Helmugatik 40 kilometrora eraso eginez bereganatu du Carlos Veronak Giroko 15. etapa
Carlos Verona (Lidl-Trek) espainiarrak irabazi du igande honetan Italiako Giroko 15. etapa, 219 kilometrokoa eta edizio honetako luzeena, Fiume Veneto eta Asiago artekoa, helmugatik 40 kilometrora hasitako ihesaldi bati esker.
2022an Dauphineko etapa nagusian lortu zuen garaipenaren ondoren, bere kirol ibilbideko bigarren garaipena du.
5 ordu, 15 minutu eta 41 segundoko denborarekin iritsi da helmugara. Isaac Del Toro mexikarrak lider jarraitzen du eta Primoz Roglic (Red Bull-BORA) esloveniarra gero eta urrunago geratzen ari da sailkapen nagusian.
Dorirako igoeran jo du erasoa espainiarrak, inork ezin izan dio horren gurpilari heldu, eta 40 kilometro baino gehiago egin ditu bakarrik, Florian Stork alemaniarraren eta Christian Scaroni italiarraren aurretik. Bestalde, Roglic ia aukerarik gabe geratu da, Del Torok minutu bat eta erdi atera baitio gaurko etapan.
Aurretik, ihesaldia harrapatzen saiatu da 15 txirrindulariko talde bat, Richar Carapaz EF Education taldeko ekuadortarra tartean.
15. ETAPAKO SAILKAPENA
1.- VERONA Carlos (Lidl) 5:15:41
2.- STORK Florian (Tudor) +0:22
3.- SCARONI Christian (Astana) +0:23
4.- BARDET Romain (Picnic) d. b.
5.- PRODHOMME Nicolas (Decathlon) d. b.
6.- ZANA Filippo (Jayco) d. b.
7.- GAROFOLI Gianmarco (Soudal) d. b.
8.- FIORELLI Filippo (VF) d. b.
9.- CARUSO Damiano (Bahrain) d. b.
10.- POOLE Max (Picnic) d. b.
SAILKAPEN NAGUSIA
1.- DEL TORO Isaac (UAE) 55:54:05
2.- YATES Simon (Visma) +1:20
3.- AYUSO Juan (UAE) +1:26
4.- CARAPAZ Richard (EF) +2:07
5.- GEE Derek (Israel) +2:54
6.- CARUSO Damiano (Bahrain) +2:55
7.- TIBERI Antonio (Bahrain) +3:02
8.- BERNAL Egan (INEOS) +3:38
9.- ARENSMAN Thymen (INEOS) +3:45
10.- ROGLIC Primoz (Red Bull) +2:23
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.