Oriok bere bosgarren bandera irabazi du jarraian
Orioko ontzi gipuzkoarrak denboraldiko bosgarren garaipena lortu du Euskotren Ligan, Getxoko XIV. Banderan Abrako barruko uretan garaipena lortuta.
Oriokoak bere aurkari handienari gailendu zaizkie, Arraun Lagunaki, oraingoan bi segundo pasatxogatik. Horien atzetik Tolosaldea, hirugarren lehen aldiz, eta Donostiarra iritsi dira.
Horrela, Orio sailkapen nagusiko liderra da bost garaipenekin. Arraun Lagunak du atzetik bi garaipenekin, Donostiarrak eta Tolosaldeak bandera bat lortu gabe jarraitzen dutelarik.
Zure interesekoa izan daiteke
Iñaki Elorza: “Errotazioak eginda txalupa ondo ibiltzea oso garrantzitsua da guretzat”
Iñaki Elorza, Orioko arraunlariari, gaurko estropada lurretik ikustea tokatu zaio. Hala ere, oso kontentu dago bere taldearen garaipenarengatik eta, bereziki, traineruak erakutsi duen mailarengatik, nahiz eta arraunlari aldaketak egin azken estropadarekin konparatuta. Hurrengo estropadetan ezin direla lasaitu ere esan du, beste ontzien maila oso altua baita.
Xanti Zabaleta: “Ilusio handiz gaude, etxeko estropadan gure lana erakutsi nahi dugu”
Hamairu arraunlari berri ditu Oriok aurtengo denboraldian, eta igandean etxean ariko da Euskotren Ligako estropadan. Denboraldiko hitzordu berezienetako bat izango da oriotarrentzat, zaleen aurrean lehiatzeko aukera izango baitute. Xanti Zabaleta entrenatzaileak adierazi duenez, taldeak ilusioz bizi du etxeko estropada. “Etxeko parrokiaren aurrean denboraldi hasieratik egindako lana erakutsi nahi dugu, baita taldeak dituen gogoa eta ilusioa ere”, esan du Zabaletak.
Euskotren Ligako Orio taldeko 16 arraunlarik oharra kaleratu dute, Zuzendaritza kritikatuz
Oharrean diote Zuzendaritzak zalantzan jarri duela eta ez dituela baloratu taldeak 2025eko denboraldian egindako lana, lortutako emaitzak eta izandako profesionaltasuna. Horrez gain, salatu dute gutxietsiak izan direla emakumeak izateagatik.