2023ko Euskal Herriko Itzuliko 2. etaparen profila, ibilbidea eta ordutegia: Viana-Leitza (193,8 km)
Aurtengo Itzuliaren bigarren etapa Vianatik abiatuko da apirilaren 4an, 12:39an (irteera neutralizatua hamar minutu lehenago egingo dute), eta Leitzan amaituko da. 193,8 kilometro dituela, 2023ko ekitaldiko etaparik luzeena da, eta Nafarroan jokatuko dute osorik.
Eguneko bi esprint bereziak 129. eta 165. kilometroetan kokatu dituzte, Leitzan eta Donezteben, hurrenez hurren. Gainera, mendiko sailkapenerako bost mendate puntuagarri igo beharko ditu tropelak bigarren etapa honetan: Etxauri, Uitzi, Arkiskil (bi aldiz) eta Saldias. Etxauri (2. mailakoa) 74. kilometroan aurkituko dute, eta 11,3 kilometroko igoera du, % 3,3ko batez besteko maldekin; Uitzi (3. mailakoa), 123. kilometroan dago, eta 5,6 kilometro ditu (% 4,2). Arkiskil (3. mailakoa), berriz, 134. kilometroan igoko dute lehenengoz, eta 4,5 kilometroko igoera du (% 5,1). Saldias (2. mailakoa), 147. kilometroan, 2,3 kilometroko mendatea da (% 9,2). Bukatzeko, Arkiskil igo beharko dute, berriro, baina beste aldetik (2. mailakoa), eta txirrindulariek 11 kilometroko igoera gainditu beharko dute bertan (% 3,2).
Antolatzaileek Itzuliaren webgunean diotenez, etapako lehen zatia ihesaldia osatzeko egokia izan liteke; bigarren zatia, aldiz, zirkuitua da, eta errepide bihurgunetsuak ditu. Orduan, meteorologia erabakigarria izan liteke, kontuan izanik hainbat jaitsiera oso luze dituela.
Leitzako helmuga jaitsiera horietako batean dago, hain zuzen ere. Arkiskil bigarren aldiz gaindituta, antolatzaileek bost kilometroko jaitsiera azkarra prestatu dute; beraz, garaipena nahi duenak, indarra izateaz gain, trebetasuna eta ausardia erakutsi beharko ditu. Aurreikuspena da irabazleak 17:16-17:45 aldera zeharkatzea helmuga.
Etapa zuzenean ikusi ahalko da ETB1en eta eitb.eus-en, 15:00etatik aurrera.
Ikusi lehenengo etaparen profila | Ikusi hirugarren etaparen profila
PROFILA
------------------------------------------------------
IBILBIDEA
FITXA TEKNIKOA:
Etapa: 2. etapa (apirilak 4)
Ibilbidea: Viana-Leitza
Distantzia: 193,8 km
Goranzko desnibel metatua: 4.359,7 m
Hasiera-ordua: 12:39
Amaiera-ordua: 17:45 (38 km/h) | 17:30 (40 km/h) | 17:16 (42 km/h)
2. ETAPAKO MENDATEAK
------------------------------------------------------
------------------------------------------------------
------------------------------------------------------
------------------------------------------------------
2. ETAPAKO AZKEN KILOMETROAK
2023KO ITZULIKO ETAPAK:
1. etapa (apirilak 3): Gasteiz-Bastida (165,4 km)
2. etapa (apirilak 4): Viana-Leitza (193,8 km)
3. etapa (apirilak 5): Errenteria-Villabona (162,8 km)
4. etapa (apirilak 6): Santurtzi-Santurtzi (175,7 km)
Zure interesekoa izan daiteke
Maximilian Schachmann: ''Erorikoak atzean harrapatu nau, baina, taldekideek lagunduta, iritsi gara helmugara''
Soudal Quick-Step taldeko txirrindulari alemaniarrak Itzuliko sailkapen nagusiko lehen postuan jarraitzen du, bigarren etapa amaituta; Schachmannek aurreneko egunean bereganatu zuen maillot horia, Gasteizen, erlojupekoa irabazita.
Caleb Ewan: ''Taldeak lan bikaina egin du, ni amaieran ondo kokatzeko''
INEOS Grenadiers taldeko txirrindulari australiarrak eskuratu du garaipena, Lodosan, esprintean, 2025eko Euskal Herriko Itzuliko bigarren etapan.
Caleb Ewan izan da azkarrena Lodosako esprintean, Itzuliko bigarren etapan
INEOS Grenadierseko txirrindulari australiarrak, taldekideen lan ona baliatuta, nagusitasun handiz irabazi du; sailkapen nagusian, ez da aldaketarik izan, eta Maximilian Schachmannek maillot horia jantzita jarraitzen du.
Itzuliko 2. etaparen ibilbidea aldatu dute
Segurtasun arazoak direla eta, La Olivako mendatea kendu eta San Martin Unx jarri dute haren ordez (3. mailakoa).
Xabier Usabiagaren hausnarketa Itzuliko 2. etapako ibilbideaz: adi haize-babesei!
Euskal Herriko Itzuliaren 2. etapa apirilaren 8an jokatuko dute, asteartez, Iruñean hasi eta Lodosan amaituko da, eta 199,8 kilometroko ibilbidea du. Xabier Usabiaga adituak etaparen analisia egin du.
2025eko Euskal Herriko Itzuliko 2. etaparen profila, ibilbidea eta ordutegia: Iruñea-Lodosa (199,8 km)
Lasterketako 64. ekitaldiko etaparik luzeena da, eta Nafarroan jokatuko dute, osorik. Mendate puntuagarri bakarra du, 3. mailakoa, La Oliva, jardunaldiko lehen zatian; ondorioz, baliteke irabazlea esprintean erabakitzea.