Manchester City, Haalandek bost gol sartuta, eta Inter Milan, Txapeldunen Ligako final laurdenetara
Manchester City, Erling Haaland aurrelariak bost gol sartuta, eta Inter Milan Txapeldunen Ligako final laurdenetarako sailkatu dira astearte gauean, hurrenez hurren Leipzig eta Porto kanporatuz. Manchester Cityk 7-0 menderatu du Alemaniako taldea, joanekoaren 1-1eko emaitzaren ostean, eta Inter Milanek Porton berdintzea lortu du (0-0); Italiako 1-0ekoa baliatuz egin du aurrera Interrek. Haalandek jokalari batek Txapeldunen Ligako partida batean sartutako gol marka berdindu du.
Manchesterren, Etihad Stadium futbol zelaian, Erling Haaland Manchester Cityko aurrelariak historia egin du. Bost gol sartu ditu. Txapeldunen Ligan, soilik beste bi jokalarik dute lortuta horrelako marka: Leo Messik eta Luiz Adrianok, hain zuzen ere. Messik 2011-12 denboraldian egin zuen, Bartzelona-Bayer Leverkusen partida batean, final zortzirenetan, itzulikoan; neurketa 7-1 amaitu zen. Luiz Adrianok, ordea, multzo fasean egin zuen, 2014-15 denboraldian, BATE Borisoven zelaian, Shakhtar Donetsk taldeak 0-7 irabazitako partida batean (Athletic ere zegoen multzo horretan, 2014-15eko Txapeldunen Ligan). Inork ez du sartu sei gol Txapeldunen Ligako partida batean.
Horrela, Haalandek Manchester Cityk emandako erakustaldia zuzendu du. Hori bai, 1-0ekoa, 22. minutuan, penalti eztabaidagarri baten bidez egin dute (epaileak Leipzigeko jokalari batek baloia eskuz ukitu duela erabaki du); hortik aurrera, baina, Pep Guardiolaren gizonak argi gailendu zaizkio arerioari. Atsedenaldian, markagailuak 3-0eko emaitza adierazten zuen; Haalandek 57. minutuan sartu du bere bosgarren gola, Manchester Cityren seigarrena. Gundoganek eta De Bryunek egin dituzte beste bi golak; Ingalaterrako taldea seigarren aldiz jarraian sailkatu da Txapeldunen Ligako final laurdenetara.
Porton, Do Dragao futbol zelaian, Inter Milanek hasierako 0-0eko emaitzari eutsi dio, eta, horrenbestez, Italian erdietsitako 1-0ekoarekin lotuta, azken hamabi urteotan lehen aldiz sailkatu da final laurdenetarako (azkenengoz, 2010-11 denboraldian lortu zuen Interrek). Simone Inzaghiren taldeak ez du estutasun handiegirik izan aurrera egiteko; hori bai, azken minutuetan, Porto etengabeko erasora jotzen ari zela, kanporaketa luzapena izatetik gertu izan da. Azken txanpa horretan, portugaldarrek bi aldiz errematatu dute zutoinera, eta, azkenean, Marcano Interreko jokalariak ia atepetik atera behar izan du beste erremate bat.
Hortaz, Lukakuk San Siron sartutako gola erabakigarria izan da, Inter Milanek sailkatzea lortzeko eta Porto, aldiz, zortzi onenen artean ez egoteko.
Benfica, Milan, Chelsea, Bayern Munich, Manchester City eta Inter Milan taldeek bermatu dute, ondorioz, Txapeldunen Ligako final laurdenetan izango direla; beste bi taldek lortu behar dute, oraindik: Real Madril ala Liverpool eta Napoli ala Eintracht Frankfurt izango dira.
Zure interesekoa izan daiteke
FIFAk ofizial egin du Iranek Tijuanan egingo duela Mundu Txapelketako egonaldia
Irango kontzentrazio-lekua aldatuko duela iragarri du erakundeak, AEBetako bisekin arazoak saihesteko.
Bartzelonak laugarren Txapeldunen Liga irabazi du Lyon garaituta
4-0 nagusitu da, Pajorren eta Parallueloren bina golei esker, bi urte geroago berriro Europako Txapeldunen Kopa eskuratzeko.
Damaris Egurrola, Txapeldunen Ligako bere hirugarren finalaren aurrean
Asteburu honetan jokatuko da emakumezkoen Txapeldunen Ligako finala. Bartzelona eta Olympique Lyon izango dira nor baino nor gehiago Oslon.
Kongoko selekzioak bertan behera utzi ditu Kinshasan egin behar zituen lan saioak eta agurra, ebola agerraldiagatik
Selekzioko bozeramaileak adierazi duenez, Kongoko jokalariak Munduko Txapelketa baino lehen kutsatzeko beldurrik ez da izan behar, ia jokalari guztiek atzerrian jokatzen baitute, batez ere Frantzian.
Aston Villak Friburgo hartu du mendean (0-3), eta Emeryk bere bosgarren Europa Liga irabazi du
Hondarribiko entrenatzaileak talde ingelesa garaipena lortzera eraman du Istanbulen jokatu den finalean. Aston Villa nagusi izan da norgehiagokan, eta finala aise irabazi du.
Iraolaren Bournemouthek Cityrekin berdindu du, eta Artetaren Arsenal txapeldun egin du
Horrela, Londresko taldeak Premier Liga irabazi du, 22 urte eta gero. Arsenalek hamalaugarren liga bereganatu du.
Bartzelona, Kopan ere nagusi
Kataluniako taldeak 12. Erreginaren Kopa irabazi du, hirugarrena jarraian, Atletico Madrili 3-1 irabazita.
Olatz Rivera bizkaitarra izango da Erregina Koparen finaleko epailea
Gainera, epaile bilbotarrak Iragartze Fernandez getxotarra eta Haizea Castresana laudioarra izango ditu marrazain.
Aston Villa-Friburgo, Europa Ligako finala, eta Rayo Vallecano-Crystal Palace, Konferentzia Ligako finala
Iñigo Perez entrenatzaile nafarrak Madrilgo langile auzoko taldea bere historiako lehen finalerako sailkatu du, Estrasburgo finalerdietan kanporatuta. Bestalde, Unai Emery gipuzkoarraren Aston Villak Nottingham Foresten aurkako kanporaketa irauli du itzuliko neurketan.
Egungo txapeldunak, PSGk, Arsenalekin hitzordua du finalean, Bayern kanporatu ondoren (1-1)
Dembelek neurketa hasi eta bi minutura sartutako golak Frantziako taldea aurretik jarri du. Kanek 94. minutuan norgehiagoka berdindu du, baina Bavariako taldeak beste gol bat behar zuen luzapena lortzeko, baina berandu zen ordurako.