Alaves-Athletic, Reala-Athletic eta Alaves-Osasuna derbiek badituzte datak

Horietako lehenengoa irailaren 22an jokatuko da; bigarrena, hilaren 30ean, eta urriaren 1ean arituko dira elkarren aurka arabarrak eta gorritxoak.

LaLiga EA Sports txapelketako 8. jardunaldiko neurketak

A. A. | EITB

2023/09/06 - 21:52

Azken eguneratzea

2023/09/06 - 21:52

LaLigak txapelketako 6., 7. eta 8. jardunaldietako partiden ordutegiak argitaratu ditu asteazken honetan.

Horrela, 6. jardunaldiko Alaves-Athletic partida irailaren 22an, ostiralean, jokatuko da. Mendizorrotzak babazorroen eta zuri-gorrien arteko norgehiagoka hartuko du 21:00etatik aurrera.

Txapelketako 7. jardunaldiak ez du euskal taldeen arteko aurrez aurrekorik ekarriko. 8. jardunaldian, berriz, bi euskal derbi izango dira: Reala-Athletic eta Alaves-Osasuna.

Hala, txuri-urdinak eta zuri-gorriak Reale Arenan arituko dira irailaren 30ean, larunbatean, 21:00etan.

Hurrengo egunean (urriak 1, igandea) jokatuko dute elkarren aurka babazorroek eta gorritxoek Mendizorrotzan. Partida hori, aipatutako beste biak ez bezala, 16:15ean jokatuko da.

6. JARDUNALDIKO PARTIDAK