Reala eta Alaves aurrez aurre, denboraldiko lehen euskal derbian
Realak eta Alavesek LaLiga EA Sportseko 2024/25 denboraldiko lehen euskal derbia jokatuko dute gaur gauean, 21:30ean hasita, Reale Arenan. Donostiako taldeak etxeko bolada kaskarra hautsi nahi du; babazorroak, ostera, lehen garaipenaren bila joango dira Gipuzkoako hiriburura.
Batetik, hainbat nobedade daude Realaren deialdian; izan ere, Aritz Elustondo baja izango da, Alvaro Odriozola, Ander Barrenetxea eta Arsen Zakharyan jokalariekin batera. Berebat, Carlos Fernandez ere at dago oraingoz, taldea utz dezakeelako. Aitzitik, Igor Zubeldia jokatzeko prest dago, zuen lesiotik errekuperatuta. Espanyolen aurkako partidan zelairatutako antzeko hamaikakoa espero da gaur gauerako, erdiko defentsan izan ezik. Imanolek asteartean eskainitako prentsaurrekoan adierazi zuenez, "derbia da, neurketa gogorra, zaila".
Bestetik, Gasteizko taldeak defentsa lerroa hankamotz duela egingo dio aurre derbiari, Betisen kontrako neurketan Aleksandar Sedlar kanporatu zutelako. Horrenbestez, Abdel Abqar izango da atzean oinarria. Nahuel Tenaglia edo Moussa Diarra izango ditu alboan. Luis Garcia Plazaren iritziz, "Realak oso jokalari onak ditu", eta "adi" egon behar dute.
Zuri-urdinek denboraldiko lehen garaipena lortu nahi dute Donostian. Carlos Protesonik zelai erdian joka dezake; era berean, Luka Romero eta Jon Guridi hasierako hamaikakoan egon daitezke, eta Asier Villalibrek ere egin dezake debuta. Vigon lehen jardunaldian galduta eta Betisen aurka berdinduta iritsi da derbira Alaves.
Hamaikakorako aukera nagusiak:
Reala: Remiro; Traore, Jon Martin edo Pacheco, Zubeldia, Javi Lopez; Zubimendi, Turrientes, Brais Mendez; Kubo, Oyarzabal eta Sergio Gomez.
Alaves: Sivera; Tenaglia, Abqar, Diarra, Manu Sanchez; Guevara, Blanco edo Protesoni, Guridi, Romero, Conechny; eta Kike edo Villalibre.
Epailea: Jose María Sánchez Martínez (Murtziako batzordea).
Zelaia: Reale Arena.
Ordua: 21:30.
Zure interesekoa izan daiteke
Gorka Guruzetak lesio moderatua du eskuin belauneko iskiotibialean
Athleticeko aurrelaria, horrenbestez, ziurrenik baja izango da larunbatean, Bilboko taldeak San Mamesen Elxen aurka jokatuko duen partidan, eta ez dago argi datorren asteko bi partidetan jokatzeko moduan izango den, hau da, Levanteren eta Alavesen kontra.
2026ko Urrezko Baloirako izendatuen zerrenda osoa
Urriaren 26an, Londresen, hala egingo dute; orduan, “France Football” aldizkariaren iritziz mundu mailan 2026ko futbolaririk onenek sariak jasoko dituzte. Hona hemen nortzuk dauden izendatuta, golardo bakoitzean.
Johaneko, Athleticeko jokalaria: “Oso harro nago. Lanean jarraitu behar da minutuak izateko”
Louis-Jean Johanekok debuta egin du denboraldi honetan lehen taldearekin, eta bere sentipenak partekatu ditu prentsaurrekoan.
Nahuel Tenaglia: “Gozatu beharreko bolada ona bizitzen ari gara”
Nahuel Tenaglia Alaveseko jokalariak prentsaurrekoa eman du, larunbat honetan Racingen aurka jokatuko duten partidari buruz hitz egiteko eta taldearen bolada onaz hausnartzeko.
Manchester Cityk, Aston Villak eta Betisek etxetik kanpo irabaziz ekin diote Txapeldunen Ligari
AEK Atenasek, Real Madrilek eta Betisek ere irabazi egin zuten Europako txapelketa nagusiaren hasieran.
Osasunak Racing garaitu du eta Erregina Kopako bigarren kanporaketara igaro da
Osasuna Racing baino gehiago izan da norgehiagokan 2-4koa lortuz. Ondorioz, Erregina Kopako bigarren kanporaketara pasa da talde gorritxoa.
Urrezko Baloia: Unai Simon atezainik onenaren sarirako eta Mikel Arteta eta Unai Emery entrenatzailerik onenaren sarirako izendatu dituzte
Athleticeko atezainak, munduko txapelduna bera, Yashin Garaikurrerako izendatu dute, 2024an bezala; Arsenaleko eta Aston Villako entrenatzaileek, 2025-2026 denboraldian, Ingalaterrako Liga eta Europa Liga irabazi zituzten, hurrenez hurren.
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Facundo Garcesek haustura du eskuin belauneko lotailu gurutzatuan
Alaveseko erdiko atzelariari ebakuntza egingo diote, hurrengo egunetan. Garces FIFAk zigortuta dago, baina entrenatzeko baimena zuen, eta, aurreko astean, entrenamendu batean lesionatu zen.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.