Itzuliko mediku-auto batek eragin zuen Mikel Landaren erorikoa
Hasieran, probako epaileek gidaria zigortu zuten; ondoren, berriz, kanporatu. Txirrindulari arabarrak etapa amaitu ahal izan zuen.
Mikel Landa Soudal Quick-Step taldeko txirrindulari arabarrak erorikoa izan zuen Itzuliko bigarren etapan. Murgiarra Aralarko San Migel mendatean behera zihoan, eta helmugarako 9,5 km geratzen zirela izan zuen istripua. Paul Seixas jardunaldiko irabazlearen atzetik zegoen, taldea harrapatu nahian.
Hainbat hedabidek argitaratu dutenez eta KirolakEITBk baieztatu duenez, lasterketako mediku-auto batek zerikusia izan zuen ezbeharrean. Hasiera batean, 500 franko suitzarreko zigorra jarri zioten epaileek, baina, azkenean, kanporatu egin zuten Itzulitik.
Soudal taldearen zuzendariak honako hau adierazi zion Belgikako Niewsblad egunkariari: "Medikuaren autoak Mikel Landa lurrera bota zuen, jaitsiera estu eta azkar batean, aurreko taldetik 10 segundora zegoenean". Horrez gain, inork barkamenik ez ziela eskatu ere azpimarratu zuen Forék.
Ezbeharraren ondoren, Landa hainbat minutuz etzanda egon zen, errepidean, minez, baina etapa amaitu ahal izan zuen, eta irabazlea 13 minutura zuela, helmugaratu zen.
Zure interesekoa izan daiteke
ZUZENEAN: 2026ko Itzuliko 3. etapa: Basauri-Basauri (152,8 km)
Ikusi zuzenean Basaurin hasi eta Basaurin bertan amaituko den 2026ko Itzuliaren hirugarren etaparen emanaldia. 15:00etatik hasi eta 18:15era arte iraungo duen saioan, lasterketako hirugarren jardunaldiak emango dituen nondik norako guztien berri izango duzu.
Mikel Landak Itzulia utzi du
Murgiako txirrindulariak lasterketa utzi du, astearte honetako bigarren etapan, Aralarko San Migeleko jaitsieran, izandako erorikoaren ondorioz.
Ordekan, tropelean; igoeran, guztiz sakabanatuta: zergatik egiten dute hori txirrindulariek?
Xabier Usabiagak azaldu digunez, gakoa da batean eta bestean dauden erresistentzia motak. Bideo honen bidez, jakingo dugu zenbat watt landu behar dituzten txirrindulariek, ordekan eta igoeretan, kontuan izanik nola dabiltzan kokatuta.
Matxin, hirugarren etaparen diseinatzailea: “Euskal Herriko errepideak dira, estuak"
"Lasterketa amaituko den kalean jaio nintzen, Baskoniaren futbol-zelaia zegoen tokian dago, aldapa gogorra da, baina ez erabakigarria, txirrindulari garrantzitsu batek irabaziko du", azaldu du UAE taldearen kirol arduradun basauritarrak.
Markel Beloki: “Bagenekien etapa oso gogorra izango zela; nahiko pozik nago, nire erritmoa jarri dut igoeran”
EF Education taldeko euskal txirrindulari gaztea ondo aritu da Itzuliko bigarren etapan; hori bukatuta, EITBk elkarrizketatu egin du, eta nabarmendu du pozik dagoela izandako sentsazioekin.
Ion Izagirre: “Saiatuko gara sailkapenean ahalik eta ondoen ibiltzen”
Cofidis taldeko ormaiztegiarrak, halaber, nabarmendu du etapa garaipenen bat eskuratzea ere helburu bat dela, berak lortuta zein Alex Aranbururen bidez. Izagirre, Itzulian, zazpigarren postuan da, bi etapa jokatuta.
Mikel Landak erorikoa izan du Aralarko San Migeleko jaitsieran, baina helmugara iritsi da
Soudalen taldeburua 67. postuan helmugaratu da, irabazlea 13:11 minutura zuela. Orain, azterketa medikoen emaitzen zain dago, eta ikusteko dago asteazken honetan Basauriko etaparako ondo ibiliko den.
Paul Seixas gailendu da Mendukilloko kobazuloetan, Itzulian, eta 01:25eko abantaila lortu du Skjelmoseren, Roglicen eta Izagirreren taldearekiko
Isaac del Torok 01:43 galdu du, eta Juan Ayusok, 02:29. Hala, Decathlon taldeko frantziar ziklista gazteak sailkapen nagusian duen lehen postua sendotu du; Roglic 01:59ra dabil, eta Lipowitz 02:08ra.
Paul Seixas izar gazteak beste erakustaldi bat eman du, bigarren etapan garaipena lortuta, lidergoa sendotu du eta
Tropelak, Paul Seixas (Decathlon) liderraren taldeak gidatuta, sei txirrindularik osatutako eguneko ihesaldia kontrolpean izan du. Liderrak berak jo du erasoa Aralarko San Migel mendatean eta ihes egindako txirrindulariak atzean utzi ditu helmugatik 25 kilometrora.