Osasunak irabazi du Alavesen aurka jokatutako derbi bizia (1-0)
Osasunak hiru puntuak eraman ditu, Sadarren, LaLiga A Sportseko 27. jardunaldian jokatutako derbian. Neurketa bizia, irekia eta joan-etorrikoa izan da, baina gol bakarra nafarrek egin dute.
Partida hasieran, neurketaren kontrola Luis Garciaren taldeak izan du. Madrildarrak ezin izan du bere taldea aulkitik zuzendu, zigortuta dagoelako Mallorcaren aurkako norgehiagokan txartel gorria ikusita.
Lehen aukera argia Benavidezek izan du 11. minutuan, baina David García zuzhur aritu da Alaveseko jokalariaren jaurtiketa gogorra azken momentuan desbideratzeko. Minutu bat geroago, Guridik buruarekin errematatu du eta Sergio Riverak gola ekidin du eskua maisuki sartuta.
Arabarrak jaun eta jabe izan dira zelaian, eta Osasuna deseroso aritu da, paseetan huts ugari eginez.
Jagoba Arrasateren taldea ez da Siveraren ingurura gerturatu 27. minutura arte, Torrok egindako jaurtiketa batekin. 28.ean David Garciak gola oso gertu izan du lehen zutoinean buruarekin egindako erremate batekin, baina baloia kanpora joan zaio gutxigatik.
Talde nafarrak jokoaren agintea hartu du pixkanaka eta Alaves bere zelaian sartu du. Atsedenaldiaren atarian, aukera argiak bi areatan izan dira: Siverak erantzun bikaina eman dio Budimirren jaurtiketa bati eta Omorodionen jaurtiketa batek zutoina jo du.
Lehen zatian bi jokalarik zelaia utzi behar izan dute, min hartuta: Kike Barja, Osasunan, eta Abqar, Alavesen.
Atsedenaldiaren ostean, Luis Riojak urrutitik jaurti du, gogor eta behetik, eta Siverak baloia ondo harrapatu du, segurtasunez.
Garaipenaren gola
Ondorengo minutuetan joko bizia izan da, joko azkarra eta arriskua bi areatan. Eta 76. minutuan, nafarrek gola egin dute. Ante Budimirrek jaurtiketa ederra egin du ezkerrarekin, areaz kanpotik, eta baloia Siveraren atean sartu du. Bere 14. gola sartu du jokalari gorritxoak. 1-0.
Bukaeran nekea nabaritu da jokalari guztiengan eta erritmoak behera egin du zerbait. Emaitza ez da aldatu. Osasunak hiru puntuak eraman ditu eta Alaves eskuak hutsi itzuli da etxera. Nafarrek lau partida aramatzate porrotik jaso gabe eta arabarrek bost irabazi gabe.
Fitxa teknikoa
1 – Osasuna: Herrera: Areso, David Garcia (Unai Garcia, 68. min), Herrando, Mojica; Moncayola, Torro, Aimar (Iker Muñoz, 79. min); Ruben Garcia (Pablo Ibañez, 79. min), Budimir (Raul Garcia, 79. min), Barja (Moi Gomez, 15. min).
0 – Alaves: Sivera: Gorosabel, Abqar (Tenaglia, 24. min), Rafa Marin, Lopez; Guevara, Benavidez, Guridi (Kike Garcia, 46. min); Sola (Vicente, 46. min), Samu (Giuliano, 74. min), Rioja (Hagi, 86. min).
Golak: 1-0 Budimir (76. min).
Epailea: Javier Figueroa Vazquez (Andaluziako batzordekoa). Granel Peiro eta Martinez Serrato laguntzaile izan ditu. Txartel horia atera die Osasunako Torro eta Herrandori, eta Alaveseko Vicenteri.
Zure interesekoa izan daiteke
Nola ikusten dute egungo Reala Txiki Begiristainek eta David Silvak?
