Italiako Giroa
2023/05/12 - 20:19
Italiako Giroaren 8. etaparen profila eta ibilbidea: Terni-Fossombrone (207 kilometro)
Lehen asteko azken-aurreko etapa izango da. Ibilbidearen lehen zatia laua da, baina azken kilometroak igoera eta jaitsiera bortitzez josita daude.
2023/05/12 - 20:08
Giroko 7. etapako azken igoerako unerik esanguratsuenak eta etaparen amaiera
Bideo honetan bildu ditugu Italiako Giroko 7. etapako Gran Sassoko igoerako unerik onenak, garaipenerako lehia eta tropelaren iritsiera.
2023/05/12 - 19:52
Davide Bais nagusitu da Gran Sasson, ihesaldi luzea burututa, eta Leknessundek lider jarraitzen du
Eolo Kometa taldeko txirrindulari italiarra izan da azkarrena helmugan; Bais, Karel Vacek eta Simone Petilli ia etapa osoan izan dira lasterketa buruan. Egunak ez du aldaketa esanguratsurik utzi sailkapen nagusian, eta faboritoek ez diote elkarri eraso, tropelean.
2023/05/11 - 20:16
Italiako Giroaren 7. etaparen profila, ibilbidea eta ordutegiak: Capua-Gran Sasso d'Italia (218 km)
Edizioko bigarren etaparik luzeena izango da, eta zailenetakoa gainditu beharreko hiru mendateen zailtasunagatik, txirrindulariei esfortzu fisiko handia eskatuko diena.
2023/05/11 - 19:24
Mads Pedersenek irabazi du Napoliko esprinta, Italiako Giroan, eta Andreas Leknessundek lider jarraitzen du
Trek-Segafredo taldeko danimarkarra izan da azkarrena Giroko seigarren etapan izandako esprintean. Alessandro De Marchi eta Simon Clarke esprinta saihesteko oso gertu izan dira, baina, ia egun osoan lasterketaren buruan eman ostean, helmugarako 300 bat metrora harrapatu dituzte.
2023/05/11 - 19:24
2023ko Italiako Giroko 6. etapako azken kilometroa eta esprinta
2023ko Italiako Giroko 6. etapan bi txirrindularik gidatu dute etapa azken kilometroraino, baina hortik aurrera pelotoiak harrapatu eta esprintean erabaki behar izan da garailea, Pedersen nagusituz.
2023/05/11 - 15:15
Arkea taldeko Clement Russo, covid-19an positibo eman eta 2023ko Italiako Giroa utzi duen lehen txirrindularia
Giroa larunbatean hasi zenetik, frantziar ziklistarena da antzeman duten covid-19ko aurreneko kasua.
2023/05/11 - 13:10
Italiako Giroaren 6. etaparen profila, ibilbidea eta ordutegiak: Napoli-Napoli (162 km)
Ibilbide osoan zehar, bihurgune, igoera eta jaitsiera ugari ditu etapak, baina nahiko laua izango da Valico di Chiunzi mendatea igotzen hasi arte.
2023/05/10 - 21:14
Groves nagusitu da euria eta erorikoak protagonista izan dituen 5. etapan eta Leknessundek lider jarraitzen du
Kaden Grovesek bereganatu du garaipena Italiako Giroko 5. etapan, esprintean Milan eta Pedersen mendean hartuta. Hainbat eroriko eman dira, eta Evenepoel, Roglic, Gaviria eta Cavendish lurrera joan dira, besteak beste.
2023/05/10 - 20:12
Giroko 5. etapako bukaerako erorikoak: Roglic, Evenepoel, Gaviria eta Cavendish lurrera, besteak beste
Italiako Giroko 5. etapako azken zazpi kilometroetan hiru eroriko eman dira. Helmugarako 6,8 kilometro falta zirenean lurrera joan dira Gaviria eta Roglic. Ondoren, 2,5 kilometro baino gutxiago falta zirenean, Evenepoel erori da. Amaieran, Cavendishek lurretik arrastaka gainditu du helmugako marra.
