Alavesek denboraldiko lehen garaipena lortu du Levanteri irabazita
Alavesek denboraldiko lehen garaipena lortu du Levanteri 0-2 irabazita Ciutat de Valencia zelaian. De Biasi entrenatzaile berriak Arabako taldea zuzendu duen lehen partidan, hiru puntuak eskuratu dituzte babazorroek. Partida biribila egin du Alavesek.
Bizi eta erasokor ekin dio Levantek partidari, baina Alaves sendo azaldu da defentsako lanean, eta, minutuak igaro ahala, abaguneak sortzen hasi da De Biasik zuzentzen duen taldea. Neurketako 20. minutuan, Munirren erremateari erantzun bikaina eman dio Raul Fernandez atezainak, gola eragotzita, eta, hiru minutu geroago, Munirrek langara bidali du baloia, Pedrazaren jokaldi on bat amaitzeko. Ekinean jarraitu du Alavesek, eta 33. minutuan lortu du saria; Pedrazak pasea eman dio Munirri, eta honek 0-1ekoa sartu du. Arabako taldeko aurrelariak ez du barkatu bere hirugarren abagunean. Golaren ostean, Levantek erasora jo du, baina ez du abagune argirik sortu Pachecok defendatutako atean.
Bigarren zatiaren hasieran, Levantek berdinketaren bila jo du, baina Valentziako taldeak ez du abagune argirik sortu. Etxeko taldea estrategiako jokaldien eta areatik kanpoko jaurtiketen bitartez saiatu da arriskua sortzen, baina ez dio arazo handirik sortu Pacheco atezainari. Alaves ere ez da gai izan abagune argirik sortzeko, baina sendo jarraitu du defentsako lanean. Bigarren zatiko abagune argiena 75. minutuan izan du Alavesek, baina Pedrazak kanpora bidali du errematea, Raul atezainaren aurrean. Abagune hori izan eta gero, 81. minutuan, De Biasik zuzentzen duen taldeak neurketa erabakita utzi du Medranek 2. gola sartuta. Duartek erdiraketa egin du hegaletik, eta Medranek buruz bidali du baloia sare barrura. Amaieran, Alavesen garaipena (0-2) eta denboraldiko lehen hiru puntuak.
Fitxa teknikoa:
0 - Levante: Raul, Pedro Lopez (Nano Mesa, 64. min), Postigo, Chema Rodriguez, Toño Garcia, Rober Pier (Boateng, 46. min), Campaña, Samuel (Luna, 14. min), Bardhi, Morales eta Alegria.
2 - Alaves: Pacheco, Alexis, Maripan, Ely, Duarte, Dani Torres, Manu Garcia, Ibai Gomez (Vigaray, 54. min), Pedraza, Medran (Santos, 88. min) eta Munir (Katai, 78. min).
Golak: 0-1, 32. min: Munir. 0-2, 81. min: Medran.
Epailea: Fernandez Borbalan.
Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.