Futboleko hainbat aurpegi ezagun bertan direla hasiera eman diote Usurbileko sagardo denboraldiari. Saizar sagardotegian egin duten ekitaldi horretara besteak beste, Roberto Carlos, David Silva eta Txiki Begiristain gonbidatu dituzte. Guk azken biekin hitz egiteko aukera izan dugu. Biak ala biak Realeko jokalai ohiak, talde txuri-urdina nola ikusten duten galdetu diegu.
Braulio Vazquez, Osasunako kirol zuzendaria: "Plantilla berriztatu beharko genuke; printzipioz ez dago irteerarik"
Braulio Vazquezek agerraldia egin du prentsaurrekoan, eta talde gorritxoak etorkizunerako dituen asmoen berri eman du. Izenik eman ez duen arren, argi utzi du asmoa egungo plantilla hobetzea dela.
Coudet "pozik" azaldu da, eta "sentsazio oso onekin" geratu direla erantsi du
Alavesen entrenatzaileak Kopako final-laurdenetarako txartela lortu izana ospatu du, eta Rayo Vallecanoren aurka "partida oso ona" egin dutela uste du, "aurkari oso zaila baitzen".
Toni Martinezen eta Carlos Vicenteren golek final-laurdenetan sartu dute Alaves, Rayoren aurkako partida itxi batean (2-0)
Lehen zati orekatua hutsean berdinduta amaitu dute bi taldeek, baina atsedenaldiaren ostean Alavesek saria eskuratu du lehen minutuetan, eta jarraian aldapa gehiago leundu zaio Gasteizko taldeari, epaileak Isi Palazon egotzi baitu.
Maria Molina Realeko atzelariari ebakuntza egingo diote belaunean datozen egunetan
25 urteko jokalari kataluniarrak belaunean min hartu zuen entrenamendu batean. Javier Albillos doktoreak ebakuntza egingo dio Gipuzkoa Poliklinikan.
Herrandok 2030era arte berritu du kontratua Osasunarekin, 20 milioiko etete-klausularekin
24 urterekin, nafarrak 65 partida ofizial jokatu ditu lehen talde gorritxoarekin. Kontratua 2027an amaitzen zitzaion.
Honela jaurti zituzten penaltiak Reala-Osasuna Errege Kopako kanporaketan
Realak lortu zuen final-laurdenetara aurrera egitea. Oyarzabalek, Guedesek, Solerrek eta Sergio Gomezek sareetara bidali zuten baloia, eta Unai Marrerok Moncayolaren eta Catenaren jaurtiketak gelditu zituen.
Luis Sabalza eta Jokin Aperribay itxaropentsu Kopako aukera aprobetxatzeko
Luis Sabalza Osasunako presidenteak eta Jokin Aperribay Realeko presidenteak Getarian bazkaldu dute Anoetan jokatuko den Errege Kopako derbiaren aurretik. Espero bezala, bakoitzak bere taldea animatu du, Ligari begira motibatuko dituen garaipena lortzeko itxaropenarekin.
Realak markagailua irauli du Osasunaren aurka, derbian, eta penaltietan sailkatu da Kopako final-laurdenetarako
Nafarroako taldea 0-2 aurreratu da, Moncayolak eta Oyarzabalek bere atean sartutako golen bidez, baina Turrientesek eta Zubeldiak berdindu egin dute, azken minutuetan; luzapenean, Aitor Fernandezek penalti bat gelditu du, eta penalti jaurtiketetan Unai Marrerok bi gelditu ditu.
Athletic partida zoro batetik bizirik atera da Leonen, eta aurrera egin du Kopan (3-4)
Lehen zatian sei gol izan dira, eta partida hirutan berdintzeko gai izan da Valverderen taldea. Atsedenaldiaren ostean, Paredesi txartel gorria atera diote eta talde zuri-gorria jokalari bat gutxiago zuela geratu da. Unai Gomezek luzapenean penaltiz sartutako golak erabaki du neurketa.