Atletico Madrilek irabazi du Erreginaren Kopako finala, Real Madril penaltietan menderatuz
Atletico Madrilek Erreginaren Kopako finala irabazi zuen larunbat gauean, Real Madril penaltietan menderatuz, Leganeseko Butarque futbol zelaian. Txapeldun berriak partidako azken minutuetan berdindu zuen, Lucia Moralek eta Bainik 87. eta 95. minutuetan sartutako golei esker, talde zuriak markagailuan jarritako 2-0ekoa (Tolettik eta Ivanak sartu zituzten Real Madrilen golak). Penalti jaurtiketetan, Manolo Canoren jokalariak argi gailendu ziren, 3-1; Atletico Madrilek irabazitako bigarren Kopa da hau.
Kopako finala emozioz beterik izan zen, eta, gainera, kontuan izanik nola zihoan soilik minutu gutxi batzuk geratzen zirela, ia pentsaezina zen modu batean amaitu zen. Atletico Madrilek ausardia erakutsi zuen neurketaren hasieran, eta gutxi falta izan zitzaion lehen zatian aurreneko gola sartzeko; izan ere, Rasheedat Ajibadek eta Baninik gertu izan zuten 0-1ekoa. 30. minutuan, baina, Sandie Tolettik, korner bat buruz errematatuz, Real Madril jarri zuen aurretik; golak lasaitasuna eman zion Alberto Torilen taldeari, eta zuriek ez zuten aparteko arazorik izan, atsedenaldia hasi baino lehen, abantailari eusteko.
Weirrek gutxigatik ez zuen 2-0ekoa egin, bigarren zatiaren hasieran; Gallardok geldiketa bikaina egin zuen orduan, baina Atletico Madrilen atezainak ezin izan zuen saihestu, gerora, Ivana Andresen gola. Hori ere korner baten ondorioz gauzatu zen, Real Madrileko jokalariek ondo egin zuten jokaldia orduan.
Euria erruz bota zuen, eta horrek jokalarien lana biziki oztopatu egin zuen; hala, Atletico Madrilen balentria, finala berdintzea, are zailagoa izan zen, gainera. 87. minutuan, Lucia Moralek 2-1ekoa sartu zuen, eta 95.enean, falta jaurtiketa batean, Baninik, eskuinez, gol ederra egin zuen, baloia angeluan jarriz. Finala luzapenera eraman zuen, horrela.
30 minutu gehigarri horietan, ordea, ez zen golik izan; Weirrek izan zuen abagunerik onena, Real Madrilen aldeko 3-2koa sartzeko. Penaltiek erabaki zuten, azkenean, eta Atletico Madrilek gehiagotan asmatu zuen, horietan, Kopa bereganatzeko.
Fitxa teknikoa
2 - Real Madril: Misa; Robles, Kathellen, Ivana, Carmona; Toletti (Freja Siri, 114. min), Zornoza (Abelleira, 82. min), Weir; Athenea (Oroz, 70. min), Caicedo (Svava, 82. min) eta Feller (Moller, 70. min).
2 - Atletico Madril: Gallardo; Moraza (Alexia, 76. min), Van Dongen (Lundkvist, 67. min), Menayo, Medina; Maitane, Sonia Majarin (Guerrero, 57. min); Cardona (Moral, 57. min), Banini, Ajibade; eta Barbara (Eva Navarro, 57. min).
Epailea: Acevedo Dudley (Kataluniako Batzordea). Jokalari hauek jaso zuten txartel horia: Kathellenek (34. min), Orozek (93. min), Lundkvistek (110. min), Alexia (114. min).
Golak: 1-0, 30. min: Toletti. 2-0, 55. min: Ivana. 2-1, 87. min: Lucia Moral. 2-2, 95. min: Banini.
Penalti jaurtiketak: Menayo (0-1), Weir (1-1), Guerrero (1-2), Carmona (huts egin zuen) (1-2), Eva Navarro (1-3), Abelleira (huts egin zuen) (1-3), Banini (huts egin zuen) (1-3), Svava (huts egin zuen) (1-3).
Gertakizunak: Erreginaren Kopako finala, Butarque futbol zelaian. 9.217 ikusle. Jokalariek pankarta bat erakutsi zuten: "Arrazistak, futboletik kanpo".
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).