Tolosaldeak garaipen historikoa lortu du Donostiako uretan
Tolosaldeak irabazi du Fabrika Bandera, Donostiako uretan erakustaldi polita emanda, eta Oriorekin azkeneraino lehia estua izan eta gero.
Garaipen historikoa da Ramon Erostarbek entrenatzen duen taldearentzat, lehen aldiz irabazi baitu bandera bat Euskotren Ligan.
Donostia Arraun Lagunak sailkatu da hirugarren, eta lehenengo txandan azkarrena izan den Hondarribiak laugarren tokia kendu dio Zumaiari.
Goi-mailako arraunketa ikusi dugu Donostiako estropadan. Lehendabiziko luzean, lau ontziak parean joan dira, eta Arraun Lagunak, Orio eta Tolosaldea tartekatu dira buruan.
Nerea Perezek zuzentzen duen kuadrilla ez da ondo abiatu, baina atzetik aurrerakoa egin du, pixkanaka-pixkanaka, eta bi segundoko abantailarekin iritsi da kanpoaldera.
Gainera, ziabogaren ostean zuloa handitu du: 4 segundo atera dizkio Oriori, 12 Arraun Lagunaki eta 13 Zumaiari.
Bigarren luzean, agerian geratu da garaipena Tolosaldeak edo Oriok eskuratuko zutela. Borroka estua izan dute, eta azken txanpan, olatu ona hartuta, Oriok segundo bakar batera murriztu du aldea. Emozioa izan da bukaeraraino, baina Tolosaldeak ez du hutsik egin, abantailari eutsi dio eta bere lehen bandera eskuratu du Euskotren Ligan.
Arraun Lagunak eta Zumaia, berriz, atzerapen handiarekin sartu dira: 16 eta 26 segundora, hurrenez hurren.
Lehenengo txandan, Hondarribia izan da azkarrena, estropada bikaina eginda, eta laugarren postua kendu dio Zumaiari.
Hirugarren jardunaldia amaituta, Arraun Lagunakek jarraitzen du lider, baina gainean ditu Orio eta Tolosaldea. Orain arte ikusitakoa ikusita, Euskotren Liga oso lehiatua izango dela ematen du.
Zure interesekoa izan daiteke
Tolosaldea sasoiko eta momentu onean helduko da Kontxara
Tolosaldeak bigarren postuan amaitu du Euskotren Liga, bi bandera irabazi ditu, eta Euskadi Txapelketa ere bereganatu du. Orain, Kontxako Bandera lehiatzea du helburu Tolosako taldeak. Kontu horietaz guztietaz hitz egin du Arene Portularrumek EITB Mediarekin.
2025eko Euskotren Ligako Getariako Ikurrina: Tolosaldearen estropada, traineru barrutik ikusita
Tolosaldea gailendu da Getariako Ikurrinan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Olatz Lopez: ''Gaurko garaipenarekin bigarren postua eskuratu dugu Ligan, eta oso pozik gaude''
Tolosaldeak Getariako Ikurrina irabazi du igande honetan, eta 2 garaipen eta 105 puntu dituela, Euskotren Ligako bigarren postua eskuratu du Ramon Erastorbek entrenatzen duen ontziak. Olatz Lopez arraunlaria egindako denboraldiarekin oso pozik agertu da.
Tolosaldeak gehiago nahi du
Denboraldi erdia pasata Tolosaldeak bandera bakarra irabazi du, eta hirugarren da sailkapenean. Uxune Urkiak, Tolosaldeko arraunlariak, taldearen egoeraren gainean hitz egin du EITB Mediarekin. Kontxako Bandera irabaztea du amets.
2025eko Euskotren Ligako Euskotren Bandera: Tolosaldearen estropada, traineru barrutik ikusita
Tolosaldea hirugarren gelditu da Lekeitioko uretan lehiatu den Euskotren Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
2025eko Euskotren Ligako Orio Kanpina Bandera: Tolosaldearen estropada, traineru barrutik ikusita
Tolosaldea bigarren izan da Orio Kanpina Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
2025eko Euskotren Ligako Gertu Eraikuntzak Bandera: Tolosaldearen estropada, traineru barrutik ikusita
Tolosaldea hirugarren izan da Gertu Eraikuntzak Banderan. Bideo honetan ikus dezakezu nola bizi izan duten estropada arraunlariek eta patroiak ontzi barrutik, minikameraren irudiei esker.
Irati Larrañagak ametsa bete du, Tolosaldeak lehen bandera irabazita
Donostiako Fabrika bandera eskuratu zuen larunbatean Tolosaldeak. Irati Larrañaga arraunlaria pozarren agertu da egindako lorpenarekin. Elkarrizketa, bideo honetan.
Bere historiako lehen bandera irabazi du Tolosaldeak Euskotren Ligan
Donostiako uretan jokatutako Fabrika Banderan, Euskotren Ligako hirugarren estropadan, jaun eta jabe izan da Ramon Erostarbek entrenatzen duen trainerua, eta zuzenean sartu da Liga irabazteko lehian.
Nerea Perez: ''Talde osoa sinistu ezinik dago, oso pozik gaude''
Tolosaldeak bere historiako lehen bandera eskuratu du Ligan, Euskotren Ligako Donostiako Fabrika Banderan. Irteeran atzetik hasi diren arren, olatuen kolpeek estropada baldintzatu dutela eta jokatzen jakin dutela nabarmendu du Nerea Perez patroiak.