Volleringek irabazi du 2024ko Itzulia, azken etapan erakustaldia emanda
Demi Volleringek (SD Worx-Protime) irabazi du 2024ko Itzulia Women lasterketa, hirugarren etapan garaipena bereganatuta. Herbeheretarrak azken etapan erakustaldia emanda jantzi du txapela.
Ziklistek Donostian hasi eta bukatutako 114,9 kilometroko ibilbideari egin diote aurre. Hamabi txirrindularik osatu dute eguneko ihesaldia: Blanka Vas (SD Worx-Protime), Amanda Spratt (Lidl-Trek), Agniszka Skalniak-Sojka (Canyon-SRAM Racing), Eleonora Ciabocco (DSM-Firmenich PotNL), Marie Le Net (FDJ-Suez), Inge van der Heijden (Fenix-Deceuninck), Urska Zigart (Liv AlUla Jayco), Claire Steels (Movistar), Nikola Moskova (Cofidis), Victorie Guilman (St Michel-Mavic-Auber93), Elena Pirrone (Roland) eta Laura Asencio (Ceratizit-WNT).
Ihesaldiko taldeak ia hiru minuturainoko aldea atera dio tropel nagusiari, baina helmugarako 50 kilometro falta zirenean SD Worx taldeak tropelaren erritmoa bizitu du, eta lasterketaren buruarekiko desabantaila murrizten hasi da.
Mendizorrotzeko mendatean harrapatu ditu tropelak ihesaldiko 12 txirrindulariak, helmugarako 30 kilometro falta zirenean. Tropela bera ere asko murriztu da, baina han egon dira Itzulia irabazteko faborito nagusiak. Igoerako azken kilometroan, Demi Volleringek jo du erasoa, eta aurrera egin du Juliette Labousekin (DSM-Firmenich PotNL) batera. Hala ere, Mendizorrotzeko azken maldetan, Labousek ezin izan dio Volleringen erritmoari eutsi. Herbeheretarra izan da onena maldan gora, eta bakarrik geratu da lasterketaren buruan.
Atzetik, Vollering harrapatzen saiatu da hauek osatu duten taldea: Juliette Labous, Niamh Fisher-Black (SD Worx-Protime), Marlen Reusser (SD Worx-Protime), Isabella Holgrem (Lidl-Trek), Amanda Spratt (Lidl-Trek), Evita Muzic (FDJ-Suez), Pauliena Rooijakkers (Fenix-Deceuninck) eta Thalita De Jong (Lotto Dstny). Mischa Bredewold (SD Worx) liderra atzerago geratu da beste taldetxo batean.
Volleringek 30 kilometro eman ditu buruan, eta etapa irabazi du, atzekoek ezin izan dutelako herbeheretarra harrapatu. De Jong izan da bigarren eta Bredewold hirugarren, bigarren taldearekin bat egin eta esprint ona eginda.
Sailkapen nagusiaren gorenean amaitu du Demi Volleringek, Mischa Bredewold izan da bigarren eta Juliette Labousek osatu du podiuma, hirugarren postuan amaituta.
Zure interesekoa izan daiteke
2025eko Itzulia Women lasterketako parte-hartzaileen eta dortsalen behin-behineko zerrenda ofiziala
19 taldetako 113 parte-hartzaile izango dira irteeran aurten. Mundu mailako emakumeen tropeleko izen nabarmenenak lehiatuko dira Euskal Herrian: Marlen Reusser 2023ko garailea eta Demi Vollering 2024ko irabazlea, besteak beste.
Usoa Ostolaza: ''Muturra esprintean sartzen saiatu behar genuen''
Zarauztarrak seigarren egin du Itzulia Women lasterketako 2. etapan, Mischa Bredewold etapa garaile eta sailkapeneko liderraren denbora berean.
Laboral Kutxa eta gainerako taldeak prest dira Itzulia Women lasterketari hasiera emateko
2025eko Itzulia Women maiatzaren 16tik 18ra artean jokatuko da. Bertan, Demi Vollering, Anna van der Bregen, Marlen Reusser, eta Usoa Ostolaza eta Ane Santesteban (Laboral Kutxa-Euskadi Fundazioa) bezalako txirrindulariak lehiatuko dira.
2025eko Itzulia Women lasterketako parte-hartzaileen eta dortsalen behin betiko zerrenda ofiziala
19 talde eta 110 txirrindulari izango dira irteeran aurten. Mundu mailako emakumeen tropeleko izen esanguratsuak lehiatuko dira Euskal Herrian: Marlen Reusser 2023ko garailea eta Demi Vollering 2024ko irabazlea, besteak beste.
Irabazi Itzulia Womeneko etapa bakoitzean maillot eta kulot bana, Instagrameko gure profilean
EITBk Itzulia Womeneko etapa bakoitzean egiten duen lehiaketa EITB Kirolakek Instagramen duen profilean egingo dugu (@kirolak_eitb da hori).
2025eko Itzulia Womeneko maillotak
Zumarragan aurkeztu dituzte 2025eko Itzulia Womeneko maillotak. Bideo honetan ikus ditzakezu nolakoak diren liderrak eta puntukako, mendiko zein gazteen sailkapenetako onenek jantziko dituzten elastikoak.
Vollering, Van der Bregen, Bredewold, Reusser, Ostolaza eta Santesteban, 2025eko Itzulia Womenen egongo dira
Lasterketa maiatzaren 16tik 18ra jokatuko da. Antolatzaileek Itzulia Womenen 4. edizioan lehiatuko diren izar nagusiak jakinarazi dituzte. Etapa guztiak zuzenean emango dituzte eitb.eus-ek eta ETB1ek.
2025eko Itzulia Women, maiatzaren 16tik 18ra artean, EITB Median
Maiatzaren 16an hasi eta hilaren 18an bukatuko da 2025eko Itzulia Women lasterketa. Etapa guztiak zuzenean ikusi ahalko dituzu eitb.eus-en eta ETB1en Gainera, jarraipen zabala egingo diote Euskadi Irratiak, Radio Euskadik eta Radio Vitoriak.
Ikusi Itzulia Women 2025 lasterketako lau mailloten diseinuak
Honelako itxura dute aurtengo Itzulia Women lasterketako mailloten diseinuek: sailkapen nagusia, puntukakoa, mendikoa eta gazteena.
Donostian aurkeztu dute 2025eko Itzulia Women lasterketa
Dena prest dago 2025eko Itzulia Women lasterketarako. Maiatzaren 16tik 18ra artean jokatuko da, hiru etapa izango ditu eta 19 talde lehiatuko dira. Demi Vollering 2024ko irabazlea Itzulian egongo da aurten ere, titulua berriz poltsikoratzeko asmoz.