Kubok lehen puntuak eman dizkio Realari Espanyolen aurka (0-1)
Realak 0-1 irabazi dio Espanyoli larunbat honetan RCDE Stadiumen jokatu den EA Sports Ligako bigarren jardunaldian. Erritmo gutxiko partida izan da, eta bi taldeetako bat ere ez da fin ibili ate aurrean, baina Take Kuboren golak lehen hiru puntuak eman dizkio Realari.
Perikitoek, Lehen Mailara igo berriak, agintea hartu dute lehen minutuetan, abiadura handiko erasoak eginez eta arriskua sortuz euskal taldearen arean. Hala ere, Oyarzabalek ezustekoa eman du ia atezainaren jaurtiketa bat oztopatuta.
Txuri-urdinei asko kostatu zaie aurkariaren areara iristea. Izan ere, partidako lehen jaurtiketa 20. minutuan iritsi da, Sergio Gomez area kanpotik saiatu denean. Geroago, falta zuzen batekin saiatu da, baina etxeko atezaina adi egon da gola saihesteko.
Denborak aurrera egin ahala, Reala erosoago sentitu da zelaian, baina Espanyol izan da area erasotzen jarraitu duena. Gainera, Pachecok min hartu du belaunean. Jokatzen jarraitu du, baina min zantzu argiak zituela.
Bigarren zatiak bide beretik jarraitu du eta Espanyolek alferrik galdu du partidako aukerarik onena. Atezainaren aurrean bi baten aurka zeuden arren, Puadok estropezu egin du eta aldaratzea Aritz Elustondok atera du atepetik.
Partida hilda zegoen eta ez zela golik egongo zirudien, baina Take Kubo agertu da, aulkitik atera berritan, defendatzaileari ihes egin dio eta baloia sare barrura bidali du (0-1).
Azken minutuetan, etxekoek presio handia egin dute berdinketaren bila. Reala, ordea, sendo aritu da, eta hiru puntuak eskuratu ditu.
Fitxa teknikoa:
0 - Espanyol: Joan Garcia; Jofre (Roca, 82. min), Omar (Tejero, 87. min), Kumbulla, Cabrera; Romero (Milla, 87. min), Gragera (Aguado, 82. min), Král; Puado, Veliz eta Cardona (Olivan, 68. min).
1 - Reala: Remiro; Traore (Aramburu, 83. min), Aritz, Pacheco, Javi Lopez; Becker (Marin, 86. min), Brais Mendez (Olasagasti, 66. min), Zubimendi, Turrientes (Kubo, 67. min), Sergio Gomez; Brais Mendez eta Oyarzabal (Sadiq, 67. min).
Golak: 0-1, 80. min: Kubo.
Epailea: Melero Lopez. Txartel horia atera die Turrientes, Veliz, Oyarzabal eta Kumbulla jokalariei.
Zure interesekoa izan daiteke
Realak Granadan galdu du (3-2), eta punturik batu ezinik jarraitzen du Moeve F Ligan
Gorka Alvarezen taldeak, Carlota Chaconek eta Klara Cahynovak sartutako golen bidez, bi aldiz berdindu zituen Granadaren abantailak, baina, bigarren zatiaren hasieran, Andaluziako taldeak hirugarren gola egin zuen, erabakigarria. Realak, txapelketako bi partida jokatuta, ez du punturik, oraindik.
Igor Zubeldia: “Talde honek bukaerara arte ez duela etsitzen erakutsi da”
Igor Zubeldia Realeko jokalariak taldeak Elxen lortutako garaipena baloratu du partida amaieran. Amaierara arte erakutsitako jarrera azpimarratu du atzelari txuri-urdinak.
Sucicek hamarrekin erreskatatu du Reala, Elxen jokatutako partida ero batean (2-3)
Kroaziarrak azken minutuetan sartutako gol batek garaipen handia eman die txuri-urdinei, 0-2 aurreratu eta Jon Martinen kanporaketaren ostean, eta Elxek partida nola berdindu duen ikusi ondoren.
Matarazzo: “Taldearen alde erasokorra ikusi nahi dut"
Realak Elxen aurka jokatuko du, astelehenean, EA Sports Ligako 4. jardunaldiko partida.
Soroetak puntu bat salbatu du Sanserentzat Zubietan (1-1)
Bigarren zatian berdegunean sartu den Donostiako aurrelariak Fabriciok Teneriferentzat sartu duen gola berdindu du, partidaren azken txanpan atezainaren gainetik ondo errematatu ondoren.
Realak ofizialki aurkeztu du Gorka Alvarez
Gorka Alvarez entrenatzaile lasartearrak ilusio handiz hartu du Realeko emakumeen lehen taldea zuzentzeko ardura. Bestalde, Maider Castillo Realeko Futbol arduradunak kritikatu egin du Arturo Ruizek denboraldia hasi ostean utzi izana kluba.
Heart of Midlothian, Eskoziako txapelduna, Realaren aurkaria Europa Cupeko atarikoan
Gorka Alvarezen taldeak Heartsen aurka neurtuko ditu indarrak irailaren 22 edo 23an eta irailaren 30an edo urriaren 1an. Joaneko partida Edinburgon jokatuko du; itzulikoa, Donostian.
Jon Martin: “Golak ez dira sartu, baina kontentu defentsan egin dugun lanarekin”
Realak hutsean utzi du markagailua Anoetan, Celtaren aurkako partidan. Ez dira gutxi izan gola sartzeko izan dituzten aukerak, batzuk argiak. Hala ere, Jon Martin kontentu agertu da defentsa lanarekin.
Golik gabeko berdinketa Realaren eta Celtaren artean (0-0)
Markagailua ez da mugitu ate aurrean bietako batek ere ez baitu asmatu. Realak eraman du jokoaren pisua lehen zatian, baina Celtak lehia orekatu du atsedenaldiaren ostean.
Ainhoa Moraza: “Gure maila non dagoen jakiteko balio behar digute horrelako partidek”
Reala Txapeldunen Ligatik at geratu da Chelsearen aurka 0-1 galdu ostean. Ainhoa Morazarek azaldu du “taldeak partida oso landua” egin duela, markagailua guztiz kontra eduki arren. Hala ere, “bide onetik” doazela adierazi du donostiarrak.