Alaves jaitsiera postuetatik at da Sevillari irabazi ostean
Alavesek garaipen garrantzitsua lortu du Sevillaren aurka (1-0) Mendizorrotzan eta Ligako lehen itzulia jaitsiera postuetatik at amaitu du Arabako taldeak. Jaitsiera postuetan den Deportivok (16 puntu) baino bi puntu gehiago ditu Alavesek.
Partidari hobeto ekin dio Sevillak eta Montellak zuzentzen duen taldeak izan du lehen abagunea, 3. minutuan; Pacheco atezainak, ordea, erantzun ona eman dio Banegaren jaurtiketari. Lehen minutuetan talde bisitaria egin da baloiaren jabe, baina ez du estuasunetan jarri Alavesen defentsa. Arabako taldeak aurrerapausoa eman du lehen ordu laurdena pasata, baina ez du gola sartzeko aukera argirik eduki. Neurketako 37. minutuan Pacheco atezainak ondo gelditu du Geisen jaurtiketa eta atsedenaldira iritsi orduko, 43. minutuan, Alavesek bere lehen abagunea izan du: Pedrazak jokaldi bikaina egin eta Guidettiren jaurtiketa kanpora joan da, desbideratuta.
Atsedenaldiaren ostean, norgehiagoka maldan behera jarri zaio Alavesi, gola sartu baitu 52. minutuan; korner baten ostean aldaratzea Munirri iritsi zaio, baloia arean jarri eta Manu Garciak gola sartu du erremate bikaina eginda (1-0). Sevillari min egin dio gola hartzeak, baina berdinketa lortzetik gertu egon da 62. minutuan Nolitok zortez egindako errematea oso gutxagatik kanpora joan denean. Lau minutu beranduago, Guidettik kanpora bidali du jaurtiketa, gehiegi gurutzatuta. Partidako azken txanpan erasora jo du Sevillak berdinketaren bila eta 81. minutuan abagune argia izan du; Nolitoren errematea, ordea, zutoina urratuta kanpora joan da. Bi m inutu beranduago, jokalari bat gutxiagorekin geratu da Alaves, Duartek bigarren txartel horia ikusi baitu area kanpoan egin duen falta baten ondorioz eta egotzia izan da. Falta arriskutsua izan da, eta Ben Yedderrek ez du gola sartu, gutxigatik. Azken minutuetan Sevillak erasora jo du itsu-itsuan, baina Andaluziako taldeko aurrelariek ez dute ate aurrean asmatu eta Alavesek eskuratu ditu hiru puntuak (1-0).
Fitxa teknikoa:
1 - Alaves: Pacheco; Martin Aguirregabiria, Ely, Laguardia, Duarte; Ibai (Sobrino, min. 89), Manu Garcia, Pina, Pedraza; Munir (Wakaso min. 84) eta Guidetti (Hernan Perez, min. 74).
0 - Sevilla: Sergio Rico; Mercado (Corchia, min. 84), Kjaer, Lenglet, Carole; Geis (Sarabia, min. 61), Pizarro; Jesus Navas (Muriel, min. 73), Banega, Nolito; eta Ben Yedder.
Gola: 1-0, M.51: Manu Garcia.
Epailea: Sanchez Martinez. Duarte egotzi du partidako 83. minutuan, bigarren txartel horia erakutsita.
ria erakutsita.Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.