Jan Hirtek irabazi du Giroko etapa nagusia
Jan Hirtek (Intermarche Wanty Gobert Materiaux) irabazi du Italiako Giroko 16. etapa, astearte honetan (maiatzak 24) Salo eta Aprica artean egin dena, 202 kilometroko ibilbidearekin. Richard Carapazek (Ineos Grenadiers) lidergoari eutsi dio, baina hiru segundora gerturatu zaio bigarren den Jai Hindley (BORA-hansgrohe).
Hirtek Santa Cristinako igoeran, etapako azken mendatean, jo du erasoa eta txekiarrarekin batera ibili diren ihesaldiko kideak, Alejandro Valverde (Movistar), besteak beste, atzean utzi ditu. Ihes eginda iritsi da azken metroetara, eta garaipenak ez dio ihes egin. Thymen Arensman (DSM) saiatu da Hirt harrapatzen, baina garaileak baino zazpi segundo beranduago gurutzatu du helmuga, bigarren postuan.
Etapako hirugarren posturako jokoan ibili dira Carapaz, Mikel Landa (Bahrain Victorious), Valverde eta Hindley; azken honek eskuratu du hirugarren postua, lau segundoko gain-saria jasota. Carapaz laugarren izan da, Valverde bosgarren eta Landa seigarren. Joao Almeida (UAE Emirates) laukotearekiko 14 segundora helmugaratu da.
Etapan zehar, tropelean Bahrain Victorious ibili da lanean. Landaren eta Pello Bilbaoren taldeak erritmo gogorra jarri du, eta, azkenean faboritoen artean diferentzia handirik egon ez den arren, Mikel Landa sailkapen nagusiko hirugarren postutik gertuago dago. Landa eta Pello kateatu egin dira Santa Cristinako igoeran, eta Gernika-Lumokoa lurrera joan da. Horrek erritmoa moztu die, baina biek aurrera jarraitu ahal izan dute.
Richard Carapaz dago sailkapen nagusiko lehen postuan, eta hiru segundoko abantaila du bigarren den Jai Hindleyrekiko. Joao Almeida da hirugarren 44 segundora, eta Mikel Landa laugarren da liderrarekiko 59 segundora.
16. etapako sailkapena:
1 - HIRT Jan (Intermarche) 5:40:45
2 - ARENSMAN Thymen (DSM) + 7"
3 - HINDLEY Jai (BORA) + 1'24"
4 - CARAPAZ Richard (INEOS) d. b.
5 - VALVERDE Alejandro (Movistar) d. b.
6 - LANDA Mikel (Bahrain-Victorious) d. b.
7 - KÄMNA Lennard (BORA) + 1'38"
8 - ALMEIDA João (UAE) d. b.
9 - NIBALI Vincenzo (Astana) + 2'06"
10 - CARTHY Hugh (EF Education) + 2'13"
11 - BILBAO Pello (Bahrain-Victorious) + 3'23"
Sailkapen nagusia:
1 - CARAPAZ Richard (INEOS) 68:49:06
2 - HINDLEY Jai (BORA) + 3"
3 - ALMEIDA João (UAE) + 44"
4 - LANDA Mikel (Bahrain) + 59"
5 - NIBALI Vincenzo (Astana) +3'40"
6 - POZZOVIVO Domenico (Intermarche) + 3'48"
7 - BILBAO Pello (Bahrain) + 3'51"
8 - BUCHMANN Emanuel (BORA) + 4'45"
9 - HIRT Jan (Intermarche) + 7'42"
10 - VALVERDE Alejandro (Movistar) + 9'04"
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.