik, eta 9 puntura du hirugarren sailkatua, Valentzia. Hain zuen, Valentziak Bartzelona B liderraren zelaian jokatuko du; beraz, Valentziak galdu edo berdintzen badu eta Alavesek Cacereño mendean hartzen badu, babazorroak maila gorenean arituko dira datorren denboraldian.
Alavesek F Moeve Ligara igotzea lor lezake, igande honetan, Mendizorrotzan, Cacereñoren aurka
Andrea Estebanen taldeak aurkaria garaitzen badu, eta larunbatean, Bartzelonak Valentziaren aurka irabazi edo berdintzen badu, matematikoki Moeve F Ligara igoko litzateke. Horrela, Alavesen zaleek igoera Mendizorrotzan ospatu ahalko lukete.
Nahuel Tenaglia Alavesekin Lehen Mailan 100 partidetara ailegatu da Celtaren aurkako garaipen historikoan
Tenaglia 2021-2022 denboraldian ailegatu zen Alavesera, eta, orain arte, 146 neurketa jokatu ditu Gasteizko taldearekin. Atzelariak igande honetan lortu zuen erregistro honetara ailegatzea, Quique Sanchez Floresen taldeak Celtaren aurka jokatutako norgehiagoka handian (3-4).
Toni Martinez: “Zalantzarik gabe, gogoratzeko moduko partida izango da"
Alavesek garaipen historikoa lortu du Celtaren aurka Balaidosen, 3-0 galtzen joan eta gero, markagailua iraulita. Toni Martinez erabakigarria izan da, bi gol sartu ditu eta.
Alavesek handia egin du Balaidosen (3-4)
3-0 galtzen joan ostean, Quique Sanchez Floresen taldeak markagailua irauli, eta 3 puntu garrantzitsu bereganatu ditu jaitsiera postuetatik aldentzeko.
Quique Sánchez Flores: "Imajinatzen dugun partida jokatu behar dugu"
Celtaren aurkako partidaren atarian emandako prentsaurrekoan, Gloriosoko entrenatzaileak esan du ilusioz gainezka dagoela taldearekin, eta orain arte bezala lan eginez gero helburua lortzen joango dela. "Garrantzitsua da imajinatzen dugun partida jokatzea" adierazi du Sanchez Floresek.
Jonny Otto: “Ahalik eta lan gehien egiteko prest zelairatuko gara, atea hutsean uzteko"
Jonny Otto Alaveseko jokalaria Galiziara itzuliko da asteburu honetan, Celtaren aurka jokatzeko. Prentsaurrekoan adierazi du nola sentitzen den partidaren aurrean, eta taldeak nola ekingo dion denboraldiaren azken zatiari.
Vila-realek garaipenik gabe utzi du Alaves luzapenean (1-1)
Bisitari batek bere atean sartutako gol batek aurretik jarri ditu babazorroak, baina Pepek etxekoen festa zapuztu du luzapenean.
Elene Errasti Alaveseko jokalaria: "Espero dugu iazko bukaera hobetzea eta helburua betetzea"
Sei jardunaldiren faltan, Alaves da emakumezkoen bigarren mailako liderra. Horrela amaituz gero, elitera igotzea lortuko dute. Zazpi puntuko abantaila dute bigarren sailkatuarekiko, baina nahiago dute zuhur jokatu, iaz igoera gertu izan zutelako eta ihes egin zielako.
Quique Sanchez Flores: “Alavesek etxean lortu ditu puntu gehienak, jarraitzaileen animoekin. Horri eutsi behar diogu”
Alavesek bi puntura du jeitsiera, hortaz, oso garrantzitsua da arabarrentzat bihar garaipena lortzea. Gainera Quique Sanchez Flores estreinakoz arituko da etxean, zaleen aurrean.