Aukerak bai baina golik ez, Athletic-Alaves derbian (0-0)
Athleticek eta Alavesek hutsean berdindu dute San Mamesen jokatutako euskal derbian. Ondorioz, zuri-gorriek sei partida daramatzate jada garaipenik lortu gabe eta gasteiztarrek, berriz, jaitsiera postuetatik ateratzea lortu dute Javier Calleja entrenatzailearen estreinekoan.
Fernando Pacheco arabarren atezaina izan da partidako protagonista nagusia, Athleticen hiru aukera argiri erantzun bikaina emanda.
Lehen zatian, bilbotarrek bi aukera oso argi izan dituzte markagailuan aurrea hartzeko; lehenengoa, Morcillok egindako jaurtiketa batean, baina baloiak langan jo du eta kanpora atera da (17. min). Ondoren, 20. minutuan, Sancet bakar-bakarrik geratu da Pachecoren aurrean eta atezainak baloia urruntzea lortu du.
44. minutuan, Joseluk Remiro gainditu du buruarekin egindako erremate batean, Tomas Pinak egindako erdiraketa aprobetxatuta, baina epaileak gola baliorik gabe utzi du VAR laguntzaile teknikoak adierazitakoari jarraituz.
Alavesek hobera egin du lehen zatiko azken minutuetan eta bigarrenaren hasieran ere Athletic baino hobeto aritu da. Horrela, 52. minutuan, Lejeunek gola egin du baina hau ere baliorik gabe utzi du epaileak aurretik baloiak Tachiren eskuan eman duelako.
Egoera ikusita, Marcelinok ohiko titularrak zelaitzea erabaki du eta hortik aurrera zuri-gorriak nagusi izan dira.
Partidaren bukaeran, Athleticek bi aukera oso argi izan ditu. Unai Nuñezek buruarekin atzerantza egindako errematean eta Berenguerren jaurtiketa batean, baina baloia ez da Pachecoren atean sartu.
Caparen eta Manuren bosgarren txartela
Bestalde, Ander Capa Athleticeko jokalariak ezin ziango du apirilaren 21ean Villamarinen Betisen aurka jokatu epaileak bosgarren txartel horia atera diolako.
Manu Garcia Alaveseko kapitainak ere bere bosgarren txartel horia jaso du eta, ondorioz, ezin izango du arabarrek Huescaren aurka jokatuko duten partida garrantzitsua jokatu.
Fitxa teknikoa
0.- Athletic Club: Unai Simón; Capa, Unai Núñez, Balenziaga, Lekue; Ibai (Muniain, 63. min), Vesga, Unai López (Dani García, 63. min), Morcillo (Berenguer, 69. min); Sancet (Raúl García, 69. min) eta Villalibre (Williams, 63. min).
0.- Alaves: Pacheco; Ximo Navarro, Tachi, Lejeune, Martín; Jota Peleteiro (Pere Pons, 75. min), Battaglia, Pina (Manu García, 78. min), Luis Rioja (Edgar Méndez, 75. min); Lucas Pérez (Borja Sainz, 85. min) eta Joselu.
Zure interesekoa izan daiteke
Matetaren gol batek Iñigo Perezen Rayoren ametsa zapuztu du, eta Crystal Palace txapeldun egin du
Aurrelari frantziarrak Augusto Batallak arean aldaratutako baloi bat aprobetxatu du final parekatua erabakitzeko, eta bere historian inoiz baino urrunago iritsi den Rayoren ametsa zapuzteko.
Realak Bartzelona estutu du, baina galdu egin du Alexia Putellasen agurrean (2-1)
Pinak talde kataluniarra aurreratu du lehen zatiko 14. minutuan, Emmak banakoa egin du 32.ean, baina Aitanak 2-1eko gola sartu du atsedenaldia baino lehen. Alexia Putellas Bartzelonako izarraren azken partida izan da Johan Cruyff futbol-zelaian.
Elxeko entrenatzailea izateari utzi dio Eder Sarabiak
“Gelditzeko, deskonprimitzeko eta beste gauza batzuei kasu egiteko momentua da”, adierazi du entrenatzaile bilbotarrak, prentsaurrekoan. 2024-2025 denboraldian lortu zuen Elxek lehen mailarako igoera, eta 2025-2026 denboraldian maila mantentzea lortu du, Eder Sarabiaren laguntzarekin.
Arene Altonaga kapitainak Eibar utziko du zortzi urteko ibilbide luzearen eta bi igoeren ostean
Altonaga 2018an iritsi zen talde armaginera, 25 urterekin, eta historia egin du Eibar Lehen Mailara eramanez. Hurrengo denboraldian talde gipuzkoarra berriro jaitsi bazen ere, urtebete geroago berriz ere igo zen.
Naroa Uriartek 25 urterekin utziko du futbola, bi belauneetan lesio larriak izan ondoren
Bakioko jokalaria 2018an Munduko eta Europako 17 urtez azpiko txapeldun izan zen. Zazpi denboraldi eman ditu futbolaren maila gorenean. Talde zuri-gorriarekin 38 neurketa ofizial jokatu ditu eta, gainera, bi denboraldi eman ditu utzita Granadan. Igandean omenaldia egindo diote Lezaman.
Juan Cruz: “Ohorea eta harro egoteko modukoa izan da Osasunaren armarria defendatzea”
Atzelari madrildarrak Nafarroako kluba utzi du, azken sei denboraldiak Iruñean eman ostean. Agur esatean, nabarmendu du 2023ko Errege Kopako finala dela haren oroitzapenik bereziena, eta, halaber, taldekideekin eta Taxoaren egunero-egunero bizi izandakoa.
Oliver Glasner, Crystal Palace taldeko entrenatzailea: “Ez dakit zer ematen dieten jaten euskal entrenatzaileei”
Austriarrak Londreseko Crystal Palace taldea zuzentzen du, eta, asteazkenean, Iñigo Perezen Rayo Vallecano izango du aurkari Konferentzia Ligako finalean; Glasnerrek Iñigo Perez bera, Unai Emery edo Mikel Arteta, besteak beste, izan ditu hizpide.
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Eibarrek puntu bat lortu du Sevillaren aurkako partidan
Eibarrek hutsean berdindu du Sevillan, etxetik kanpo puntu bat eskuratuz. Azken jardunaldiaren faltan, armaginek hamahirugarren postuan jarraitzen dute. (Bideoa gazteleraz)
Braulio Vazquez: “Uste dut pizgarri bat behar genuela, katarsi bat"
"Ez dut barkamenik eskatuko 8 urtez lehen mailan mantentzeagatik, nortzuk garen jakin behar dugu. Ez dakit zenbat aldiz entzun dudan anbizio falta dagoela", aurpegiratu du kirol zuzendari gorritxoak denboraldi amaierako prentsaurrekoan. Bestalde, Kike Barja kapitainaren kontratu berritzea % 99ra itxitzat jo du.