Juventusek partida irauli du hiru minuturen buruan eta Tottenham kanporatu du (1-2)
Juventusek 1-2 irabazi dio Tottenhami asteazken honetan Gonzalo Higuain eta Paulo Dybalari esker, eta, horrenbestez, Txapeldunen Ligako final-laurdenetarako txartela eskuratu du. Ingelesak izan dira nagusi Wembleyn, baina norgehiagokaren 60. minutua betetakoan goitik behera aldatu da argentinarren golekin.
Etxekoak erasoan atera dira eta abiadura handia erakutsi dute, eta, hala, Turinen lortutako emaitza (2-2) hobetu dute lehen zatian Heung-Min Son hego-korearrak sartutako golaren bitartez. Alabaina, bigarrenean, txapeldun italiarrak hobera egin du, eta eraginkortasun gehiago erakutsi du, batez ere, Higuainen eskutik.
Mauricio Pochettinoren mutilei heldutasuna falta izan zaie Juve kanporatu eta lehen aldiz final-laurdenetara igaro ahal izateko. Massimiliano Allegrik, berriz, bere jokalariak suspertu ditu egin dituen aldaketekin, eta final-zortzirenak gainditzea lortu dute beste behin.
Cityk lo hartu eta galdu egin du etxean, 39 partidaren ostean
Joaneko neurketan dena erabakita utzi zuen Manchester Cityk (0-4 azpiratu zuen Basilea Suitzan), bere aldetik, galdu egin du Etihad Stadium futbol-zelaian (1-2) suitzarren aurka. Horrela, eten egin da etxean bata bestearen atzetik zeramatzan 39 partidako bolada ezin hobea.
Lehiak ez du aparteko mamirik izan, eta Basileak garaipen handi bat poltsikoratu besterik ezin izan du egin, emaitza hori ez baita nahikoa izan txapelketa honetan aurrera egiteko. Cityk, bere aldetik, presiorik gabe jokatu du, eta sufritu egin du neurketako zenbait zatitan, baina ez du inoiz kanporaketa arriskuan ikusi. Izan ere, etxekoak aurreratu dira markagailuan, Gabriel Jesusen golarekin (8. min), eta geroago iritsi dira kanpotarren bi golak: Elyounoussi (17. min) eta Lang (72. min).
Zure interesekoa izan daiteke
26/27 Txapeldunen Liga jokatuko duten LaLigako taldeek liga faseko aurkariak ezagutu dituzte
Real Madrilek, FC Bartzelonak, Atletico Madrilek, Real Betisek eta Vila-realek badakite zein talderen aurka jokatuko duten lehen kanporaketan.
FIFAk 10 partidako zigorra jarri dio Paredes argentinarrari Munduko Txapelketako finalaren osteko istiluengatik
Futboleko erakunde goreneko Diziplina Batzordeak isunak eta zigorrak iragarri ditu liskarrean parte hartu zutenentzat. Paredes ez ezik, Nahuel Molina, Thiago Almada, Gavi, Roberto Ayala eta Argentinako Futbol Elkartea (AFA) ere zigortu dituzte.
Reala eta Athleticen arteko EH Kopako finaleko golak (3-1)
Realak 3-1 irabazi dio Athletici Irunen jokatu den Euskal Herria Kopako finalean. Iraiaren golarekin, talde zuri-gorriak ireki du markagailua. Txuri-urdinek, ordea, Chaconen golarekin lortu dute berdinketa. Bigarren zatian, Seleenfreundek buruz sartu, eta, Nereak Realaren garaipenaren azken kolpea eman du hirugarrenarekin.
Osasunak Racing Santanderren aurka neurtuko ditu indarrak Erreginaren Kopako lehen kanporaketan, eta Bizkerrek Burgosen kontra
Lehen kanporaketa irailaren 8, 9 eta 10ean jokatuko da partida bakarrera.
Reala EH Kopako finalera, Eibar penaltietan garaituta
Realak Euskal Herria Kopako bigarren finalerdia irabazi du Eibarren aurka. 90 minutuetan berdinduta maitu dute (1-1), hartara, penaltietan erabaki behar izan dute kanporaketako garailea. Azkenerako, txuri-urdinak nagusitu dira 4-1. Horrenbestez, Athletic izango du aurkari Donostiako taldeak datorren asteazkenean jokatuko den finalean.
Athletic EH Kopako finalera, Alavesi 3-0 irabazita
Athleticek 3-0 menderatu du Alaves Amurrion jokatu den Euskal Herria Kopako lehen finalerdian. Zugasti, Valero eta Benitoren golek finalean sartu dute talde zuri-gorria. Aurkaria Real Sociedad eta Eibarren artean erabakiko da, igandean, Azkoitian.
PSGk Europako bigarren Superkopa irabazi du erreskadan, Emeryren Aston Villa mendean hartuta (2-1)
Kvaratskheliak aurretik jarri ditu frantziarrak lehen zatian, baina Madjok berdinketa lortu du atsedenaldira heldu aurretik. Bigarren zatian, Douek berdinketa desegin du.
2026ko Euskal Herria Kopa aurkeztu dute: Moeve F Ligako lau taldeak arituko dira txapelketan
Hilaren 15ean, Amurrion, Alavesek eta Athleticek lehen finalerdia jokatuko dute, eta 16an, Azkoitian, Eibar eta Reala arituko dira nor baino nor gehiago, finalera sailkatzea lortzeko. Finala abuztuaren 19an izango da, Irunen.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Munduko Txapelketako golegilerik onenen zerrenda historikoa eta 2026ko Munduko Txapelketako goleatzailerik onenak
Munduko Txapelketa 1930ean jokatu zuen aurrenekoz, Uruguain. Ordutik, hainbat jokalari bikainek lortu dute golen bat sartzea Munduko Txapelketaren batean; baina… nortzuek egin dituzte golik gehien? Munduko Txapelketako golegilerik onenen zerrenda historikoan jaso dugu hori, bai eta 2026ko ekitaldian nortzuek sartu dituzten golik gehien ere.