Tottenham eta Liverpool final-zortzirenetan izango dira
Bartzelonarekin bana bukatu ondoren, Tottenham 2018/19ko Txapeldunen Ligako final-zortzirenetan izango da. Milango Interrek ere partida berdindu besterik ezin izan du egin (PSVren aurka aritu da), eta, ondorioz, kanporaketatik kanpo geratu da. Liverpoolek C multzoko bigarren postua lortu du, Napoli menderatu ondoren, eta PSG geratu da multzo horretan lehenengo.
Bartzelonak B multzoko lehen postua ziurtatuta zuen, eta bigarrena Tottenhamek eta Milango Interrek zuten jokoan. Azkenean, Lucas Mourak 85. minutuan lortutako golaren bitartez, Bartzelonaren aurkako partida berdindu du, eta Londresko taldea sailkatu da final-zortzirenetarako.
C multzoan, hurrengo kanporaketan izateko aukerak zabalak ziren. PSGk aise lortu du lehenengo postua, eta Liverpoolek Napoliri irabazita eskuratu du bigarrena.
Bestalde, Atletico Madrilek ezin izan du Brujasen aurkako partida irabazi, eta bigarren geratu da. A multzoko lehen postua, aldiz, Borussia Dortmundek lortu du.
Azkenik, D multzoan, Portok eta Schalke 04k ziurtatuta zuten final-zortzirenetan izatea, baina Europa Ligan izateko aukera ematen zuen hirugarren postua zegoen jokoan. Galatasaray talde turkiarrak lortu du azkenean.
6. jardunaldiko emaitzak eta sailkapenak:
A multzoa:
(0-0) Brujas - Atletico Madril
(0-2) Monako - Borussia Dortmund [Guerreiro, 42' eta 53']
| Kokapena | Taldea | Puntuak |
| 1. | Borussia D. | 13 |
| 2. | Atletico M. | 13 |
| 3. | Monako | 6 |
| 4. | Brujas | 1 |
B multzoa:
(1-1) Tottenham - Bartzelona [Lucas Moura, 84'; Dembele, 6']
(1-1) Milango Inter - PSV [Irving Lozano, 12' | Icardi, 72']
| Kokapena | Taldea | Puntuak |
| 1. | Bartzelona | 14 |
| 2. | Tottenham | 8 |
| 3. | Milango Inter | 8 |
| 4. | PSV | 2 |
C multzoa:
(1-4) Izar Gorria Belgrad - PSG [Gobeljic, 55' | Cavani, 8'; Neymar, 39'; Marquinhos, 73'; Mbappe, 91']
(1-0) Liverpool - Napoli [Salah, 33']
| Kokapena | Taldea | Puntuak |
| 1. | PSG | 11 |
| 2. | Liverpool | 9 |
| 3. | Napoli | 9 |
| 4. | Izar Gorria | 4 |
D multzoa:
(2-3) Galatasaray - Porto [Feghouli, 45'; Derdiyok, 64' | Monteiro, 16'; Moussa Mareaga, 41'; Oliveira, 56']
(1-0) Schalke 04 - Lokomotiv Mosku [Schopf, 90']
| Kokapena | Taldea | Puntuak |
| 1. | Porto | 16 |
| 2. | Schalke 04 | 11 |
| 3. | Galatasaray | 4 |
| 4. | Lokomotiv M. | 3 |
Zure interesekoa izan daiteke
Euskal Herriko Txapela finala, Reala-Athletic, urriaren 2an Anoetan
EITBk zuzenean eskainiko du partida, 19:00etatik aurrera.
PSGk eta Bartzelonak nagusitasunez abiatu dute Txapeldunen Liga
Frantziako taldeak 6-1 irabazi zion Slovan Bratislavari; Hansi Flicken taldeak, ostera, 5-1 menderatu zuen Feyenoord.
Bizkerrek agur esan dio Erregina Kopari
Getxoko taldeak agur esan dio Erreginaren Kopari Burgosen aurka 2-1 galdu ostean.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.