Urdaibaik zortzigarrenez irabazi du Kontxako Bandera, beste erakustaldi bat emanda
Bermeo Urdaibaik denboraldia biribildu du Kontxako Bandera zortzigarrenez irabazita. Liga amaitzeko bi jardunaldiren faltan, Bermeok ziurtatuta du Eusko Label Ligako Koroa, eta gaur argi eta garbi utzi du, berriro ere, gaur egungo trainerurik indartsuena dela. Gaurkoan, gainera, dena alde izan du lehen jardunaldian lortutako alde handiari esker: 14 segundora zuen Zierbena, 15era Donostiarra eta 25era Orio. Miraria behar zuten aurkariek bandera Urdaibairi kentzeko.
Ohorezko txandak hasiera ikusgarria izan du. Lau traineruak ziztu bizian atera dira estropadaren burua hasieratik hartzeko, eta minutu luze eman dute denbora berean arraun egiten. Hortik aurrera, Bermeo aldea zabaltzen hasi da, pixkanaka-pixkanaka, eta estropada lehen luzean hautsi gabe.
Bermeoko klubeko arraunlariek bikain kudeatu dute estropada, indarrak eta tentsioa neurtuz. Orio oso gertu izan dute metro askoan, San Nikolas ontziko eskifaiak estropada oso dotorea egin baitu. Segundo bateko atzerapenarekin iritsi dira balizara, eta ziabogatik atera eta gutxira, aurretik jarri dira une batez, baina egoerak ez du iraun.
Atzetik, Zierbena eta Donostiarra lehia bizian aritu dira bigarren postua eskuratzeko eta bigarren jardunaldi honetan oso atzean ez geratzeko; 8-9 segundoko galera izan dute bigarren luzeko momentu batean.
Bueltako luzean hautsi du Urdaibaik estropada. Segundoak bata bestearen atzetik jausten hasi dira Urdaibairen alde. Zierbenak, bestalde, aurrera egin du eta bigarren jarri da, Orioren eta Donostiarraren aurretik. Iñigo Larrinagaren eskifaiak indarra galdu du bigarren luzean, baina estropada bikaina egin du. Arkaitz Diazen Donostiarrak ez du bere maila onena eman. Ligan maila oso ona eman dute azken jardunaldietan, eta aurreikuspenetan gehiago espero zen Igor Makazagak entrenatutako ontziaz.
Helmugan, Urdaibaik 19 minutu eta lau segundoko denbora egin du; Hondarribiak lehen txandan egindakoa baino 14 segundo hobea. Joseba Amunarrizen ontzia jaun eta jabe izan da kontsolazio txandan, Getariaren, Caboren eta Kaikuren aurretik.
Bigarren Zierbena sartu da, 12 segundora, eta Orio 16ra eta Donostiarra 20ra heldu dira. Bigarren jardunaldi honek datu esanguratsu bat utzi du historiarako: zortzi ontziak 20 minututik beherako denbora eginda helmugaratu dira.
Azken denborak
Bi jardunaldietako denborak batuta, Urdaibaik 38 minutu eta 10 segundoko denbora eginda irabazi du Kontxako Bandera, bere hirugarrena jarraian. Bigarren Zierbena izan da 26 segundora, Donostiarra hirugarren 35 segundora eta Orio laugarren 41era.
Gorka Aranberriren marka
Urdaibairentzat, gainera, egun biribila izan da. Bandera irabazteaz gain, Gorka Aranberri patroia historian sartu da, bere bederatzigarren Kontxa irabazi eta "Aita Manuel" patroi historikoaren marka berdinduta.
Zure interesekoa izan daiteke
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Jon Olasagasti Orioko presidenteak arraunlarien heldutasuna eta Iker Zabalaren lana nabarmendu ditu
Klubeko zuzendaritzak bigarren urtea du karguan, eta arraun elkarte osoaren maila igotzea dute jarraitu beharreko norabidetzat, Orioko presidenteak azaldu duenez.
Itziar Eguren, Arraun Lagunakeko presidentea: ''Donostian ere ikasten hasi gara Kontxa ospatzen''
Kontxako laugarren bandera irabazi ondoren Arraun Lagunak pozik azaldu da biharamunean. "Pixka bat nekagarria izan da erabat, itsasoa, itsasoa entzutea; guk itsasoan arraunean ez bagenuke jakingo bezala", aurpegiratu du agintariak.
Kontxako Banderaren gizonezkoen palmaresa
Orioko trainerua historiako talderik sarituena da, 33 garaipenekin. Bestalde, Hondarribiak hirutan irabazi du (2018, 2019 eta 2020), Santurtzik (2021) eta Urdaibaik (2022, 2023 eta 2024) hartu zutelarik haren lekukoa.
Kontxako Banderaren emakumezkoen palmaresa
Galizako Rias Baixas eta San Juan dira Kontxako Banderako trainerurik sarituenak, bost garaipenekin. Arran Lagunakek, ordea, azken hiru edizioak irabazi ditu.
Honela jaso du Oriok 2025eko Kontxako Bandera, historian irabazi duen hogeita hamahirugarrena
Aurretik, Orioko arraunlariak elkarrekin dantzan ikusi ahal izan ditugu; Gorka Aranberri patroiak sari bat jaso du, eta, segituan, Eneko Goia Donostiako alkateak emandako bandera astindu du, pozarren.
2025eko Kontxako Banderaren irudirik onenak
2025eko Kontxako Banderaren bigarren jardunaldiak, Arraun Lagunaken eta Orioren garaipenak alde batera utzita, gogoan izateko zenbait irudi ikusgarri ere ekarri ditu; EITBk bideo honetan jaso ditu.
Arraun Lagunakek laugarrenez eskuratu du Kontxako Bandera, beste behin nagusitasuna erakutsita
Juan Mari Etxaberen taldeak ez die inolako aukerari eman aurkariei. Hasi eta segituan atera die traineru bateko aldea Tolosaldeari eta Oriori, eta, azkenean, bi jardunaldiak zenbatuta, 17 segundoko abantailarekin eskuratu du 2025eko Kontxako Bandera.
Arraun Lagunakek eta Oriok irabazi dute 2025eko Kontxako Bandera
Igande honetan jokatu duten bigarren jardunaldian, gizonezkoen estropadan, Orio izan da nagusi, Zierbenaren aurretik, eta garaipena eskuratu du; emakumezkoen estropadan, Arraun Lagunakek lehen jardunaldian erakutsitako nagusitasuna berretsi du.
Maider Bereau: ''Aurten Joanarekin Kontxako Bandera irabaztea oso berezia da niretzat''
Iparraldeko bi ordezkari izan ditu ontzian aurten Arraun Lagunakek. "Joanarekin Kontxako Bandera irabaztea oso berezia da", adierazi du Maider Bereau arraunlariak; izan ere, Joana Halsouet da Kontxako Bandera irabazi duen Iparraldeko lehen patroia.