Liverpoolek eta Manchester Cityk abantaila hartu dute final-laurdenetako joaneko partidetan
Liverpoolek eta Manchester Cityk Txapeldunen Ligako finalerdietara sailkatzeko aurrerapausoa eman dute astearte honetan (apirilak 5) Benfica eta Atletico Madril mendean hartuta hurrenez hurren.
Lisboako (Portugal) Da Luz estadioan Liverpoolek irabazi egin dio Benficari, 3-1eko emaitzarekin. Ingalaterrako taldeak sartu ditu neurketako estreinako bi golak, lehen zatian. Konatek jarri du 0-1ekoa markagailuan, 17 minutuan. Atsedenaldira iritsi aurretik, 34. minutuan, Manek bigarren gola sartu du (0-2) Ingalaterrakoentzat. Bigarren zatiko laugarren minutuan desabantaila murriztu du Benficak, Darwin Nuñezek sartutako golarekin (1-2). Azken txanpan, Luis Diazek sartu du gola (1-3) eta neurketa erabakita utzi du.
Manchesterren (Ingalaterra), Etihad estadioan, Cityk mendean hartu du Atletico Madril (1-0). Lehen zatian baloiaren jabe izan da Manchestr City eta Atletico atzean sartuta egon da. Hala ere, bi taldeetako batek ere ez du abagune argirik sortu. Bigarren zatian ere Ingalaterrako taldea izan da nagusi, eta gola sartzeko aukerak izan ditu. Guardiola Cityko entrenatzaileak Foden zelairatu du 68. minutuan, eta jokalari ingelesak neurketa aldatu du. Norgehiagokako 70. minutuan sartu du gola De Bruynek (1-0), Fodenen pase bikaina jaso eta Oblak atezaina gaindituta. Azken txanpan beste golen bat sartzeko aukerak izan ditu Manchester Cityk, baina Guardiolak zuzentzen duen taldeko jokalariak ez dira fin ibili aurkariaren ate aurrean, eta 1-0eko emaitzarekin amaitu da partida.
Zure interesekoa izan daiteke
Matetaren gol batek Iñigo Perezen Rayoren ametsa zapuztu du, eta Crystal Palace txapeldun egin du
Aurrelari frantziarrak Augusto Batallak arean aldaratutako baloi bat aprobetxatu du final parekatua erabakitzeko, eta bere historian inoiz baino urrunago iritsi den Rayoren ametsa zapuzteko.
Oliver Glasner, Crystal Palace taldeko entrenatzailea: “Ez dakit zer ematen dieten jaten euskal entrenatzaileei”
Austriarrak Londreseko Crystal Palace taldea zuzentzen du, eta, asteazkenean, Iñigo Perezen Rayo Vallecano izango du aurkari Konferentzia Ligako finalean; Glasnerrek Iñigo Perez bera, Unai Emery edo Mikel Arteta, besteak beste, izan ditu hizpide.
FIFAk ofizial egin du Iranek Tijuanan egingo duela Mundu Txapelketako egonaldia
Irango kontzentrazio-lekua aldatuko duela iragarri du erakundeak, AEBetako bisekin arazoak saihesteko.
Bartzelonak laugarren Txapeldunen Liga irabazi du Lyon garaituta
4-0 nagusitu da, Pajorren eta Parallueloren bina golei esker, bi urte geroago berriro Europako Txapeldunen Kopa eskuratzeko.
Damaris Egurrola, Txapeldunen Ligako bere hirugarren finalaren aurrean
Asteburu honetan jokatuko da emakumezkoen Txapeldunen Ligako finala. Bartzelona eta Olympique Lyon izango dira nor baino nor gehiago Oslon.
Kongoko selekzioak bertan behera utzi ditu Kinshasan egin behar zituen lan saioak eta agurra, ebola agerraldiagatik
Selekzioko bozeramaileak adierazi duenez, Kongoko jokalariak Munduko Txapelketa baino lehen kutsatzeko beldurrik ez da izan behar, ia jokalari guztiek atzerrian jokatzen baitute, batez ere Frantzian.
Aston Villak Friburgo hartu du mendean (0-3), eta Emeryk bere bosgarren Europa Liga irabazi du
Hondarribiko entrenatzaileak talde ingelesa garaipena lortzera eraman du Istanbulen jokatu den finalean. Aston Villa nagusi izan da norgehiagokan, eta finala aise irabazi du.
Iraolaren Bournemouthek Cityrekin berdindu du, eta Artetaren Arsenal txapeldun egin du
Horrela, Londresko taldeak Premier Liga irabazi du, 22 urte eta gero. Arsenalek hamalaugarren liga bereganatu du.
Bartzelona, Kopan ere nagusi
Kataluniako taldeak 12. Erreginaren Kopa irabazi du, hirugarrena jarraian, Atletico Madrili 3-1 irabazita.
Olatz Rivera bizkaitarra izango da Erregina Koparen finaleko epailea
Gainera, epaile bilbotarrak Iragartze Fernandez getxotarra eta Haizea Castresana laudioarra izango ditu marrazain.