Villalibrek debutatu eta garaipena eman dio Alavesi Eibarren aurka (2-0)
Alavesek irabazi du Mendizorrotzako euskal derbia Eibar 2-0 mendean hartuta, Asier Villalibre debutariaren bi golei esker. Partida parekatua izan da, baina ez da abagunerik falta izan bi aldeetatik.
Bi taldeak egoera onean iritsi dira Mendizorrotzako derbira. Eibarrek, sailkapeneko bigarrenak, etxean porrot bakarra jaso duen Alavesi egin dio bisita, sailkapenean laugarren postuan dagoena.
Partidaren lehen abagunea hasierako txistutik gutxira iritsi da. Eibarren jokaldi on baten ostean, Stoichkovek baloia area barruan jaso du eta buelta erdian errematatu du, baina arabarren defentsa gehiegi zeuden aurrean baloia sarera iristeko.
Jasonek Alavesen lehenengoa izan du 9. minutuan. Guridik pase sakona eman dio atezainaren aurrean bakarrik uzteko, baina kontrola luze joan zaio, partidako lehen aukera argia galduz.
Hurrengo minutuak aukera askorik gabe igaro dira, baloiaren jabetzan oinarritutako jokoarekin. 25. minutuan, Alavesek ateratako falta baten ostean, etxekoek penaltia eskatu dute, erremateak armaginen defentsa baten eskuan eman ostean, baina VARak aurretik jokoz kanpo bat zegoela adierazi du.
Jasonek berriro izan du aukera partida hasi eta ordu erdira. Baloia solte geratu zaio area barruan eta indar guztiz jo du, baina kornerra joan da. Guridik lehen zatiko azken aukera argia izan du markagailua irekitzeko, Luis Riojaren erdiraketa lehen zutoinera errematatuta, baina Luca Zidanek aurpegiarekin urrundu du.
Taldeak oso indartsu irten dira aldageletatik bueltan. Alaves baloi luzeekin saiatu da, eta Eibar, berriz, kontrakoez baliatu da aukerak sortzeko.
Sedlarrek ondo errematatu du erdiraketa area barruan, baina serbiarraren burukada langara joan da zuzenean. Baina gauzak ondo jarri zaizkio Alavesi Sergio Alvarezen kanporaketaren ostean. Eibarreko atzelariari kontrola joan zaio eta Syllak presioa egiteko aprobetxatu du. Azken defendatzailea zenez, epaileak txartel gorria atera dio armaginari.
Eta 62. minutuan partidako lehen gola sartu duen jokalaria sartu da zelaira. Asier Villalibre, Athleticek utzitako jokalaria, Guridiren ordez sartu da Alavesekin debuta egiteko. Zazpi minutu behar izan ditu Gernikakoak bere talde berriarekin golegile bezala estreinatzeko. Luis Riojaren erdiraketa zoragarria jaso du ezker hegaletik eta 'bufaloa' dena emanda sartu da bere burukada sarera bidaltzeko (1-0).
Baina Villalibrek ez du nahikoa izan lehenengoarekin, eta luzapenean beste gol bat sartu du Alavesen garaipena lortzeko. Etxekoen kontraeraso on bat gernikarrak bukatu du baloia barrura jaurtitzeko (2-0).
Emaitza honekin, Alavesek derbia irabazi du eta hirugarren jarri da sailkapenean, Eibarrengandik puntu bakarrera.
Zure interesekoa izan daiteke
Eibarrek Lucas Nuñez fitxatu duela 26/27 denboralirako iragarri du
20 urteko erdilaria Valentziatik dator utzita.
2026ko Munduko futbol Txapelketako egutegia, emaitzak eta sailkapenak
Txapelketa ekainaren 11n hasiko da, eta Estatu Batuetan, Kanadan eta Mexikon jokatuko dute, uztailaren 19ra bitartean.
Zein partida jokatuko dituzte denboraldiaurrean Alavesek, Athleticek, Osasunak eta Realak?
2026-2027 denboraldiko EA Sports Liga abuztu erdialdean hasiko da; aurretik, uztailean eta abuztuko lehen hamabostaldian, Lehen Mailako taldeek hainbat lagunarteko partida jokatuko dituzte.
Alavesek Girona garaitu du udako bigarren lagunartekoan (0-1)
Alavesek 0-1 garaitu du Girona La Vall d’en Basen jokatu duen denboraldiaurreko bigarren lagunartekoan. Norgehiagokako gol bakarra Alvaro Garciak sartu du azken txanpan, korner bat buruz errematatuta.
Carlos Fernandezek Oviedon jokatuko duela iragarri du Realak
Donostiara heldu eta hilabete gutxira belauneko lesio larri batek markatutako bost denboraldi eta erdi igaro ostean, aurrelari andaluziarra Asturiasko taldera joango da Realarekin 59 partida jokatu eta 5 gol sartu eta gero.
Osasunak garaipena lortu du Racingen aurka udako lehen lagunartekoan (2-0)
Luis Miguel Ramisen Osasuna abian da. Talde gorritxoak Racingen aurka jokatu du Mendigorrian, eta uda honetako lehen garaipena lortu du, 2-0 gailendu baita. Golegileak Raul Garcia de Haro (56. min) eta Iker Muñoz (87. min) izan dira.
Koskik burmuineko kommozio ez larria du kolpe baten ondorioz, eta atseden hartu beharko du
Alavesek jakinarazi duenez, jokalariari egin dizkioten proba medikoek lesio larriagoak baztertu dituzte.
Alavesek Hanane Ait El Haj fitxatu du defentsako lerroa indartzeko
Atzealdeko ezker hegalean jokatzen du, baina jokalari erasokorra da. Marokoko selekzioko kapitaina da, eta Emakumezkoen Nazioen Afrikako Kopa jokatzen ari da.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.
Ane Etxezarreta: “Momenturik onena Granadako Erregina Kopako finala izan da"
Ane Etxezarretak futbola utziko duela iragarri du. Beasain, Oiartzun, Reala eta Eibarretik igaro ondoren, bere kirol ibilbidean bizitakoa partekatu du. Hartu duen erabakiaz konbentzituta dago eta momentu onean hartu duela uste du. Bere momenturik zoriontsuena zein den argi du baita ere.