Alavesek garaipena lortu du hilabete t'erdi eta gero
Alavesek 1-2 irabazi dio Kordobari Arcangel zelaian eta Arabako taldeak garaipen garrantzitsua eskuratu du. Hilabate t'erdi zeraman Alavesek garaipenik lortu gabe. Hiru puntu hauekin, Adelante Ligako liderra den Leganesengandik puntu bakarrera kokatu da Bordalasek zuzentzen duen taldea.
Partida hasieran Kordoba izan da baloiaren jabe eta abagune onenak Andaluziako taldeak izan ditu. Norgehiagokako 20. minutuan abagune bikoitza izan du etxeko taldeak, baina ez Xiscok ezta Caballerok ere, ez dute Alavesen ate aurrean asmatu. Arabako taldeak lehen zatian izan duen abagune bakarra Manu Garciak area kanpotik egindako jaurtiketa bat izan da, eta Falcon atezainak ez du gelditzeko arazorik izan.
Bigarren zatiko 60. minutuan Kordobak abagune argia huts egin du, eta Alavesek ez du barkatu hurrengo jokaldian; Julik hegaletik erdiraketa atera eta Toquerok 0-1ekoa egin du, errematea sare barrura bidalita. Pozak, ordea, ez dio asko iraun Arabako taldeari bi minutu beranduago Kordobak partida berdintzea lortu baitu Xiscoren gol bati esker (1-1).
Partida berdinduta egon da, eta 25 minutu geratzen izan dira oraindik amaierara iristeko. Alavesen lehen gola, 62. minutuan iritsi da; Kordobarena, aldiz, 64.ean. Bada, Arabako taldeak ez du asko itxaron beharizan bigarren gola lortzeko, Bernardellok 70. minutuan sartu baitu 1-2koa. Manu Barreirok erdiraketa egin, eta Bernardelloren errematea sare barrura joan da.
Azken minutuetan Kordoba berdinketa lortzen saiatu da, eta izan du abagune argiren bat, baina Pacheco atezainak etxekoen gola eragotzi du, Bijimineren erremateari erantzun bikaina emanda. Amaieran, garaipena Alavesentzat.
Fitxa teknikoa:
1 - Kordoba: Falcon; Stankevicius (Lopez Silva, 83. min), Bijimine, Deivid, Abel Moreno; Luso, Eddy (Raul de Tomas, 75. min), Caballero; Pedro Rios (Nando, 70. min), Fidel; Xisco.
2 - Alaves: Pacheco; Kiko Femenia (Estrada, 58. min), Laguardia, Pelegrin, Raul Garcia; Sergio Mora (Borda, 85. min), Manu Garcia, Bernardello, Juli; Manu Barreiro eta Toquero (Guichon, 77. min).
Golak: 0-1, 62. min: Toquero. 1-1, 63. min: Xisco. 1-2, 70. min: Bernardello.
Epailea: Daniel Jesus Trujillo Suarez.
rujillo Suarez.Zure interesekoa izan daiteke
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.