Borussia Dortmund eta Paris Saint-Germain Txapeldunen Ligako finalerdietarako sailkatu dira
Borussia Dortmund eta Paris Saint-Germain 2023-24 denboraldiko Txapeldunen Ligako finalerdi batean arituko dira nor baino nor gehiago; izan ere, final laurdenetan, hurrenez hurren Atletico Madril eta Bartzelona kanporatu dituzte, asteartean. Borussia Dortmundek eta Paris Saint-Germainek joaneko partidetan izandako emaitzak irauli egin dituzte; itzuliko neurketetan, Borussia Dortmund 4-2 gailendu zaio Atletico Madrili, Alemanian, eta Paris Saint-Germainek, ordea, 1-4 menderatu du Bartzelona, Kataluniako hiriburuan.
Testuinguru horretan, Dortmunden, Signal Iduna Park futbol zelaian, Atletico Madrilek ezin izan dio eutsi aurreko astean Civitas Metropolitanon erdietsitako aldeari (Madrilgo taldeak 2-1 irabazi zuen Espainiako hiriburuan). Bizi-bizia izan da norgehiagoka. Lehen zatian, Borussia Dortmund 2-0 aurreratu da, Brandtek 34. minutuan eta Maatsenek 39.ean egindako golei esker, baina, atsedenaldiaren ostean, Hummelsek bere atean sartu du 2-1ekoa, 49. minutuan, eta Correak jarri du binakoa 64.ean. Madrilgo taldeak, une horretan, alde zuen kanporaketa, baina azken tartean, 71. eta 74. minutuetan, Fullkrugek eta Sabitzerrek 3-2koa eta 4-2koa lortu dituzte, eta, horrenbestez, Borussia Dortmundek egin du aurrera.
Bitartean, Estadi Olimpic Lluis Companys futbol zelaian, Bartzelonak eta Paris Saint-Germainek golez eta emozioz betetako beste norgehiagoka bat eskaini dute. Bartzelona aurretik zihoan joaneko partidaren ostean, Parisen 2-3 irabazita, eta itzulikoan ere jo du lehenengo, 12. Minutuan, Raphinhak sartutako golaren bidez. 30. minutuan, baina, kanporaketan giltzarria izan den jokaldi bat izan da, epaileak Araujo kanporatu baitu. Bartzelona hamar jokalarirekin zegoela, Dembelek 1-1ekoa lortu du, 40. minutuan, eta bigarren zatian Parisko taldeak beste hiru gol gehiago sartu ditu: Vitinhak, 54. minutuan, Mbappek, penaltiz, 61.ean, eta Mbappek berak, 89.ean, egin dituzte hiru gol erabakigarri horiek.
Horrela, Borussia Dortmundek eta Paris Saint Germainek Alemanian jokatuko dute joaneko partida, finalerdian, eta Frantzian itzulikoa. Asteazkenean, beste finalaurrekoan zer bi talde izango diren zehaztuko da, Manchester City-Real Madril eta Bayern Munich-Arsenal partidetan.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).