Orio, Arraun Lagunak, Tolosaldea, Zumaia, Hondarribia, Hibaika eta Kaiku izango dira 2023ko Kontxako Banderan
Oriok, Arraun Lagunakek, Tolosaldeak, Zumaiak, Hondarribiak, Hibaikak eta Kaikuk lortu dute, asteazkenean, 2023ko Kontxako Banderarako sailkatze estropadan, igandean Donostian hasiko den estropadarako txartela eskuratzea. Donostiarrarekin batera arituko dira zazpi talde horiek, azken horrek ziurtatuta baitzuen hamaseigarren Kontxako Banderan parte hartzea.
Itsasoaren baldintzek ez dute batere erraztu arraunlarien lana; izan ere, gogor borrokatu behar izan dute, sailkatzeko helburua gauzatzeko. Ez da ezusteko handirik izan Kontxako Banderan zer talde izango diren argitu duen erlojupekoan; Euskotren Ligako bi klub, Cabo eta Tiran, Liga azken bi postuetan amaitu dutenak, Kontxatik at geratu dira, eta ETE Ligako Zumaia eta Kaiku, aldiz, Donostian izango dira iraileko lehen bi igandeetan.
Testuinguru horretan, nabarmentzekoa da Oriok egindako estropada. Nadeth Agirre patroi duen taldeak irabazi du proba, eta ziabogan ere aurreneko postuan izan da. 12:23ko denbora egin du helmugan, Arrain Lagunakek baino zortzi segundo gutxiago; Euskotren Ligako txapeldunak, hori bai, estropada ona egin du, eta argi utzi du Kontxarako ere faborito nagusietakoa dela, denboraldi osoan Ligan erakutsi duenez.
Tolosaldeak, Hondarribiak eta Hibaikak, iragarpenaren arabera, aukera handiak zituzten sailkatzeko, eta helburu hori lortu dute. Itsasoaren baldintza gogorrei aurre eginda, argi utzi dute, hasieratik, Kontxarako txartela erdietsi nahi zutela.
Zumaiak erlojupeko ederra egin du, eta laugarren postua lortu du. Telmo Deun ontzia onenen artean sartu da; Zumaiako klubaren arraunlariak sasoi puntu onean iritsi dira denboraldiko tarte honetara. Kaikuk zazpigarren postuan amaitu du proba, eta, horrenbestez, mendeurrena Kontxan ospatzeko aukera bereganatu du. Sestaoko klubak Chapela utzi du saririk gabe, zortzigarren postuan sailkatu baita, Kaikuk baino bost segundo gehiago eginda; hortaz, ez da iganderako sailkatu.
Kontxako Banderako lehen iganderako txanden zozketa
Sailkatze estropada bukatuta, Kontxako Banderako lehen iganderako txanden zozketa egin dute Donostian. Hala, irailaren 3an, Hibaika, Orio, Zumaia eta Kaiku arituko dira nor baino nor gehiago aurreneko txandan, eta Tolosaldea, Donostiarra, Arraun Lagunak eta Hondarribia arituko dira bigarrenean.
Zure interesekoa izan daiteke
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Jon Olasagasti Orioko presidenteak arraunlarien heldutasuna eta Iker Zabalaren lana nabarmendu ditu
Klubeko zuzendaritzak bigarren urtea du karguan, eta arraun elkarte osoaren maila igotzea dute jarraitu beharreko norabidetzat, Orioko presidenteak azaldu duenez.
Itziar Eguren, Arraun Lagunakeko presidentea: ''Donostian ere ikasten hasi gara Kontxa ospatzen''
Kontxako laugarren bandera irabazi ondoren Arraun Lagunak pozik azaldu da biharamunean. "Pixka bat nekagarria izan da erabat, itsasoa, itsasoa entzutea; guk itsasoan arraunean ez bagenuke jakingo bezala", aurpegiratu du agintariak.
Kontxako Banderaren gizonezkoen palmaresa
Orioko trainerua historiako talderik sarituena da, 33 garaipenekin. Bestalde, Hondarribiak hirutan irabazi du (2018, 2019 eta 2020), Santurtzik (2021) eta Urdaibaik (2022, 2023 eta 2024) hartu zutelarik haren lekukoa.
Kontxako Banderaren emakumezkoen palmaresa
Galizako Rias Baixas eta San Juan dira Kontxako Banderako trainerurik sarituenak, bost garaipenekin. Arran Lagunakek, ordea, azken hiru edizioak irabazi ditu.
Honela jaso du Oriok 2025eko Kontxako Bandera, historian irabazi duen hogeita hamahirugarrena
Aurretik, Orioko arraunlariak elkarrekin dantzan ikusi ahal izan ditugu; Gorka Aranberri patroiak sari bat jaso du, eta, segituan, Eneko Goia Donostiako alkateak emandako bandera astindu du, pozarren.
2025eko Kontxako Banderaren irudirik onenak
2025eko Kontxako Banderaren bigarren jardunaldiak, Arraun Lagunaken eta Orioren garaipenak alde batera utzita, gogoan izateko zenbait irudi ikusgarri ere ekarri ditu; EITBk bideo honetan jaso ditu.
Arraun Lagunakek laugarrenez eskuratu du Kontxako Bandera, beste behin nagusitasuna erakutsita
Juan Mari Etxaberen taldeak ez die inolako aukerari eman aurkariei. Hasi eta segituan atera die traineru bateko aldea Tolosaldeari eta Oriori, eta, azkenean, bi jardunaldiak zenbatuta, 17 segundoko abantailarekin eskuratu du 2025eko Kontxako Bandera.
Arraun Lagunakek eta Oriok irabazi dute 2025eko Kontxako Bandera
Igande honetan jokatu duten bigarren jardunaldian, gizonezkoen estropadan, Orio izan da nagusi, Zierbenaren aurretik, eta garaipena eskuratu du; emakumezkoen estropadan, Arraun Lagunakek lehen jardunaldian erakutsitako nagusitasuna berretsi du.
Maider Bereau: ''Aurten Joanarekin Kontxako Bandera irabaztea oso berezia da niretzat''
Iparraldeko bi ordezkari izan ditu ontzian aurten Arraun Lagunakek. "Joanarekin Kontxako Bandera irabaztea oso berezia da", adierazi du Maider Bereau arraunlariak; izan ere, Joana Halsouet da Kontxako Bandera irabazi duen Iparraldeko lehen patroia.