Manchester City, Haalandek bost gol sartuta, eta Inter Milan, Txapeldunen Ligako final laurdenetara
Manchester City, Erling Haaland aurrelariak bost gol sartuta, eta Inter Milan Txapeldunen Ligako final laurdenetarako sailkatu dira astearte gauean, hurrenez hurren Leipzig eta Porto kanporatuz. Manchester Cityk 7-0 menderatu du Alemaniako taldea, joanekoaren 1-1eko emaitzaren ostean, eta Inter Milanek Porton berdintzea lortu du (0-0); Italiako 1-0ekoa baliatuz egin du aurrera Interrek. Haalandek jokalari batek Txapeldunen Ligako partida batean sartutako gol marka berdindu du.
Manchesterren, Etihad Stadium futbol zelaian, Erling Haaland Manchester Cityko aurrelariak historia egin du. Bost gol sartu ditu. Txapeldunen Ligan, soilik beste bi jokalarik dute lortuta horrelako marka: Leo Messik eta Luiz Adrianok, hain zuzen ere. Messik 2011-12 denboraldian egin zuen, Bartzelona-Bayer Leverkusen partida batean, final zortzirenetan, itzulikoan; neurketa 7-1 amaitu zen. Luiz Adrianok, ordea, multzo fasean egin zuen, 2014-15 denboraldian, BATE Borisoven zelaian, Shakhtar Donetsk taldeak 0-7 irabazitako partida batean (Athletic ere zegoen multzo horretan, 2014-15eko Txapeldunen Ligan). Inork ez du sartu sei gol Txapeldunen Ligako partida batean.
Horrela, Haalandek Manchester Cityk emandako erakustaldia zuzendu du. Hori bai, 1-0ekoa, 22. minutuan, penalti eztabaidagarri baten bidez egin dute (epaileak Leipzigeko jokalari batek baloia eskuz ukitu duela erabaki du); hortik aurrera, baina, Pep Guardiolaren gizonak argi gailendu zaizkio arerioari. Atsedenaldian, markagailuak 3-0eko emaitza adierazten zuen; Haalandek 57. minutuan sartu du bere bosgarren gola, Manchester Cityren seigarrena. Gundoganek eta De Bryunek egin dituzte beste bi golak; Ingalaterrako taldea seigarren aldiz jarraian sailkatu da Txapeldunen Ligako final laurdenetara.
Porton, Do Dragao futbol zelaian, Inter Milanek hasierako 0-0eko emaitzari eutsi dio, eta, horrenbestez, Italian erdietsitako 1-0ekoarekin lotuta, azken hamabi urteotan lehen aldiz sailkatu da final laurdenetarako (azkenengoz, 2010-11 denboraldian lortu zuen Interrek). Simone Inzaghiren taldeak ez du estutasun handiegirik izan aurrera egiteko; hori bai, azken minutuetan, Porto etengabeko erasora jotzen ari zela, kanporaketa luzapena izatetik gertu izan da. Azken txanpa horretan, portugaldarrek bi aldiz errematatu dute zutoinera, eta, azkenean, Marcano Interreko jokalariak ia atepetik atera behar izan du beste erremate bat.
Hortaz, Lukakuk San Siron sartutako gola erabakigarria izan da, Inter Milanek sailkatzea lortzeko eta Porto, aldiz, zortzi onenen artean ez egoteko.
Benfica, Milan, Chelsea, Bayern Munich, Manchester City eta Inter Milan taldeek bermatu dute, ondorioz, Txapeldunen Ligako final laurdenetan izango direla; beste bi taldek lortu behar dute, oraindik: Real Madril ala Liverpool eta Napoli ala Eintracht Frankfurt izango dira.
Zure interesekoa izan daiteke
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Mikel Merinok aurrera egiteko gola eman dio berriz Espainiari (2-1)
Aulkitik sartu eta berehala, jokalari iruindarrak azken minutuetan sartutako golak garaipena eman dio bere taldeari Belgikaren aurka eta finalerdietarako txartela.
Mbappek eta Dembelek Frantzia finalerdietan jarri dute (2-0)
Bonok penaltia gelditu dio Mbapperi lehen zatian, baina aurrelari frantziarrak mendekua hartu du atsedenaldiaren ostean, munduko txapelketa honetan sartutako zortzigarren golarekin. Ondoren, Dembelek garaipena ziurtatu du, bere bosgarren golarekin.
Suitzak Kolonbia kanporatu du, penaltietan, eta prest daude Munduko Txapelketako final laurdenak
Hauek dira final laurdenetako kanporaketa guztiak: alde batetik, Frantzia-Maroko, eta Espainia-Belgika; bestetik, Norvegia-Ingalaterra, eta Argentina-Suitza. Final zortzirenetako azken kanporaketan, Suitzak eta Kolonbiak 0-0 berdindu dute, eta penaltietan Suitza 4-3 gailendu da.
Romerok, Messik eta Enzok bizia eman diote txapeldunari, Egiptoren aurka gorriak ikusi ondoren (3-2)
Argentina ezinean ibili da Egiptoren aurkako norgehiagokan. Afrikarrak 0-2 aurretik jarri dira markagailuan, Yasser Ibrahim eta Mostafa Ziko jokalarien golei esker.
Queiroz, Aguirre eta Roberto Martinez dira Munduko Txapelketaren azken biktimak
Ghanako Futbol Federazioaren arabera, oraindik ez dute Queirozen uko formalik jaso, baina bere Instagrameko mezuak ez du zalantzarako tarterik uzten. Aguirreren kasuan, Mexiko Munduko Txapelketan zuzentzeko akordioa zuen. Azkenik, Roberto Martinezi lortutako emaitza txarrak kalte egindio. Portugaleko Futbol Federazioak ez zuen espero final-zortzirenetan galtzea.
Belgikak garaipen argia lortu du AEBren aurka (1-4), eta Espainia izango du aurkari Munduko Txapelketako final laurdenetan
De Ketelaerek, bi gol sartuta, Vanakenek eta Lukakuk markagailuan islatu dute Belgikako selekzioak erakutsitako nagusitasuna. Balogun AEBko jokalariak neurketan parte hartu du, eta horrek norgehiagoka markatu du, kontuan izanik FIFAko Diziplina Batzordeak erabakita jokatu ahal izan duela.
Mikel Merinok final-laurdenetarako sailkatu du Espainia, luzapenaren atarian (0-1)
Nafarrak, Ferran Torresen pasea baliatuta, 91. minutuan sartu du Luis de la Fuenteren taldea final-laurdenetan. Espainiak AEB-Belgika partidako irabazlearen aurka neurtuko ditu indarrak.
Norvegiak Brasil kanporatu du (1-2), eta Ingalaterrak Mexiko (2-3), eta biek izango dute jokoan finalerdietarako txartel bat
Norvegiako eta Ingalaterrako selekzioak nor baino nor gehiago arituko dira, final laurdenetan, larunbatean, 23:00etan. Final zortzirenetan, Norvegiak Brasil menderatu du, Erling Haalandek bi gol sartuta, eta Ingalaterra Mexikori gailendu zaio; neurketa horretan, Jude Bellinghamek bi gol egin ditu, eta Harry Kanek, penaltiz, beste bat.
Mbappek hamaika metroetatik hautsi du Paraguaiko harresia, eta Frantzia final-laurdenetan sartu du
Kylian Mbappek 70. minutuan egindako penalti batek garaipena eman dio Frantziari (0-1) Paraguairen aurka 2026ko Munduko Txapelketako final-zortzirenetan. Didier Deschampsen taldeak Marokoren aurka jokatuko du final-laurdenetan.