Euskal Herriko hamaika talde sartuko dira gaur Erregina Koparen eta Errege Koparen zozketetan
Euskal Herriko hamaika talde sartuko dira gaur, asteazkenean, 2023-24 denboraldiko Erregina Kopako final zortzirenen eta Errege Kopako bigarren kanporaketaren zozketetan; Madrilen egingo dituzte zozketa horiek. Hain zuzen ere, Erregina Kopako final zortzirenak 17:00etan zozkatuko dituzte, tartean Reala, Athletic eta Alaves daudela, eta lau ordu lehenago, alegia, 13:00etan, hasiko da Errege Koparen bigarren kanporaketako zozketa, euskal talde hauekin: Reala, Athletic, Alaves, Amorebieta, Eibar, Sestao River, Tudelano eta Egues. Erregina Kopako final zortzirenak 2024ko urtarrilaren 13an eta 14an jokatuko dituzte, eta Errege Kopako bigarren kanporaketa, ordea, abenduaren 5ean, 6an eta 7an izango da.
Hala, Erregina Kopako zozketan 16 talde izango dira: alde batetik, hirugarren kanporaketan sailkatzea lortu zutenak, tartean F Ligako Athletic eta Lehen RFEFko Alaves, eta, bestetik, 2022-23 denboraldiko F Ligako azken sailkapeneko aurreneko zortziak, tartean Reala. Guztira, F Ligako 13 talde izango dira, eta Lehen RFEFko hiru. Kanporaketa partida bakarrean jokatuko dute, asteburuz, urtarrilaren 13an eta 14an. Zozketa 17:00etan hasiko da.
Errege Kopari dagokionez, 56 taldek jakingo dute zein aurkari izango duten bigarren kanporaketan; 55ek lehen kanporaketan lortu zuten sailkatzea, eta Amorebietak, aldiz, ez zuen zertan jokatu lehen txanda horretan, zuzenean sailkatuta baitzegoen, 2022-23 denboraldian Lehen RFEFko txapelduna izan zelako. Horrenbestez, euskal talde hauek izango dira zozketan: EA Sports Ligako Reala, Athletic eta Alaves, Hypermotion Ligako Amorebieta eta Eibar, Lehen RFEFko Sestao River, eta Bigarren RFEFko Tudelano eta Egues. Kanporaketa partida bakarrean jokatuko dute, abenduaren 5ean, 6an eta 7an. Zozketa 13:00etan hasiko da.
Gogorarazteko modukoa da Osasuna zuzenean dagoela sailkatuta Errege Kopako final hamaseirenetarako, hau da, hurrengo kanporaketarako, 2023-24 denboraldiko Superkopan lehiatuko baita. Talde gorritxoa 2022-23 denboraldiko Koparen txapeldunordea izan zen, eta horregatik lehiatuko da Superkopan.
Zure interesekoa izan daiteke
Edin Terzic: “Ohore bat da eta oso harro sentiarazten nau Athleticekoa izateak”
Athleticek entrenatzaile berriaren irudiak zabaldu ditu Lezama ezagutuz. Alemaniarrak ez du zalantzarik izan eta zaleei mezu bat bidali die: "San Mames sentitzeko irrikaz nago".
Ander Herrera bilbotarrak ez du Boca Juniorsen jarraituko
36 urteko erdilaria 2025eko urtarrilean iritsi zen Argentinako klubera, eta merkatu hartan oihartzun handieneko fitxaketetako bat izan zen, baina lesioen eta Buenos Airesko taldearen errendimendu txarraren ondorioz —azken txapelketa 2023an irabazi zuen— Herrerak ez du arrakastarik izan.
Adi Munduko Txapelketan ibiliko diren euskal jokalari hauei
Espainiarekin Unai Simon, Martin Zubimendi, Mikel Merino, Mikel Oyarzabal eta Nico Williams arituko dira, eta Ghanarekin, Iñaki Williams.
Realak, Athleticek, Alavesek eta Osasunak 2026ko denboraldiaurrean jokatuko dituzten partida guztiak
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Braulio Vazquez: “Ramisek adin eta eskarmentu egokiak ditu, baita taldeetara egokitzeko gaitasuna ere"
Osasunaren kirol zuzendariak azpimarratu duenez, gorritxoen entrenatzaile berriak ibilbide "luzea eta, batez ere, arrakasta handikoa" du. "Burgosen puntuen marka hautsi du", gogorarazi duenez.
Realak iragarri egin du Koparekin argazkiak doan ateratzeko aukera egongo dela, zale txuri-urdinak haserre agertu ondoren
Talde gipuzkoarrak azaldu duenez, bazkideak "entzun" ondoren, zaleek argazkia doan ateratzeko aukera izango dute, Anoetan egiten ari diren hobekuntza lanak amaitzen direnean. Lan horiek datorren denboraldia hasita dagoenean bukatuko dira.
Ramis: “Oso eskertuta nago klub handi hau entrenatzeko aukeragatik. Arrasate erreferente izan da"
Luis Miguel Ramis Osasunaren entrenatzaile berriak argi utzi du bere aurkezpenean talde "ezaguna, egonkorra eta jokoaren fase guztiei garrantzia emango diena" nahi duela.
Raul Fernandez atezainak Alaves utziko du
Bilbotarra, 38 urtekoa bera, 2025-2026 denboraldian aritu da Gasteizko klubean; bertan, Antonio Siveraren ordezkoa izan da.
Azteca futbol-zelaiak hartuko du estreinakoa, eta Argentinak berriro loria nahi du, baina txapeldungaien zerrenda luzea da
Cristiano Ronaldoren Portugal, Espainia Europako txapelduna, Kylian Mbapperen Frantzia, munduko txapeldunorde Brasil, Alemania eta Ingalaterra daude Leo Messiren Argentinari garaikurra kentzeko hautagai nagusien artean.
