Ondarroak ezustekoa eman eta Zierbenako bandera bereganatu du
Ondarroak Petronor Banderaren XXXVIII. ekitaldia irabazi du igande honetan Zierbenan, Eusko Label Ligako 4. jardunaldiaren baitan. Bizkaitarrak lehendabiziko txandan aritu dira, Lekittarra, Tiran eta Zarautzekin batera, eta tarte horretan itsasoaren baldintzak onak izan dira. Alabaina, estropadak aurrera egin ahala, eguraldiak txarrera egin du nabarmen, haizea indartsu agertu baita, eta egoera horri esker 'Antiguako Ama'k denboraldiko lehen garaipena eskuratu du, TKEn lortzen duen lehendabizikoa, hain justu.
Eneko Bilbaok gidatutako taldeak zazpi segundoko aldea atera dio Lekittarrari lehen txanda horretan, eta denbora horrek sailkapen nagusian bigarren postuan amaitzeko aukera eman diete lekeitiarrei.
Hirugarren postuan Santurtzi sailkatu da. Eusko Label Ligako liderra hirugarren ziabogan Ondarroarekiko galtzen zituen 14 segundoak murrizten saiatu da azken luzean, baina arrakastarik gabe. Aitzitik, Hondarribiaren aurretik sartu da eta sailkapeneko lehen postua sendotu du.
Haizearen eraginak etxean arraunean ari zen Zierbenako ontziaren estropada ere zapuztu du. Aurreko egunean Donostiarra Banderaren irabazle izan zirenak bederatzigarren tokia besterik ez dute erdietsi gaurkoan. Orio, bere aldetik, teorikoki faboritoak ziren lau onenen artean egon behar bazuen ere, azken-aurren bukatu du.
Bigarren txandako irabazleak, Cabo da Cruzek, 20 segundo galdu ditu helmugan Ondarroarekiko, galiziarrek Donostiarra eta Bermeo Urdaibai gainditu dituzte.
Petronor Banderako behin betiko denborak:
Eusko Label ligako sailkapen nagusia:
Lau estropadaren ondoren, Eusko Label Ligako sailkapen nagusiak Santurtzi du buruan, egungo txapeldunak, sei puntuko errenta du Hondarribiarekiko. Behealdean, Tiranek Zarautzi pasatu dio azken tokia, orain jaitsiera zuzeneko postuan dagoena.
Zure interesekoa izan daiteke
Zierbena B eta Astillero, garaile Portugaleten
Astillero, emakumezkoetan, eta Zierbena B, gizonezkoetan, izan dira nagusi arraun denboraldiko lehen proban, Portugaleten. Eguraldiaren eta itsasoaren egoera kaskarrak baldintzatu du proba.
2025eko arraun denboraldiaren laburpena
Gizonezkoetan, Oriok denboraldi historikoa egin du. Nagusitasun handiz gailendu da Eusko Label Ligan, eta Kontxako Bandera eta hiru txapelketa ofizialak ere irabazi ditu. Emakumezkoetan, Donostia Arraun Lagunak izan da onena, Euskotren Liga, Kontxako Bandera eta Gipuzkoako eta Espainiako txapelketak bereganatu baititu.
ACTko Euskotren eta Eusko Label ligak Madrilen hasiko dira
ACTren batzarrak jakitera eman duenez, bi ligak ekainaren 28an hasiko dira.
Jose Luis Korta: ''Arraun mundua salbatzeko, harrobiko arraunlari gehiago''
Oriotarrak erretiroa hartuko duela iragarri berri du. Kortak 60 urte eman ditu arraunari lotuta, eta ez sinisteko moduko palmaresa du: 300 bandera baino gehiago irabazi ditu, 16 Kontxa, 53 bider izan da Espainiako txapeldun eta diploma olinpikoa ere badu.
Jose Luis Kortari elkarrizketa, gaur gauean, ETB1en eta ETB2n
Oriotarrak abuztuan iragarri zuen arrauna utziko duela, bizitza osoa kirol horretan aritu ostean. Azken bi urteotan, Castro taldearen entrenatzailea izan da.
Osertz Aldaik hamar urteko ibilbidea itxi eta Isuntzaren entrenatzailea izateari utziko dio
Klubak azaldu duenez, Aldaik elkarteari jakinarazi zion "ezingo duela" datorren denboraldian prestatzaile gisa jarraitu. Lekeitioko arraun elkarteak erantsi duenez, jakin zutenetik lanean ari dira, ordezko "egokia" aurkitzeko.
Iker Zabala: ''Izugarrizko urtea izan da, eta helburua lantaldeari eustea da''
ETBn egindako elkarrizketan, Orioko prestatzaileak adierazi du denboraldi oparoaren gakoetako bat etxeko arraunlariak eta fitxaketak "ondo uztartzea" izan dela. Bestalde, Orioko zaleen berotasuna azpimarratu du: "txapela kentzeko moduko jarrera izan dute".
Iker Zabala Orioren entrenatzailea elkarrizketatuko dugu, gaur gauean, ETB1en
Oriok 2025eko Eusko Label Liga irabazi du, bai eta Kontxako Bandera ere. Entrenatzailea 20:35etik aurrera izango da Kirolak saioko platoan, ETB1en.
Santurtzik eta San Juanek herritarren harrera beroaz gozatu dute
Bi traineruak maila gorenera igo dira asteburu honetako play-offean garaile atera ondoren, eta gogotik ospatu dute herritarrekin.
Santurtzi, Chapela, San Juan eta Donostiarra goi-mailan arituko dira datorren denboraldian
Emakumezkoen play-offean, San Juan nagusitu da Portugaleteko uretan, eta Bantxa ontzia bigarren izan da. Gizonezkoetan, berriz, Santurtzi eta Chapela Eusko Label Ligan lehiatuko dira datorren denboraldian, igande honetan bukatu den play-offean lehen bi postuak eskuratu ondoren.