2023/05/10 - 17:26
Evenepoelek erorikoa izan du Giroko 5. etapan, baina onik itzuli da lasterketara
Aske zebilen txakur bat errepidera atera da, eta Davide Balleriniren erorikoa eragin du. Ondoren, tropelaren beste alde batean, Belgikako txapelduna erori da.
2023/05/10 - 16:10
Evenepoelek eta beste zenbait txirrindularik erorikoa izan dute, aske zegoen txakur baten eraginez
Remco Evenepoelek, Italiako Giroa irabazteko faborito nagusienetako batek, erorikoa izan du 5. etapa lehiatzen ari zela, solte zegoen zakur bat errepide erdian agertu baita. Flandiarra bizikleta gainera itzuli eta ondo zegoela adierazi du.
2023/05/10 - 12:32
Italiako Giroaren 5. etaparen profila, ibilbidea eta ordutegiak: Atripalda-Salerno (171 km)
Ibilbide gorabeheratsua du, batez ere lehen zatian, eta esprinterrentzako egokia da, azken 15 kilometroak ia erabat lauak baitira.
2023/05/08 - 19:58
2023ko Italiako Giroaren 4. etaparen profila eta ibilbidea: Venosa-Lago Laceno (175 kilometro)
Txirrindulariek hiru mendate izango dituzte ibilbidean: Passo delle Crocelle, Valico di Monte Carruozzo eta Colle Molella, guztiak 2. mailakoak eta batezbesteko % 6ko penditza dutenak. Azken 3 kilometroetan %12ko penditzadun maldatxoak daude.
2023/05/08 - 19:37
Michael Matthewsek irabazi du, esprintean, Italiako Giroko 3. etapa
Mads Pedersen eta Kaden Groves gainditu ditu australiarrak helmugan. Etapa luze eta lasaia izan da, azken 30 kilometroetako aldapetan tropel nagusia hautsi den arte.
2023/05/08 - 19:36
2023ko Italiako Giroko 3. etapako azken kilometroa eta esprinta
Italiako Giroko 3. etaparen tropel nagusiko esprintean erabaki da, gorako tiratzen zuen amaieran. Michael Matthews (Jayco) australiarra nagusitu da besteen gainetik.
2023/05/08 - 19:06
Evenepoelek eta Roglicek etapako bigarren esprint bereziko gainsariak lehiatu dituzte
Remco Evenepoelek eta Primoz Roglicek, Giroa irabazteko faborito nagusiak, 3. etapako esprint bereziak aitortzen zituen gainsarien bila jardun dute nor baino nor gehiago.
2023/05/08 - 18:45
Sepp Kussek arazoak izan ditu aldagailuarekin, eta beste bizikleta bat hartu behar izan du
Sepp Kuss txirrindulari estatu batuarrak arazoak izan ditu bizikletako aldagailu elektronikoarekin, eta bere kabuz konpontzen saiatu den arren, azkenerako bizikletaz aldatu behar izan du.
2023/05/08 - 02:14
2023ko Italiako Giroaren 3. etaparen profila, ibilbidea eta ordutegiak: Vasto-Melfi (216 km)
Lehen kilometro lauen ondoren, Valico dei Laghi di Monticchiora igoko dira (3. maila), eta, jarraian, beste igoera bati egingo diote aurre, Valico la Crocen (4. maila).
2023/05/07 - 20:08
Jonathan Milanek San Salvoko esprinta irabazi du, eta Evenepoelek Giroko lider jarraitzen du
Bahrain-Victorious taldeko txirrindulari italiarra izan da azkarrena helmugan; etapa amaitzeko lau kilometro falta zirenean, erorikoa izan da, eta horrek azken emaitza baldintzatu du. Remco Evenepoelek ez du arazorik izan larunbatean lehen etapan erdietsitako maglia arrosari eusteko.